SBS Tigrinya - ኤስ.ቢ.ኤስ ትግርኛ

ኣብ ናይ ሎሚ መደብና ኤርትራዊ ኮኾብ ተቐዳዳማይ ቢንያም ግርማይ ኣብ’ቲ ዓሚ ቅያ ዝሰርሓሉ ቅድድም ኣብ በልጅም ተመሊሱ ተወዳዲሩ፣ ሃገራዊት ጋንታ ኩዕሶ እግሪ ኢትዮጵያ ሳልሳይ ዙር ምድባዊ መጻረዪ ግጥማ ንዋንጫ ሃገራት ኣፍሪቃ 2023 ኣካይዳ ብጊኒ 2-0 ተሳዒራ፣ ብምኽንያት ዶፒንግ ወይ ምጥቃም ብሕጊ ዝተኸልከሉ ኣካላዊ ብቕዓት ዘደንፍዑ ንጥረ ነገራት ኣብ ልዕሊ ሩስያ ተነቢሩ ዝጸንሐ እገዳ ተላዒሉ፣ እቲ ብሰንኪ ኣብ ልዕሊ ዩክይረን ትፍጽሞ ዘላ ወራርን ኲናትን ዝተነበረ እገዳ ግን ኣትለቲክስ ዓለም ከምዘለዎ ክቕጽል ደጊፉ ዝብሉ ገለ ትሕዝቶታት ንምልከቶም’ዮም

ሓዱሽ ፕረዚደንት ትግራይ ጌታቸው ረዳ ሰላምም ፀጥታን ንምስፋንን፣ ግዝኣታዊ ሓድነትን ንምኽባር ከም ዝሰርሑ ተዛሪቦም። ኤርትራ:ንፕሮጀክት ፀሓያዊ ፀዓት ደቀምሓረ ዝውዕል ስምምዕ $50 ሚልዮን ተፈሪሙ።

ኣብ ኒው ሳውዝ ወልስ ኣብ ዝተገብረ ናይ ግዝ ኣት ምርጫ ሰልፊ ለበር ኣብ መላእ እታ ብብዝሒ ህዝቢ ኣብ ኣውስትራሊያ ዝዓበየት ግዝ ኣት ስዒሩ መንግስቲ ከቕውም እዩ። በዚ ውጽ ኢት ብዘይካ ታዝማኒያ ኣብ ፈደራልን ኩለን ግዝ ኣታት ኣውስትራሊያን ብሰልፊ ለበር ክምርሓ ኪኢለን ኣለዋ። ብተወሳኺ እዚ ውጽኢት እዚ ፡ ሰልፊ ለበር ኣብ ኒው ሳውዝ ዌልስ ን 12 ዓመት ከም ተቓዋሚ ኮይኑ ዝጸንሃሉ ዘበን ዘብቅዓሉ ኮይኑ ኣሎ።

ካልኣይ ክፋል ቃለ መሕትት ምስ ኣቶ ኣርኣያ ካሳ። ኣቶ ኣርኣያ ንነዊሕ ዓመታት ቋንቋ ትግርኛ ንምምዕባል ዝሕግዙ ዝተፈላለዩ መጽናዕትታት ገይሩ ኣብ መርበብ ሓበሬታ ጽሑፋት ዘቕርብ እዩ። ቋንቋ ትግርኛ ትማልን ሎሚን ከመይ ከምዘሎን ንኽምዕብል ዘድልዩ ነገራት ብዝምልከት መብርሂ ሂቡ ኣሎ። ሎሚ ቀዳማይ ክፋሉ ቀሪቡ ኣሎ።

ሓሙስ 23 መጋቢት 2023 ንሓደ ሰዓት ዝጸንሕ መደብና፥ አቶ ልዑል ፍስሃ - ኣብ ሜልተን ሲቲ፡ ኣብ ደፓርትመንት መንእሰያት ኣማኻሪ ናይ ስራሕ ስልጠና እዩ። እቲ ናቶም ደፓርትመንት ዝህቦ ኣገልግሎት ብፍላይ ብዛዕባ ኣብዚ ቀረባ እዋን ንደለይቲ ስራሕ ኣብ ናይ መዕርፎ ነፈርቲ ስራሕ ክሰርሑ ንዝደልዩ ክፉት ናይ ስራሕ ዕድላት ስፖዝዮም ዝምልከት ሓቢሩ ኣሎ። ልኡኽና ዝሰደልና ጸጻብ ኣርእስታቶም፥ ባጀት ትግራይ ንምልቃቕ ዝርርብ ተጀሚሩ'ሎ ዶ/ር ደብረጽዮን ገብረሚካኤልን ተዛሪቡ። ልኡኽ ሚኒስተር ጉዳያት ወጻኢ ኤርትራ ኣብ ሩስያ ምብጻሕ የካይድ ኣሎ። ዉጉኣት ኲናት ትግራይ ኣብ ከተማ መቐለ ተቓውሞ ኣካይዶም። ምርመራታት መግሃስቲ ሰብኣዊ መሰላት ኣብ ኢትዮጵያ ክቅጽል ኪኢላታት ሕቡራት ሃገራት ፀዊዖም። ኤርትራን ኢትዮጵያን ንክሲ ኣሜሪካ ነጺገን ኣብ ናይ ቃለ መሕትት መደብና ብዛዕባ ምዕባለ ቋንቋ ትግርኛ ዝምልከት ምስ ኣቶ ኣር ኣያ ካሳ ዝተገብረ ቃለመሕትት ክቐርብ እዩ። ኣብ መደብ ምንባር ኣብ ኣውስትራሊያ፡ ኣብ ኣውስትራሊያ ብዛዕባ ሓደጋ መኪና ክትፈልጥዎ ዝግብኣኩም ነገራት፡ ዝሓዘ ትሕዝቶ እዩ ዘለዎ። ካልእ ትሕዝቶታትውን ቀሪብና ኣለና ቀንዲ ነጥቢታት ዜና፡ ** ኣብ መንጎ ኒው ሳውዝ ዌልስ ፕሪመር ሊግ ዶሚኒክ ፐሮትን መራሒ ተቓዋሚ ክሪስ ሚንስን ናይ መወዳእታ ክትዕ ብረቡዕ (22 መጋቢት) ምሸት ቅድሚ እቲ ኣብ ቀዳም ዝካየድ ምርጫ ተኻይዱ ። ** ኣብ መብዛሕትአን ዓበይቲ ከተማታት ፈረንሳ ናይ ተቓውሞ ሰልፍታት ይቕጽል ኣሎ ** ኣብ ትግራይ ንዝተፈጸመ መግሃስቲ ሰብኣዊ መሰላት ብ ኣመሪካ ዝቐረበ ክሲ ኤርትራን ኢትዮጵያን ነጺገን

ኣቶ ኣርኣያ ካሳ፡ ንነዊሕ ዓመታት ቋንቋ ትግርኛ ንምምዕባል ዝሕግዙ ዝተፈላለዩ መጽናዕትታት ገይሩ ኣብ መርበብ ሓበሬታ ጽሑፋት ዘቕርብ እዩ። ቋንቋ ትግርኛ ትማልን ሎሚን ከመይ ከምዘሎን ንኽምዕብል ዘድልዩ ነገራት ብዝምልከት መብርሂ ሂቡ ኣሎ። ሎሚ ቀዳማይ ክፋሉ ቀሪቡ ኣሎ።

ባጀት ትግራይ ንምልቃቕ ዝርርብ ተጀሚሩ'ሎ ዶ/ር ደብረጽዮን ገብረሚካኤልን ተዛሪቡ። ልኡኽ ሚኒስተር ጉዳያት ወጻኢ ኤርትራ ኣብ ሩስያ ምብጻሕ የካይድ ኣሎ። ዉጉኣት ኲናት ትግራይ ኣብ ከተማ መቐለ ተቓውሞ ኣካይዶም። ምርመራታት መግሃስቲ ሰብኣዊ መሰላት ኣብ ኢትዮጵያ ክቅጽል ኪኢላታት ሕቡራት ሃገራት ፀዊዖም።

አቶ ልዑል ፍስሃ - ኣብ ሜልተን ሲቲ፡ ኣብ ደፓርትመንት መንእሰያት ኣማኻሪ ናይ ስራሕ ስልጠና እዩ። እቲ ናቶም ደፓርትመንት ዝህቦ ኣገልግሎት ብፍላይ ብዛዕባ ኣብዚ ቀረባ እዋን ንደለይቲ ስራሕ ኣብ ናይ መዕርፎ ነፈርቲ ስራሕ ክሰርሑ ንዝደልዩ ክፉት ናይ ስራሕ ዕድላት ስፖዝዮም ዝምልከት ሓቢሩ ኣሎ።

ዝኾነ ሰብ ዋላ ኣይጕዳእ ኣብ ማኪና ወይ ኣብ ንብረት ዝወርድ ጕድኣት እውን ቀሊል እንተዀነ: ምግጫው ናይ ሞተር ማኪና ምስ ዘጋጥም ኣዝዩ ከቢድ ክኸውን ይኽእል እዩ ። ኣብ ኣውስትራሊያ ዓቢ ወይ ንእሽቶ ሓደጋ መኪና ኣጋጢሙካ እንተኾይኑ እንታይ ክትገብር ከምዘለካ ፤ ብኸመይ ሓገዝ ክትሓትት ከምትኽእል ፤ ከምኡ "ውን ተጋገ ኣይትጋገ መሰልካ እንታይ ከምዝኾነ ኣብዚ ትሕዝቶ ተገሊጹ ኣሎ ።

ናይ ሎሚ ሰኑይ 20 መጋቢት 2023 ምሉእ ትሕዝቶ፡ ብ 12 መጋቢት 2023፡ ኣብ ከተማ መልበርን ጽምብል መበል 13 ዓመታዊ ሽልማት ዓዋተ ምሩቓት ተመሃሮ ካልኣይ ደረጃን ዩኒቨርሲቲን ተኻይዱ ኔሩ። ብተወሳኺ ምሽላም ኣብ ማሕበረሰብ ኤርራዊያን ኣብ ኣውስትራሊያ ኣበርክቶ ዝገበሩ ሰባት ተገይሩ። ነዚ ኣመልኪትና ብዛዕባ ኩነታት ተመሃሮን ተራ እዚ ስነስርዓት ምሽላምን ወለዲን፡ ምስ ኣተሓባባሪ ዓዋተ ሽልማት መምህር ኣልኣሚን ዓብደላን ከምኡ’ውን ዶ/ር ሳላሕ ጅምዕን ዝገበርናዮ ዕላል ኣለና። ልኡኽና ካብ ዝለኣኸልና ጸብጻብ ኣርእስታት፦ ዝተዓጸዋ ኣብያተ ትምህርቲ ትግራይ ድሕሪ ሰለስተ ዓመታት ክኽፈታ ምዃነን ዩኒሴፍ ኣፍሊጡ። ጋዜጠኛ ቴሌቪዥን ትግራይ ሃይለሚካኤል ገሰሰ ካብ ማእሰርቲ ተፈቲሑ። ኩናት ዝዓነወ ከባቢታት ዳግም ህንፀት ንምክያድ ልዕሊ 20 ቢልዮን ዶላር ዓለም ለኻዊ ሓገዝ ተሓቲቱ። መንግስቲ ኢትዮጵያ ዝቕጽል ዓመት ነዳዲ ንምዕዳግ ዝውዕክ ኣርባዕተ ቢልዮን ዶላር ከምዘድልዮ ገሊጹ። ብልጽግና ኢትዮጵያ ጸገም ስርቂ ኣጋጢምዋ ምህላዉ ኣፍሊጡ። ሰሙናዊ መደብ ስፖርት ናይ ኢብራሂም ዓሊ ካልእ ትሕዝቶታትን፥ ኣርእስታት ዜና፥ ** ሚኒስተር ምክልኻል ኣውስትራሊያ ኣምሳያ ናይቲ ኣውስትራሊያ ዝገበረቶ ስምምዕ ምህናጽ ናይ ኑክሌር ሳብማሪን ምስ ሕቡራት መንግስታት ኣመሪካ ናብ ኲናት ንምኻድ ዋላሓንቲ ቃል ኣይኣተወትን ክብል ገሊጹ፡ ** ኒዮ ናዚዝም ንምክልኻል ተወሳኺ ስጉምቲ ከምዝወስድ መንግስቲ ቪክቶሪያ ኣፍሊጡ። ** ኣርሰናል ንክሪስታል ፓላስ 4ብ1 ብምስዓር ኣብ መሳልል ፕሪመር ሊግ ቦታኣ ከተደልድል ክኢላ ኣላ።