SBS Tigrinya - ኤስ.ቢ.ኤስ ትግርኛ

ሓጸርቲ ጸብጻባት ዜና 

* ትግራይ ሃገር ክትከውን ብቅሉዕ ዝጠለባ ክልተ ፖለቲካዊ ሰልፍታት ትግራይ፤ ናህሪ ቃልሲ ንምቅልጣፍ መሰጋገሪ መንግስቲ ክምስረት ሓቲተን፡

* ሰራዊት ኤርትራ ናብ ክልል ኦሮምያ መሊሶም ከምዝኣተዉ ሰራዊት ናጽነት ኦሮሞ ኣብ ዘውጽኦ መግለጺ ሓቢሩ፡

* ፕሮግራም መግቢ ዓለም ብሰንኪ ኣብ ትግራይ ዝቕጽል ደብዳብ ምክፍፋል ረዲኤት ከቋርጾ ከምዝግደድ ኣጠንቂቑ፡ ኣብ ሰሜናዊ ምዕራብ ትግራይ ዝነበሩ ትካላት ረድኤት ድሮ ስራሕቶም ከምዘቋረጹ ገሊጾም ኣለዉ፡

* ኢትዮጵያ ካብ ናይ ኣሜሪካ ዕድል ንግዲ ናጻ ቀረጽን ኮታን ካብ ትእገድ ፍርቂ ወርሒ ከይመልኣ ን64% ውጽኢታት ቆርበት መሸጢ ዕዳጋ ከምዝሰኣነትሎም ገሊጻ

ሰሙናዊ መደብ ስፖርት (17/01/2022)

* ኢትዮጵያ ሓያሎ ሽቶታት ኣብ ዝተመዝገበሉ ግጥም ዋንጫ ሃገራት ኣፍሪቃ ድሕሪ ምስታፋ ብካሜሩን 4-1 ተሳዒራ፡ ናብ ዝቕጽል ዙር ናይ ምሕላፍ ዕድላ ቅሂሙ፡

* ኤርትራዊ ተቐዳዳማይ ቢንያም ግርማይ ምስ ጋንትኡ ኢንተርማርች-ዎንቲ-ጎቤር ማቴሪዮ ኣብ ግራንድ ቱር ቦኽሪ ውድድሩ ዝኾነ ኣብ ቅድድም ብሽግለታት ጂሮ ድ’ኢታልያ ክሳተፍ ምዃኑ ጋንትኡ ኣፍሊጣ፡

* ኣብ ኤርትራ ሻሚዮናታት ውድድር ጉያ እግሪ መሮር ውሽጢ ሃገር ቅድሚ ሓደ ሰሙን ተኻይዶም ኦሎምፕካዊት ኣትሌት ራሄል ዳንኤል ብወገን ደቀንስትዮ ተዓዊታ፡

* ቁጽሪ ሓደ ኮኾብ ባይታ ቴኒስ ዓለም ሰርቢያዊ ኖቫክ ጆኮቪች ሚኒስተር ኢሚግረሽን ኣውስትራልያ ደጊሙ ቪዝኡ ዝሰረዞ ምኽንያት ቤት ፍርዲ ስለዝተቐበሎ ካብ ኣውስትራልያ ተጠሪዙ፡

* ዝበዝሐ ርእይቶታት ተጻወቲ ባይታ ቴኒስ ንዕኡ ከምዘይድግፍ ተፈሊጡ፡

ነቲ ጽላት ሕጽረት ሰራሕተኛታት ኣብ ዘጋጥሞ ዘሎ እዋን ምእላይ ኣረጋውያን (Aged Care) ሕጂ'ውን እንተኾነ ኣደራዕ ለበዳ ኮቪድ 19 ይወርዶ ኣሎ። ከባቢ 500 መእለዪ ኣረጋውያን ብንጡፍ ለበዳ ኮቪድ-19 ይሕመሱ ኣለዉ፡ ሰራሕተኛታት ድሕሪ መልከፍቲ ክምለሱ ኣብ ዝግበርሉ ኣሰራርሓ ብዛዕባ’ቶም ዝእለዩ ኣረጋውያን ስግኣት ሓዲሩ’ሎ።

ከም’ቲ ዝተበሃልናዮ እንተኮይኑ ኦሚክሮን ካብ ካልኦት ዓሌታት ኮሮናቫይረስ ብመጠን ኣብ ነብስና ዘውርዶ ማህሰይቲ ዝፎኸሰ’ዩ። እዚ ኸኣ ነቲ 'ኮቪድ-19 ካብ’ቲ ዝሓለፈ እዋን ዝነበሮ ዝተሓተ' ተኽእሎ ሓደጋ’ዩ ዘኸትል ዝብል ሓሳብ ክዝርጋሕ ጌሩ’ዩ። እንተኾነ ግን እዚ ማለት ኮቪድ ይልከፈና ኣየልከፈና ክንጭንቐሉ የብልናን ማለት ድዩ፧ እቶም ክኢላታት ግን ሕጂ’ውን እንተኾነ ከይለኽፈና ዝከኣለና ክንገብር’ዩ ዘለና እዮም ዝብሉ። 

ዕለታዊ ዜና ኤስቢኤስ ትግርኛ

* ቀዳማይ ሚኒስተር ኣውስትራሊያ መልከፍቲ ኦሚክሮን ኣብ ዝበዝሓሉ ቤት ትምህርታት ክፉታት ክጸንሑ ምዃኖም ኣረጋጊጹ

* ግዝኣት ኲንስላንድ ለበዳ ካብ ዝኽሰት ንፈለማ ግዜኣ ዝለዓለ ቁጽሪ በቲ ቫይረስ ዝመቱ ሰባት መዝጊባ፡

* ኣብ ሞቓዲሾ ናይ መኪና ቦምብ ተፈንጂሩ ሓያሎ ሰባት ምውታትን ቁሱላትን ኮይኖም፡

* ትዊተር ሸውዓተ ወርሒ ተኣጊዱ ድሕሪ ምጽናሕ መንግስቲ ናይጀርያ ከፊትዎ

* ኖቫክ ጆኮቪች ኩነታት ቪዝኡ ኣብ ሰንፈላል እንከሎ ናይ ፈለማ መጋጥምቱ ፈሊጡ