SBS Tigrinya - ኤስ.ቢ.ኤስ ትግርኛ

ኣቶ መኮንን ተስፋይ፡ ኣብ ትካላት ንድሕነት ሰራሕተኛታት ዝከታተልን ዝምህርን በዓል ሞያ ኮይኑ፡ ኣስራሕቲ ሕጊ ተኸቲሎም ጥዕናን ድሕነትን ሰራሕተኛታቶም ክሕልው ዝከታተል ወይ ዝመክር ሞያ እዩ። ብተወሳኺ እዚ ሞያ፡ ጥዕና ኣከባቢ ንምሕላው ዝተፈላለየ ንኣከባቢ ዝብክሉ ቀመማት ካብ ፋብሪካታትን መዐደኒ ትካላትን ዝምንጭዉ ኣብ ህይወታውያን ሓደጋን ሕማምን ከየስዕቡ ንኣስራሕቲ ዝከታተልን ዝሕግዝን ሞያ ኢዩ። ሰራሕተኛታት ኣብ ስራሕ ከጋጥሞም ዝኽእል ሓደጋን ጥንቃቐን፡ ኣስራሕቲ፡ ካብ ሓደጋ ንምክልካል ንሰራሕተኛታት ዝህብዎ ዋሕስን ኣሰራርሓን ምስኡ ዝተሓሓዙን ሕቶታት መሊሱ ኣሎ፡ ቀዳማይ ክፋሉ ኣብዚ ቀሪቡ ኣሎ፡ ካል ኣይ ክፋሉ ኣብዝመጽእ መደብ ክቐርብ እዩ።

እዚ ደሃይ ዋንጫ ዓለም ፊፋ 2022 ቐጠር ዝቐርበሉ ትሕዝቶ'ዩ። ዋንጫ ዓለም ቐጠር መበል 17 መዓልቲ ግጥማት ኣብ ዘካየደሉ እቲ ኣብ ርብዒ ፍጻመ ዝበጽሓ ሃገራት መነመን ምዃነን ተረጋጊጹ'ሎ። ኣቐዲመን ነዘርላንድስ ንዩኤስኤይ 3-1, ኣርጀንቲና ንኣውስትራልያ 2-1, ፈረንሳ ንፖላንድ 3-1, እንግሊዝ ንሰነጋል 3-0, ብራዚል ንደቡብ ኮርያ 4-1, ክሮኤሽያ ከኣ ንጃፓን ብፍጹም ቅላዕ መቕጻዕቲ 3-1 ስዒረን ምሕላፈን ከምዘረጋገጻ ይዝከር። ስለ'ዚ ክሳብ'ዚ መዓልቲ ክሮኤሽያ ኣንጻር ብራዚል፣ ነዘርላንድስ ኣንጻር ኣርጀንቲና ከም'ኡ'ውን ኢንግላንድ ኣንጻር ፈረንሳ ክገጥማ ምዃነን ተረጋጊጹ ኣሎ። ሶኑይ ምሸት (ኣብ'ዚ ኣብ ኣውስትራልያ ኸኣ ሓሙስ ወጋሕታ) ፖርቱጋል ንሮናልዶ ኣብ ሰደቓ ተቐየርቲ ኣቐሚጣ ኣንጻር ስዊዘርላንድ ብምግጣም ሓደ ካብ ዝዓበዩ ውጽኢታት ኣብ ግጥማት ርብዒ ፍጻመ ዝኾነ 6-1 ተዓዊታ። ኣብ ተመሳሳሊ ምሸት ኣቐዲማ ኣፍሪቃዊት ሃገር ሞሮኮ ንሓንቲ ካብ'ተን ክዕወታ ተባሂለን ዝተገመታ ስፐይን ብፍጹም ቅላዕ መቕጻዕቲ ስዒራ ንፈለማ ግዜ ናብ ርብዒ ፍጻመ ሓሊፋ'ላ። ክልቲኤን እታ ናይ መወዳእታ ግጥም ርብዒ ፍጻመ ከካይድኣ'የን ማለት'ዩ።

ኣብ ኣውስትራሊያ መብዛሕቶም ናይ ከተማ ኣብያተ ምኽሪ ወይ ካውንስላት ንስድራታት ብዘይኽፍሊት ናይ ጐሓፍ ምእካብ ኣገልግሎታት ብናጻ ይህቡ እዮም ። ይኹን እምበር ብዛዕባ እንታይ ዓይነት ጓሓፍ'ዩ ቅቡልን መዓስን ኣብ ዝብሉ ሕጊታት ኣለዉ ። ነዚ ዝስዕብ ነገራት ብምፍላጥ ብሓላፍነትን ብዘይ ገለ ጸገምን ኸተወግድ ይከኣል እዩ።

ሰሙናዊ መደብ ስፖርት (05/12/2022) * ኣማነ በሪሶ ኣብ ውድድር ማራቶን ‘ቫለንስያ’ ተዓዋቲት ኮይና፣ ለተሰንበት ግደይ ንፈለማ ግዚኣ ተሳቲፋ ካልኣይቲ ወጺኣ፣ * ሻምፒዮን ዓለም ኢትዮጵያዊት ጎትይቶም ገብረስላሰን ኬንያዊ ኤልዮድ ኪፕቸገን ዝመጽእ ዓመት ኣብ ማራቶን ቦስተን ንፈለማ ግዚኦም ክሳተፉ’ዮም፣ * ኢትዮጵያውያን ተቐዳደምቲ ዝሳተፍዎ ቅድድም ብሽግለታ መንእሰያት ደቂተባዕትዮ ሲኤሲ ናይል ቱር ኣብ ኣስዋን፣ ምስሪ፣ ይካየድ ኣሎ፣ * ኣሰልጣኒ ሃገራዊት ጋንታ ኢትዮጵያ ንዝመጽእ ዘሎ ግጥማት ኩዕሶ እግሪ ሻምፒዮና ሃገራት ኣፍሪቃ/ቻን ንምድላው ክሳብ 42 ዝኾኑ ተጻወቲ ጸዊዑ፣ * ጉዕዞ ሰነጋል ኣብ ዋንጫ ዓለም ፊፋ 2022 ኣብ ዘኽተመሉ ተጻወቲ ኣውስትራልያ ደገፍቲ ሃገሮም በቲ ዘርኣይዎ ብቕዓት ሕጉሳት ምዃኖም ከምዘሐበኖም ገሊጾም ዝብሉ ገለ ትሕዝቶታት ንምልከቶም’ዮም፣ ሰናይ ምክትታል።

ናይ ሎሚ ሰኑይ 5 ታሕሳስ 2022 ምሉእ ትሕዝቶ፡ ድሕሪ ዜና ዝህልዉና መደባት እዞም ዝስዕቡ እዮም፡ ጎስጓስ ጸረ መላኖማ ብ ቲክቶክ ፥ ነዚ ኣመልኪትና ሓደ ትሕዝቶ ከነቕርብ ኢና። ልኡኽና ካብ ዝለኣኸልና ጸብጻብ ኣርእስታት፦ ኣርእስታት ዜና ዕጡቓት ኣምሓራን ኦሮምያን ኣብ ኦሮምያ ብዝኸፈቱዎ ውግእ ጉድኣት ይስዕብ ከም ዘሎ ተሰሚዑ። ሰራዊት ትግራይ ካብ 65% መስመራት ውግእ ከም ዝወጸ ተገሊጹ። ኣብ ትግራይ ባንክ ንምኽፋት ምቅርራባት ከምዘሎ ሃገራዊ ባንክ ኢትዮጵያ ኣፍሊጡ። ኣሜሪካ ንኤርትራ ካብ ኣፍሪቃ ብምጭቋን ሃይማኖት ከሲሳታ። ሓሙሻይ ፓትርያርክ ኦርቶዶክስ ተዋህዶ ቤተ ክርስትያን ብጹእ ወቅዱስ ኣቡን ቀዳማዊ ቄርሎስ ኣብ ዓሪፎም። ኣብ ክፍለ ግዝኣት ቪክቶሪያ ዝተገብረ ምርጫ ብፕሪሜር ዳኒኤል ኣንድሪውስ ዝምራሕ ሰልፊ ለበር ንሳልሳይ እብረ ተመሪጹ መንግስቲ የቕውም ኣሎ። ምስዚ ዝትተሓሓዝ ሕቶታት ኣቶ ያሲር ዓብደልርሒም መሊሱልና ኣሎ። ሰሙናዊ መደብ ስፖርት ናይ ኢብራሂም ዓሊ ካልእ ትሕዝቶታትንውን ኣለዉ።

ሰራዊት ትግራይ ካብ 65% መስመራት ውግእ ከም ዝወጸ ተገሊጹ። ኣብ ትግራይ ባንክ ንምኽፋት ምቅርራባት ከምዘሎ ሃገራዊ ባንክ ኢትዮጵያ ኣፍሊጡ። ኣሜሪካ ንኤርትራ ካብ ኣፍሪቃ ብምጭቋን ሃይማኖት ከሲሳታ። ሓሙሻይ ፓትርያርክ ኦርቶዶክስ ተዋህዶ ቤተ ክርስትያን ብጹእ ወቅዱስ ኣቡን ቀዳማዊ ቄርሎስ ኣብ ዓሪፎም።

ኣብ ኣውስትራሊያ ኣብዚ እዋን ሙቐት ሓጋይ ይጅምረሉ ኣብዘሎ ብዛዕባ ድሕንነት ጸሓይን ጥዕና ቆርበትን ዝገልጽ መልእኽቲ ኣብ መላእ ሃገር ይስደድ ኣሎ ። ቀንዲ ትካል ካንሰርን ማሕበራዊ መራኸቢ ቲክቲቶክን፡ ብሰንኪ ኣብ ጸሓይ ተሰጢሕካ ብምውዓል ዝመጽእ ኣብ ልዕሊ መንእሰያት ዘሕድሮ ዘይጥዑይ ወይ ቀታሊ ሳዕቤን እናወሰኸ ብምኻዱ ፡ ኣብ ጸሓይ ተሰጢሕካ ምውዓል ከም ዘሐጉስ ጌሩ ዝገልጽ ዝዀነ ቪድዮታት ከም ዘወግዱ ገሊጾም።

ኣብ ሰማንያታት ኣብ ኤርትራ ዓበይቲ ጋንታታት ከም ኤልፓ፡ ቺፖሊኒ፡ ዋልያን ኣዱሊስን ዝበሃላ ሓያልት ተጻወቲ ዝነበርወን ጋንታታ ኔረን። ብ ኢትዮጵያ ደረጃ ዝወዳደራን ካብ ተጻወተን ድማ ን ሃገራዊት ኢትዮጵያ ወኪሎም ዝጻወቱ ከም በዓል ፋንጁዕ፡ ኣማኑኤል፡ ሊሊ፡ ተፈራ፡ ነጋሽ ተኽሊን ይርከብዎም። ሓደ ካብቶም ኣብ ጸወታ ኩዕሶ እግሪ ህቡባት ዝነበሩ ጎደፋይ ደባስ’ውን ስሙ ኣብ ታሪኽ ዝጥቀስ እዩ። ቅድሚ ብዙሕ ዓመታት ኣዳላዊ መደብ SBS ስፖርት ኢብራሂም ዓሊ ኣዘራሪብዎ ኔሩ። ጸወታታት ዋንጫ ዓለም ፊፋ 2022 ቀጠር ምኽንያት ብምግባር ዳግም ናባኹም ነብሎ ኣለና። ኣብ'ዚ ሳልሳይ ክፋል ብዛዕባ ኣወጻጽእኡ ካብ ኤርትራ (ኢትዮጵያ)ን ኣመጻጽእኡ ናብ ኣውስትራልያ ብስዋዚላንድ ኣቢሉን ኣዕሊሉ ኣሎ።

ኣብ ክፍለ ግዝኣት ቪክቶሪያ ዝተገብረ ምርጫ ብፕሪሜር ዳኒኤል ኣንድሪውስ ዝምራሕ ሰልፊ ለበር ንሳልሳይ እብረ ተመሪጹ መንግስቲ የቕውም ኣሎ። ነዚ ምርጫ ምኽንያት ብምግባር፡ ሰልፊ ለበር ንኽምረጽ ዝገበሩ ቀንዲ ረቛሒታት እንታይ ኔሮም፧ ንምንታይ እዮም ካብ ብስደት ዝመጹ ማሕበረሰባት ንሰልፊ ለበር ዝመርጹ፡ ኣብዝመጽእ ዓመታት ካብ ሰልፊ ለበር እንታይ ትጽቢት እዩ ዘሎ፧ ዝብሉን ተተሓሓዝቲ ሕቶታት ኣቶ ያሲር ዓብደልርሒም መሊሱልና ኣሎ። ንሱ ኣብ ናይ ፈደራልን ግዝኣትን ዝግበር ምርጫታት ኣብ ምውህሃድን ቆጸራ ድምጺን ዝሳተፍን ወዲ ቪክቶሪያ እዩ።

ቀጥታ ምሉእ ትሕዝቶ ፖድካስት ኤስ ቢ ኤስ ትግርኛ