SBS Tigrinya - ኤስ.ቢ.ኤስ ትግርኛ

ሓድሽ ጸብጻብ ከም ዝሕብሮ ፡ ኣብዘን ዝሓለፋ 12 ኣዋርሕ ፡ ኣብ ኵለን ኣህጉራት ሕማቕ ኵነታት ኣየር ኣጋጢሙ እዩ ። ጸሓፍቲ እቲ ጸብጻብ ከምዝብልዎ ፡ እቲ ርኽበታት ነቲ ኣብ ዝመጽእ ዘሎ ዋዕላ ክሊማ ው.ሕ.ሃ. [6-18 ሕዳር 2022] ፡ ጽልዋታት ዓለማዊ ዋዒ ንምንካይ ሓያል ስጕምቲ ክውሰድ ከም ዘድሊ እዩ ዝሕብር ።

ናይ ሎሚ ሓሙስ 03 ሕዳር 2022 ናይ ሓደ ሰዓት መደብና ፡ ጸብጻብ፡ ብዛዕባ ስምምዕ ሰላም ካብ ኣርእስታት ዜና፥ ** ኣብ ደቡብ ኣፍሪቃ ክብገር ዝቐነየ ዘተ ሰላም ኢትዮጵያ ብስምምዕ ተዛዚሙ ። ** ናይ ኒው ሳውዝ ዌልስ ኣገልግሎት ህጹጽ ረድኤት ((SES)) ፡ድሕሪ እዚ ሰሙን እዚ ዝለዓለ ደረጃ ምዕልቕላቕ ማይ ክበጽሕ ከም ዝኽእል ትጽቢት ይገብር ። **ብዓለም ደረጃ ናህሪ ዋጋታት ጸዓትን መነባብሮን እናወሰኸ ይኸይድ ኣሎ። ብፍላይ ኣብ ኣውስትራሊያ ዘሎ ቁጠባዊ ኩነታት ከመይ ይመስል፧ ዝብልን ካልእ ሕቶታትን ዶ/ር ሳላሕ ጂምዕ ተንቲኑ ኣሎ። ኣብ ናይ ቃለ መሕትት መደብና ክቐርብ እዩ። ሪሰርቭ ባንክ ኣብዚ ዓመት እዚ ዝርአ ዘሎ ዝለዓለ ዝቕባበ ገንዘብ ይኽልሶን ፡ እዚ ወሰኽ እዚ ገና ብዙሕ ከም ዘሎ የጠንቅቕ ኣሎ ። ነዚ ዝምልከት ትንታነ ዜናን ካልእን ኣለና

ብዓለም ደረጃ ናህሪ ዋጋታት ጸዓትን መነባብሮን እናወሰኸ ይኸይድ ኣሎ። ብፍላይ ኣብ ኣውስትራሊያ ዘሎ ቁጠባዊ ኩነታት ከመይ ይመስል፧ ዝብልን ካልእ ሕቶታትን ዶ/ር ሳላሕ ጂምዕ ተንቲኑ ኣሎ።

መራሕቲ ሃገራት ዓረብ ኣብ ኣልጀርያ - ኣብ ኣፍሪቃ እታ ዝዓበየት ሃገር ብስፍሓት መሬት - ኣኼባ ይገብሩ ኣለዉ ። እዚ መበል 31 ዋዕላ ማሕበር ሃገራት ዓረብ ካብ ለበዳ ኮቪድ-19 ንደሓር ንመጀመርታ ግዜ እዩ ዝካየድ ዘሎ ። ናህሪ ምውሳኽ ዋጋ ፡ ሕጽረት መግብን ጸዓትን ፡ ደርቂ ፡ ከምኡ "ውን ኣብ መነባብሮ ዘጋጥም ዘሎ ሃልኪ ፡ ኣጀንዳ ናይቲ ኣኼባ እዩ ።

ሕብረት ኣፍሪቃ ዝሸምገሎ ኣብ መንጎ ልኡኻት ፈደራል መንግስቲ ኢትዮጵያን ትግራይን ኣብ ደቡብ ኣፍሪቃ ክካየድ ዝቐነየ ዘተ፡ ሕገ መንግስቲ ኢትዮጵያ ምርኩስ ዝገብረ ስምምዕ ብምፍርራም መራሕቲ ክልቲኡ ጉጅለታት ተዛዚሙ። ጸብጻብ ኣብዚ ቀሪቡ ኣሎ።

ናይ ገዛ ልቓሕ (ሞርጌጅ) ዘለዎም ሰባት ንሻውዓይ ተኸታታሊ መጠን ወለድ ብምውሳኹ ክህሰዩ ጀሚሮም ኣለዉ ። ትካላትን ስድራቤታትን ብዛዕባ እቲ ሳዕቤን ይጭነቑ ። ሪሰርቭ ባን ኣብዚ ዓመት እዚ ዝርአ ዘሎ ዝለዓለ ዝቕባበ ገንዘብ ይኽልሶን ፡ እዚ ወሰኽ እዚ ገና ብዙሕ ከም ዘሎ የጠንቅቕ ኣሎ ።

ሰሙናዊ መደብ ስፖርት * ክብረወሰን ዝኾነ 25000 ጎየይቲ ኣብ ዝተሳተፍዎ ማራቶን ዳብሊን ኢትዮጵያውያን ኣትሌታት ብደቀንስትዮ ክዕወታ እንከለዋ ብደቂተባዕትዮ ተኸታቲሎም 2ይን 3ይን ወጺኦም፣ * ሓለፍቲ ኩዕሶ እግሪ ኣፍሪቃ ጊኒ ንውራይ ዋንጫ ሃገራት ኣፍሪቃ 2025 ኣይተአንግዶን’ያ ኢሎም ድሕሪ ምውሳኖም ካልእ ኣአንጋዲት ሃገር ንምንዳይ ተበግሶ ጀሚሮም፣ * ኣብ ዝሓለፉ ውራያት ዋንጫ ዓለም ኩዕሶ እግሪ ደሚቖም ዝተራእዩ ሓደ ወለዶ ከዋኽብቲ ኩዕሶ እግሪ፣ ድሕሪ ዋንጫ ዓለም ቐጠር 2022 ካብ ግጥም ክንሰናበት ኢና ክብሉ ድሕሪ ምግላጾም ቐጠር ናይ መወዳእትኦም ክትከውን ትኽእል’ያ

ናይ ሎሚ ሰኑይ 31 ጥቅምቲ 2022 ምሉእ ትሕዝቶ ኤስ ቢ ኤስ ትግርኛ፡ ልኡኽና ዝሰደደልና ጸብጻባት ፡ ኣብ ልዕሊ 5 ግንባራት ደማዊ ውግእ ከም ዝቐጸለ ማእከላይ ኮማንድ ሰራዊት ትግራይ ገሊጹ። ብዘይካዚ ብዛዕባ ክብሪ ዋጋ ዝምልከት ሓደ ትሕዝቶን ቃለ መሕትት ከም ኡውን ሰሙናዊ መደብ ስፖርትን ክቐርብ እዩ። ካብ ኣርእስታት ዜና፥ ** ካብ ሶርያ ናብ ምስ ጉጅለ እስላማዊ ሃገር ዝቃለሱ ዝነበሩ ርክብ ዘለወን ደቂ-ኣንስትዮን ህጻናትን ናብ ሃገሮም ኣውስትራሊያ ምምላሶም ንሕብረተሰብ ዘተሓሳስብ ምዃኑ ተገሊጹ። ** ሩስያ ኣብ ጸሊም ባሕሪ ዝስደድ እኽሊ ዝተገብረ ስምምዕ ክትስሕብ ድሕሪ ምውሳና ፡ ኣማእታት መራኽብ ኣብቲ ባሕሪ ተዓጊተን እየን ።

ልኡኽና ዝሰደደልና ጸብጻባት ኣለና ኣርእስታቶም ድማ፡ ኤርትራ ኣብ ሊብያ ተወሳኺ ተንቀሳቃሲ ኣምባሳደር ከም ዝመደበት ኣፍሊጣ። ሰራዊት ኢትዮጵያን ኤርትራን፣ ኣብ ዞባታት ምብራቕ፣ ማእከላይን ሰሜናዊ ምዕራብን ትግራይ ሰላማውያን ምቕታል ከም ዝቐጸሉሉ ተሓቢሩ። መንግስቲ ኢትዮጵያ ነዚ ክሲ ተኸላኺሉ ኣሎ። ኣብ ልዕሊ 5 ግንባራት ደማዊ ውግእ ከም ዝቐጸለ ማእከላይ ኮማንድ ሰራዊት ትግራይ ገሊጹ።

እዋናዊ ጸብጻብ ዋጋታት ኣባይቲ ፡ ዋጋ ምዕዳግ ገዛ ኣብ መላእ ሃገር ብመጠኑ ኣንቈልቊሉ ከምዘሎ ይሕብር ። ይኹን እምበር ፡ እዚ ኣብ ቀረባ ግዜ ዝወጸ ኣሃዛት ንተኻረይቲ ወይ ግዳም ሓደር ዝዀኑ ብዙሕ ዘዕርፎም ኣይኮነን ። እዚ ትሕዝቶ ነዚ ክምልከት እዩ።