SBS Tigrinya - ኤስ.ቢ.ኤስ ትግርኛ

*ዕለታዊ ዜና * ትንታነ ዜና *ጸብጻብ ልኡኽ *ቃለመሕትት *ምንባር ኣብ ኣውስትራልያ

ነቶም በዓለ ስቕለትን ትንሳኤን ተብዕሉ ሰማዕትና ኣቐዲምና ርሑስ በዓል እንቋዕ ኣብቅዓኩም ንብል። ኣባ ተኽለማርያም ተወልደ ካብ ማሕበር ልኡካን ላዛሪስ ኣብ ከባቢ ሶሎሞን ኣይላንድስ መምህርን ሓላፊ ዘርኣ ክህነትን ኮይኖም ዘገልግሉ ንትንሳኤን ስቕለትን ዝምልከት ካብ ዝሃቡና ዕላል ዝተወስደ

ዕለታዊ ዜና ኤስቢኤስ ትግርኛ * ሓላፈ ውድብ ጥዕና ዓለም (WHO)፡ ኣብ ካልእ ክፋላት ዓለም ዘለዉ ቅልውላዋት ተመሳሳሊ ቆላሕታ ኣይረኽቡን ኣለዉ ብምባል፣ ንማሕበረሰብ ዓለም ኣትኩርኦም ኣብ ዩክረይን ጥራይ ብምግባሮም ኮኒንዎም። * ንኣውስትራልያውያን ዪክረይናውያን ዝውክል ሃገራዊ ኣካል ሩስያውያን ዲፕሎማሰኛታት ክስጎጉ መጸዋዕታ ኣቕሪቡ። * ቀዳማይ ሚኒስተር ስኮት ሞሪሰን ኣብ’ዚ ግዜ ስልጣኑ ብልሽውናን ካልኦት ዘየድልዩ ተግባራት ኣባላት ባይቶን ዝምርምር ሓደ ፈደራል ኮሚሽን ብዘይምቛሙ ኣብ ዝሓለፈ እዋን ምርጫ ዝኣተዎ መብጽዓ ጠሊሙ ንዝተባህሎ ነጺግዎ። * ሚስተር ኣልባነሲ ሰልፉ እንተተዓዊቱ እቲ ጀላቡ ስደተኛታትን ሓተትቲ ዑቕባን ምምላስ ዝብል ፖሊሲ ከምዘለዎ ክዕቅቦ ምዃኑ ኣረጋጊጹ።

* ሕቡራት ሃገራት: ግብጺ ምጥራዝ ኤርትራዉያን ሓተቲ ዑቕባ ደዉ ከተብል ጸዊዑ፣ ጸብጻባት: * መንግስቲ ኣሜሪካ ንመንግስቲ ኤርትራ ኣብ ልዕሊ ዜጋታቱን ጎረባብቱን ንመንግስቲ ኢትዮጵያ ድማ ኣብ ልዕሊ ዜጋታቱ ብዝፈጸምዎ ገበን ከሲሱዎም፣ * ኣብ ማእከል ፊዝዮተራፒ ኣስመራ መጠን ምሕዋይ 90 ሚእታዊት ከምዝበጽሐ ሞያውያን ገሊጾም፣ * ምንስሓብ ሰራዊት ትግራይ ካብ ዓፋር ካብ ፖለቲከኛታት ትግራይ ቅሬታ ይቐርበሉ፣ * ኣብ ኢትዮጵያ ዞባ ኦሞ 151 ገዛውቲ ነዲዱ፣ * ኣብ ህንጸት መስመር ባቡር ኢትዮጵያ ትሰርሕ ዝነበረት ቱርኪ ውዕላ ኣቋሪጻ

ጾም ኣብ ብዙሓት ሃይማኖታትን ፍልስፍናታትን ኣብ ዓለም ዝፍጸም ተግባር'ዩ። እዚ ትሕዝቶ ሃይማኖታዊ ጾም ንኣካላዊ ጥዕናና ብኸመይ ይጸልዎን እንታይ ጥቕሚ ይህልዎን ክንምልከት ኢና። (ምንባር ኣብ ኣውስትራልያ)

ኣብ ዝባን ሰልፊ ሊበራል ካብ ሰር ሮበርት መንዚስ ንላዕሊ ብዓቢይ መጠን ጎሊሑ ዝረአ ካልእ ዝኾነ ሰብ የለን። ከም ሓቂ ውሑዳት ኣውስትራልያውያን ጥራይ’ዮም ከም ናቱ ህቡብነት ዘጥረዩ፣ ወይ ኣብ ልዕሊ’ዛ ሃገር ከም ናይ’ዚ ሊበራል ቀዳማይ ሚኒስተር ነበር ዓይነት ጽልዋ ዘሕደሩ ወይ ዝነበሮም። ንሱ ነዚ ፖለቲካዊ ሰልፊ መስሪትዎ፣ ዝነውሐ እዋን ዘገልገለ ቀዳማይ ሚኒስተር ኣውስትራልያ ኔሩን ኣብ ግዜ ጎስጓስ ንፈደራላዊ ምርጫ በቶም ካብ ሰልፊ ሊበራል ዝኾኑ ሕጹያት ዘረባታቱ ከም ጥቕሲ ክቐርቡ ወይ መወክሲ ክኸውን ግድን’ዩ።

*ዕለታዊ ዜና * ትንታነ ዜና *ጸብጻብ ልኡኽ *ቃለመሕትት *መደብ ስፖርት

ሰሙናዊ መደብ ስፖርት (11/04/2022) * ኤርትራዊ ታደሰ ኣብርሃም ኣብ ዙሪክ ማራቶን፣ ኢትዮጵያዊት ሄቨን ሃይሉ ኣብ ሮተርዳም፣ ኣድመቀ ኣሸናፊን ሃይሉ ነጋሳን ከኣ ኣብ ኢቢዛ ማራቶን ተዓዊቶም፣ * ኢትዮጵያዊ ማእከላይ ዳኛ በኣምላክ ተሰመ ኣብ ዋንጫ ዓለም ፊፋ 2022 ግጥማት ክዳንዩ ካብ ዝተመርጹ ኣፍሪቃውያን ሓደ ኮይኑ፣ * ኣብ ፕረዚደንታዊ ቅድድም ብሽግለታ ዙር ቱርኪ ኤርትራዊ ዳዊት የማነ ይሳተፍ ኣሎ፣ * ቢንያም ግርማይ ናብ ዓበይቲ ጋንታት ቅድድም ብሽግለታ ክኸይድ’ዩ ዝብሉ ዘይተረጋገጹ ወረታት ይናፈሱ፣ * ናብ ዋንጫ ዓለም ኩዕሶ እግሪ ፊፋ 2022 ዘይሓለፋ ብኩዕሶ እግሪ ዓበይቲ ዝበሃላ ሃገራት ክሳብ ኣብ ተራ ህዝቢን ዋኒናት ንግድን ዝወርድ ቁጠባዊ ክሳራታትን ምምላጥ ዕድላትን ከምዘጋጥመን ተፈሊጡ

ዕለታዊ ዜና ኤስቢኤስ ትግርኛ: * መራሒ ተቓዋሚ ኣንተኒ ኣልባነሲ ሰልፉ እንተተዓዊቱ ኣብ ቀዳማይ መንፈቕ ስልጣኑ ሓቀኛ ደሞዝ ክውስኾ ምዃኑ ቃል ኣትዩ፣ መጠን ዘዋሪ ጥረ ገንዘብ ወይ ካሽ ረይትን ሃገራዊ ኣሃዝ ሽቕለተኣልቦነት ጋዜጠኛታት ምስ ሓተትዎ ግን ምዝካር ስኢንዎ፡ * ኢማኑወል ማክሮን ኣብ ቀዳማይ ዙርያ ምድማጽ ንፕረዚደንት ፈረንሳ ድሕሪ ምሕላፉ ኣብ’ቲ ዝቕጽል ዙርያ ኣንጻር ሕሉፍ-የማናዊት ሕጽይቲ ንፕረዚደንት ማሪን ለ ፐን ክወዳደር’ዩ፡ * ፖሊስ ብሪጣንያ ክሪስትያኖ ሮናልዶ ካብ ኢድ ሓደ ደጋፊ ናይ ኢድ ቴሌፎን/ሞባይል ፎን ሃሪሙ ብምውዳቕ በደል ፈጺሙ እንተኾይኑ ንምምርማር ናይ ድሕነት ካሜራታት ሲሲቲቪ ዝቐረጽኦ ምስሊ ይምልከቱ’ለዉ፡ * ቀዳማይ ምሉእ መዓልቲ ጎስጓስ ምርጫ መራሕቲ’ተን ዓበይቲ ሰልፊታት ናይ ሚልዮን ዶላር ምወላ መብጽዓታት ብምእታው ጀሚሮሞ፡

ጸብጻባት ዜና * ውድብ ሕቡራት ሃገራት: ኣብ ክልል ኣምሓራ ዝነበሩ ኤርትራውያን ስደተኛታት ጥይት ዝተሓወሶ መጥቃዕቲ ከም ዝተፈጸሞም ኣረጋጊጹ፣ * ሕብረት ኤውሮጳ፡ ኣብ ኲናት ትግራይ ንዝተፈጸሙ ገበናት ዝምርምር ኮሚሽን ሕቡራት ሃገራት ፍቓድ ክወሃቦ ንመንግስቲ ኢትዮጵያ ሓቲቱ፣ * ነበር ፕረዝደንት ትግራይ ኣቶ ገብሩ ኣስራት ሰራዊት ኤርትራ ካብ ትግራይ ክወጽእ ሓቲቱ፣ * ግብረሽበራዊ ተባሂሉ ብመንግስቲ ኢትዮጵያ ንዝተረቑሐ ህወሓት ደገፍቲ’ዮም ብዝብል ን8 ኣዋርሕ ዝተዓጽዉ ዓበይቲ ሆቴላት ተኸፊቶም ትሑት ወለድ ዘለዎ ልቓሕ ክወስዱ ተፈቒዱሎም፣ * ኣብ ኢትዮጵያ ዞባ ደቡብ ኦሞ ንመዓልታት ብዝቐጸለ ዓሌታዊ ግጭት ቁጽሮም ዘይተፈልጠ ሰባት ተቐቲሎምን ብዙሓት ትካላት ከም ዝዓነዉ ህዝብን ሓለፍትን ተዛሪቦም