SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (10/04/2023) * ኣሰልጣኒ ሃገራዊት ጋንታ ኩዕሶ እግሪ ኢትዮጵያ ዉበቱ ኣባተ ካብ ሓላፍነቱ ክወርድ ዘለዎ ድሌት ዝገልጽ ደብዳበ ናብ ፈደረሽን ኩዕሶ እግሪ ከምዘቕረበ ተገሊጹ፣ * ኤርትራዊ ኮኾብ ቢንያም ግርማይ ኣብ ቅድድም ብሽግለታ ዙር ፍላንደርስ ድሕሪ ዘጋጠሞ ሓደጋ ኣብ ሆስፒታል ክሕከም ድሕሪ ምጽናሕ ኩነታቱ ከምዝተመሓየሸ ጋንትኡ ከተፍልጥ እንከላ መንእሰይ ተቐዳዳማይ ኣኽሊሉ ኣረፋይነ ከኣ ኣብ መንእሰያት ተማዕብለሉ ክፋል ናይ’ታ ጋንታ ምጽባሩ ሓቢራ፣ * ፕሪምየር ሊግ ዓዲ እንግሊዝ ኣብ’ዚ ቀዳመ ሰንበት ድሕሪ ዘካየዶም ዙርያ ግጥማት ኣብ መንጎ ኣብ መሪሕነት መሳልል ጋንታታት ዘላ ኣርሰናልን ትኽተላ ዘላ ማንቸስተር ሲቲን ዘሎ ፍልልይ ነጥቢ ናብ 6 ድሕሪ ምድያቡ ሻምፒዮና መን ትኸውን ዝብል ንሕንሕ ክሳብ መወዳእታ ከምዝኸይድ ኣመልኪቶም፣

ዘካርያስ ገሪማ፡ ኣብዚ ቅሩብ እዋን ናይቲ ፍሉጥ ጸሓፊ ጂብራን ከሊል "The Prophet" ትብል መጽሓፍ ናብ ትግርኛ "እቲ ነብዪ" ኢሉ ተርጒምዋ ኣሎ። ነዚ ኣመልኪትና ብዛዕባ እቲ ዝገበሮ ስራሕን ኣብ ጥበብ ኣተራጉማን ኣመልኪትና ዕላል ገይርና ኣለና። ቀዳማይ ክፋል ናይቲ ዝተገብረ ዕላል ኣብዚ ቐሪቡ ኣሎ።

ካብቲ ድሕሪ ካልኣይ ውግእ ዓለም ንገበነኛታት ናዚ ናብ ፍርዲ ዘቕረበ መጋባእያታት ኑረምበርግ ብህይወት ዝተረፈ ናይ መወዳእታ ዓቃብ ሕጊ በንጃሚን ፈረንዝ ዓርቢ 7 ሚያዝያ ዓሪፉ ። ሚስተር ፈርንዝ ኣብ እዋን እቲ ውግእ ናይ ሞት ወተሃደራት ጀርመን ዝመርሑ ናብ ፍርዲ ዘረበን ድሕሪ እቲ ፍርዲታት ከኣ ኣህጉራዊ ሕግን ፍትሕን ክህሉ ንነዊሕ እዋን ዝተጣበቐብ እዩ ነይሩ ።

ኣብ ናይ ሎሚ ሓሙስ 6 ሚያዝያ 2023 ንሓደ ሰዓት ዝጸንሕ መደብና፥ ኣብዚ ወርሒ ኣመንቲ ምስልምና ኣብ ናይ ረመዳን ጾም ኣለዉ፡ ነዚ ኣመልኪትና ብዛዕባ ኣብ እዋን ረመዳንን ዒድን ዝዳሎ መግቢን መስተን ምስኡ ዝኸይድ ፍቕርን ምትሕውዋስን ኣብ ዓዲን ኣብ ወጻእን ከመይ ከምዝመስል ምስ ወ/ሮ ሰሚራ መሓመድ ዕላል ኣካይድና ኣለና።ኣብ ናይ ቃለ መሕትት መደብና ክቐርብ እዩ። ልኡኽና ዝሰደደልና ጸብጻብ እዞም ዝስዕቡ ኣርእስታት ዝሓዘ እዩ። ላዕለዋይ ወተሃደራዊ ልኡኽ ኤርትራ፡ ኣብ ኢትዮጵያ ናይ ስራሕ ምብጻሕ ኣካይዱ። ብፕረዝደነት ጌታቸው ረዳ ዝምራሕ ሓዱሽ ካብኔ ጊዝያዊ ምምሕዳር ትግራይ ካብቲ ነባር ወግዓዊ ርኽክብ ስልጣን ኣሳሊጡ። ፈረንሳይ ብትግራይ ዝተጎድኡ ዩኒቨርስታትን ሓድግታትን ዳግም ንምህናጽ ከም ትደሊ ገሊፃ። መንግስቲ ኢትዮጵያ፣ ኣምሓራ ማእኸሎም ዝገበሩ ን ላዕለዎት ኣመራርሓ መንግስቲ ከጥቅዑ ዝተንቀሳቐሱ ኣካላት ከም ዝኣሰረ ኣፍሊጡ። ኣብ መደብ ምንባር ኣብ ኣውስትራሊያ፥ መቕጻዕቲ እንተ መጺእኩም ብኸመይ ክትከፍልዎ ከምዘለኩምን ብዘይምኽፋልኩም ክመጽእ ካብ ዝኽእል ተወሳኺ መቕጻዕቲ ንምድሓን ዝሕግዘኩም ሓበሬታ፥ ዝምልከት እዩ ክኸውን ካልእ ትሕዝቶታትውን ቀሪብና ኣለና ቀንዲ ነጥቢታት ዜና፡ ** ሓድሽ ካቢነ መንግስቲ ኒው ሳውዝ ዌልስ ኣብ ታሪኽ ብኽምዝገብ ዝኽእል ቃለ ማሕላ ፈጺሙ። ** ፖሊስ እስራኤል ነቲ ኣብ ጥንታዊት ከተማ የሩሳሌም ዝርከብ መስጊድ ኣል-ኣቅሳ ጥሒሱ ድሕሪ ምእታዉ ፡ ኣብ መላእ ማእከላይ ምብራቕ ተቓውሞታት ተላዒሉ ። ** ላዕለዋይ ወተሃደራዊ ልኡኽ ኤርትራ፡ ኣብ ኢትዮጵያ ናይ ስራሕ ምብጻሕ ኣካይዱ።

ልኡኽና ዝሰደደልና ጸብጻብ እዞም ዝስዕቡ ኣርእስታት ዝሓዘ እዩ። ብፕረዝደነት ጌታቸው ረዳ ዝምራሕ ሓዱሽ ካብኔ ጊዝያዊ ምምሕዳር ትግራይ ካብቲ ነባር ወግዓዊ ርኽክብ ስልጣን ኣሳሊጡ። ፈረንሳይ ብትግራይ ዝተጎድኡ ዩኒቨርስታትን ሓድግታትን ዳግም ንምህናጽ ከም ትደሊ ገሊፃ። መንግስቲ ኢትዮጵያ፣ ኣምሓራ ማእኸሎም ዝገበሩ ን ላዕለዎት ኣመራርሓ መንግስቲ ከጥቅዑ ዝተንቀሳቐሱ ኣካላት ከም ዝኣሰረ ኣፍሊጡ።

ፊንላንድ መበል 31 ኣባል ኪዳን ኔቶ ኰይና ኣላ ፣ በዚ ከኣ እቲ ርሕቀት ናይተን ' ምስ ሩስያ ዝዳወባ ኣባል ሃገራት ዳርጋ ብዕጽፊ ወሲኹ ኣሎ ። እዚ ታሪኻዊ ቅልጡፍ ምቕባል ኣባልነት እዚ ፡ በቲ ሩስያ ኣብ ዩክረይን ዝገበረቶ ውግእ ዝደፍአ ኩነት እዩ ።

ኣብ ኣውስትራሊያ ብዙሓት ሰባት ክኸፍልዎ ዝግባእ ገንዘብ ዕሽሽ ምባል ከቢድ ሳዕቤን ከምዘለዎ ኣይፈልጡን እዮም ። ካብ ተወሳኺ ክፍሊት ምኽፋል፤ ፍቓድ መዘወሪኻ ጠጠው ምባል ወይውን ናትካ ውልቃዊ ንብረት ክሳብ ምእጋድ ዝበጽሕ ከቢድ መቕጻዕቲ ዘውርድ ዓቢ ግምት እዩ ። ብኣንጻሩ ግና ፡ ኣቐዲምካ ስጕምቲ ምውሳድን ኣድላዪ እንተ ኰይኑ ሓገዝ ምድላይን ፡ ካብ ዘየድሊ ጸገማትን ወጻኢታትን የድሕነካ እዩ ።

ኣብዚ ወርሒ ኣመንቲ ምስልምና ኣብ ናይ ረመዳን ጾም ኣለዉ፡ ነዚ ኣመልኪትና ብዛዕባ ኣብ እዋን ረመዳንን ዒድን ዝዳሎ መግቢን መስተን ምስኡ ዝኸይድ ፍቕርን ምትሕውዋስን ኣብ ዓዲን ኣብ ወጻእን ከመይ ከምዝመስል ኣብሪሃትልና ኣላ።

ናይ ሰኑይ 03 ሚያዝያ 2023 ዝተቐረቡ ናይ ሓደ ሰዓት ትሕዝቶ፡ ማሕበረሰብ ኤርትራዊያን ኣብ ኣውስትራሊያ፡ ናይ ሓባር ኢፍጣር ኣብ ኖርዝ መልበርን መአከቢ ኣዳራሽ ማሕበረሰባት ብዕለት 01 ሚያዝያ 2023 ጌሮም ነይሮም፡ ኣብቲ ቦታ ተረኺብና ተሳተፍቲን ኣወሃድቲ ኣቲ መደብን ብዛዕባ’ቲ ምትእኽኻብ ናይ ሓባር ኢፍጣር ዝሃቡና ጦብላሕታ ቀሪቡ ኣሎ። ልኡኽና ዝሰደደልና ኣርእስታት ጸብጻብ፥ ልኡኽ ግዝያዊ ምምሕዳር ትግራይ ኣብ ኣዲስ ኣበባ ዝተፈላለዩ ዕዮታት ኣሳሊጡ። መንግስቲ ኦሮምያ ኣብ ዳግመ ህንፀት ትግራይ ደገፍ ክገብር ምዃኑ ገሊጹ። ኣብ ኢትዮጵያ መዝነት ቀዳማይ ሚንስተር ኣብይ ዝድግፉን ዝቃወሙን ሰልፍታት ተኻይዶም። ትካል ዕደና ቻይና ሲሹዋን፣ 50% ዕደና ዳናካሊ ዓዲጉ። ሰሙናዊ መደብ ስፖርት ናይ ኢብራሂም ዓሊ ካብ ዝርእዮም ኣርእስታት ዜና ስፖርት፥ ሰሙናዊ መደብ ስፖርት * ቅድድም ናብ ዋንጫ ሃገራት ኣፍሪቃ 2023 ኣብ ኮትዲቯር ቅርጹ እናሓዘ ይመጽእ፣ ሽዱሽተ ሃገራት ክሳብ ሕጂ ኣብ ዝሓለፉ ሸውዓተ መዓልታት ድሕሪ ዝተኻየዱ መጻረዪ ግጥማት ናብ’ቲ ውራይ ምሕላፈን ኣረጋጊጸን፣ * ማንቸስተር ዩናይትድ ኣብ ፕሪምየር ሊግ ዓዲ እንግሊዝ ኣብ መወዳእትኡ ራብዓይ ተርታ ከተውሕስ ምዃና ከተረጋግጽ ኣይከኣለትን፣ * ኣብ’ዚ ሰሙን ክልተ ኣሰልጠንቲ ምስጓጎም ወሲኽካ ኣብ’ዚ ወቕቲ 12 ዝኾኑ ኣሰልጠንቲ ጋንታታት ፒምየርሊግ ተሶጒጎም፣ ኣርእስታት ዜና፥ ** እቲ በዓል ራእይ መሪሕ ናይ መሬት መሰል ተኸራኻሪ ዩንፒንግ ኣብ ሰሜናዊ ምብራቕ ኣርነሀም ላንድ ዓሪፉ። ** ሰራዊት እስራኤል ፡ ካብ ሶርያ ናብታ ሃገር ዝሰገረት መንነታ ዘይተፈልጠ ነፋሪት ሃሪሙ ከምዘውረደ ገሊጹ ። ** ማንቸስተር ዩናይትድ ኣብ ፕሪምየር ሊግ ዓዲ እንግሊዝ ኣብ መወዳእትኡ ራብዓይ ተርታ ከተውሕስ ምዃና ከተረጋግጽ ኣይከኣለትን፣

ልኡኽና ዝሰደደልና ኣርእስታት ጸብጻብ፥ ልኡኽ ግዝያዊ ምምሕዳር ትግራይ ኣብ ኣዲስ ኣበባ ዝተፈላለዩ ዕዮታት ኣሳሊጡ። መንግስቲ ኦሮምያ ኣብ ዳግመ ህንፀት ትግራይ ደገፍ ክገብር ምዃኑ ገሊጹ። ኣብ ኢትዮጵያ መዝነት ቀዳማይ ሚንስተር ኣብይ ዝድግፉን ዝቃወሙን ሰልፍታት ተኻይዶም።