SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (14/02/2022)

* ኢትዮጵያዊ ኡልፋታ ደሬሳ ገለታ ዝሓለፈ ቀዳም ኣብ ናይጀርያ ዝተኻየደ ውድድር ጉያ እግሪ ማራቶን ሌጎስ 'ኣክሰስ ባንክ ሌጎስ ሲቲ ማራቶን' ተዓዊቱ:

* መበል 32 ዓመታዊ ዝኽሪ ስርሒት ፈንቅል ንምብዓል ኣብ ከተማ ምጽዋዕ ኣብ ዝተኻየደ ሻምፒዮና ውድድር ጉያ እግሪ ፍርቂ ማራቶን ምብራቕ ኣፍሪቃ 2022 ሳምሶን ኣማረን ናዝሬት ወልዱን ተዓዊቶም:

* ዓመታዊ ቅድድም ብሽግለታ ዙር ኣንታልያ ኣብ ቱርኪ ተኻይዱ ኤርትራዊ ሄኖክ ምሉእብርሃን ሓምሻይ ደረጃ ሒዙ ብምውዳእ ዝድነቕ ውጽኢት ኣመዝጊቡ:

* ሻምፒዮናታት ውሽጢ ሃገር ቅድድም ብሽግለታ መንእሰያት ወይ ጁኒየር 2022 ኣብ ኤርትራ ተኻይዶም ኣድያም ዳዊትን ኣኽሊሉ ኣረፋይነን ተዓወትቲ ኮይኖም:

* ኤርትራዊ ቀዳማይ ኦሎምፒካዊ ስፖርታት ሓጋይ ሻነን-ዖቕብናይ ኣበዳ ኣብ በይጂንግ ቻይና ኣብ ዝካየድ ዘሎ ውድድራት ኦሎምፒክስ ሓጋይ 2022 ኣብ ምንሽርታት በረድ ንኤርትራ ወኪሉ ተወዳዲሩ

ኣብ ዶብ ሩስያን ዩክረይን ዘሎ ኵነታት እናገደደ ብምምጽኡ ፡ ብዙሓት ሃገራት ነቶም ኣብ ዩክረይን ዝርከቡ ናይ ወጻኢ ኤምባሲታተን ካብታ ሃገር ከውጽኣኦም ጀሚረን ኣለዋ ።

ከም ኣውስትራሊያ ፣ ኣመሪካ ፣ ዓባይ-እንግሊዝን ጀርመንን ዝርከባኤን ልዕሊ ደርዘን ዝኾና ሃገራት 'ውን ዜጋታተን ካብ ዩክረይን ክወጹ ኣጠንቂቐን ኣለዋ-  ።

ኣውስትራሊያውያን ነቶም ኣብ ዩክረይን ዝርከቡ ፈተውቶም ብዛዕባ ኣብ ዝመጽእ እንታይ ከምዘጋጥሞም መደባት ዝሓቱ ዘለዉ ይሻቐሉሎም ኣለው ።

**ንልዕሊ 16 ዓመት ኣብ ቤት ማእሰርቲ ዝጸንሑ 3ይ ፓትሪያርክ ኦርቶዶክሳዊት ቤተክርስትያን ኤርትራ ብጹእ ወቅዱስ ኣቡነ ኣንጦንዮስ ኣብ መበል 97 ዓመቶም ዓሪፎም።

** እቲ ብ ፌደራላዊ መንግስቲ ብዛዕባ ሃይማኖታዊ ኣድልዎ ሕጊ ወይ ቢል ኣብብባይቶ ወከልቲ ናይ ነዊሕ ግዜ ክትዓት ድሕሪ ምክያዱ ድሕሪ ምሕላፉ ናብ ላዕለዋይ ባይቶ ቤት ክሰግር እዩ ።

** ከንቲባ ከተማ ዊንድሶር ፡ ኦንታርዮ ካናዳ ፡ ነቲ ኣብ መንጎ ዲትሮይትን ዊንድሶር ፡ ኦንታርዮ ፡ ንኣምባሳደር ብሪጅ ጽልዋ ዘሕድር ዘሎ ምስ ኮቪድ ዝተሓሓዝ ተቓውሞታት ንምብዳህ ተወሳኺ ዓቕሚ ክወሃቦ ሓቲቱ ።

ዕረፍቲ ሳልሳይ ፓትርያርክ ኣቡነ እንጦንዮስ፡

ስርሒት ምውጻእ እሱራት ብዕጡቓት ኣብ ኢትዮጵያ፡

ናይ ሙዚቃ ድግስ ብ ኤፍሬም ኣማረን ዮሃንስ ትኳቦን።

ኣርእስታት ጸብጻብ፥

 ኮሚቴ ጉዳያት ወጻኢ ኣመሪካ: ምምሕዳር ኣመሪካ ኣብ ልዕሊ ኢትዮጵያ ተወሳኺ ስጉምቲ ክወስድ ስልጣን ዝህብ ውሳነ ሂቡ።

 ኣብ ሞንጎ መራሕቲ ኢትዮጵያ ትግራይን ዝርርብ ሰላም ይቕጽል ከም ዘሎ ምክትል ዋና ጸሓፊ ውድብ ሕቡራት ሃገራት ኣሚና መሓመድ ተዛሪበን።

 ሰራዊት ትግራይ መስመር ጁቡቲ ኣዲስ ኣበባ ንምቑራጽ ናብ መስቀላዊ መገዲ ሰርዶ ይግስግስ ኣሎ ክብል መንግስቲ ክልል ዓፋር ከሲሱ።

  መንግስቲ ክልል ኣምሓራ እሱራት ብሓይሊ ከፍትሑ ምስ ዝተበገሱ ዕጡቓት ፋኖ ብዝተኻየደ ልውውጥ ተኹሲ 16 ሰባት ተቐቲሎም።ዝብሉ ኣርእስታት ዝሓዘ ጸብጻብ ልኡኽና ክቐርብ እዩ።

ሳልሳይ ፓትርያርክ ኦርቶዶክስ ተዋህዶ ቤተ ክርስትያን ኤርትራ ኣቡነ ኣንጦንዮስ ካብቲ ኣብ 2006 ኣትሒዞም  ካብ መዝነቶም ክወርዱ ድሕሪ ምግዳዶም፡ ንነዊሕ ዓመታት ኣብ ናይ ገዛ ማሕዩር ድሕሪ ምጽናሕ ዓሪፎም ኣለዉ። ብዛዕባ ድሕረ ባይታ ካብ ስልጣኖም ክወርዱ ዝገበረ ኩነታት፡ ኣብ ማሕዩር ኣብዝነበርሉ እታ ቤተ ክርስትያን ኣብ ምንታይ ኩነታት ከምዝወደቐትን ብሓፈሻ ብዛዕባ ኣቡነ እንጦንዮስ ዝምልከት፡ ካብ ሰሜን ኣመሪካ ሃገረ ስብከት ኦርቶዶክሳዊት ቤተ ክርስትያን ኤርትራ ቀሺ ገብረሚካኤል ዮሃንስ ሰፊሕ መግለጺ ሂቦም ኣለዎ።