SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (10/01/2022)

* ዝሓለፈ ሓሙስ ኣካል ዑደት ጉያ እግሪ መሮር ኣትለቲክስ ዓለም ዝኾነ ዓመታዊ ውድድር ካምፓቺዮ ተኻይዱ ኢትዮጵያውያን ኣትሌታት ብዓብላሊ ተዓዊቶሞ፡

* ካሜሩን ድሕሪ 50 ዓመት ደጊማ ተአንግዶ ግጥማት ዋንጫ ሃገራት ኣፍሪቃ ኣፍኮን 2021 ብምኽንያት ለበዳ ኮቪድ-19 ንሓደ ዓመት ተመሓላሊፉ ድሕሪ ምጽናሕ ሰንበት ክካየድ ተጀሚሩ፡

* ኮቪድ ዝሓመሰን ሃገራዊያን ጋንታታት ኣፍሪቃ ሰንከልከል እናበላ ኣብ ካሜሩን ኣትየን፡

* ኢትዮጵያ ቀዳማይ ምድባዊ ግጥማ ኣንጻር ኬፕ ቨርደ ኣካይዳ ብ10 ተጻወቲ ብጸቢብ ሓደ ብባዶ ተሳዒራ፡

* ቁጽሪ ሓደ ኮኾብ ባይታ ቴኒስ ዓለም ሰርቢያዊ ኖቫክ ጆኮቪች ውሳነ ይግባይ ዝተኸልከለ ቪዝኡ ኣብ ዝጽበየሉ ዘሎ እዋን ነዊሕ ዓመታት ዝተዳጎኑ ሓተትቲ ዑቕባ ኣብ ዝዕቆብሉ ሆቴል ክጸንሕ ስለዝተገብረ ኩነታቶም ዓለም ክትሰምዓሎም ዕድል ረኺቦም

ሓጸርቲ ጸብጻባት ዜና፡

* ኣብ ትግራይ ዝጸንሓ ትካላት ረዲኤት ብሰሪ መጥቃዕቲ ድሮን ግልጋሎተን ደው ከምዘበላ ው.ሕ.ሃ. ኣፍሊጡ፡

* መንግስቲ ኤርትራ ብሸነኽ ሸራሮ ኣብ ልዕሊ ትግራይ ተወሳኺ ወራር ንምክያድ ሓድሽ መጥቃዕቲ ከፊቱ ክብሉ ወሃቢ ቃል ህወሓት ኣቶ ጌታቸው ረዳ ከሲሶም፡

* ፕረዚደንት ኤርትራ ኢሳይያስ ኣፍወርቂ ቀዳም ኣብ ዝሃብዎ ቃለመሕትት ኣብ ኤርትራ ሓደስቲ ልምዓታዊ መደባት ከም ዘይህልው ብምግላጽ ኣብ ጉዳይ ኢትዮጵያ ግን ‘ስቕ ኢልና ክንርኢ ኣይንኽእልን ኢና’ ምባሎም ይዝከር፡

* ብኻልእ ወገን ሰራዊት ትግራይ ብሸነኽ ደቡብ ትግራይ ንዝነብሩ ሰለስተ ክፍላተ ሰራዊታት ኢትዮጵያ ደምሲሱ ዕርዲ ምክልኻሉ ኣስጢሙ ይቕጽል ኣሎ ክብል ማእከላይ ኮማንድ ናይ’ቲ ሰራዊት ኣፍሊጡ፡

* ኣብ ኢትዮጵያ ዋጋ መድሃኒት ብ40 ሚእታዊትከምዝወሰኸ ተሓቢሩ

ዝሓለፈ ሓሙስ ወኪል ስደተኛታት ው. ሕ. ሃ. ሓደ ኣብ ክልል ትግራይ ዝተፈጸመ ደብዳብ ነፈርቲ ክልተ ህጻናት ዝርከብዎም ሰለስተ ኤርትራውያን ስደተኛታት ቀቲሉ ክብል ጸብጺቡ ኔሩ። ኣርባዕተ ዝተጎድኡ ኣለው ክብል ወሲኹ። ኣብ’ቲ ጸብጻብ እቲ ደብዳብ ሮቡዕ ኣብ መዓስከር ስደተኛታት ማይ ዓይኒ፡ ማይ ጸብሪ፡ ኣጋጢሙ’ዩ ዝብል። ሎሚ ነዚ ክስተትን ህሉው ኩነታት ኤርትራውያን ስደተኛታት ኣብ ትግራይን ንዝምልከት ኣብ ምጥባቕ ጉዳይ ስደተኛታት ዝነጥፍ ኣቶ በረኸት ሃይለ ዓዲምናዮ ኣለና።

ግዝኣታትን ምምሕዳራዊ ከባቢታትን ኣውስትራልያ ካብ መመርመሪታት ኮቪድ-19 ፒሲኣር ናብ’ቲ ቅልጡፍ መርመራ ኣንቲጀን ዝኾነ ራፒድ ኣንቲጀን ቴስትስ (ራት) ኣብ ዝሰገራሉ እዋን ፈደራል መንግስቲ ናብ’ቲ ብሰንኪ መልከፍቲ ኮቪድ-19 ኣብ ገዝኦም ክውሸቡ ዝተገደዱ ሰባት ዝወሃብ ክፍሊት ቅልውላው ብኩራት ብሰንኪ ለበዳ (Pandemic Leave Disaster Payment) ምትዕርራይ ይገብር ኣሎ። እዚ ዝመጽእ ዘሎ ኣውስትራልያ ሕጂ ልዕሊ 100000 መልከፍታት ኮሮናቫይረስ ኣብ መዓልታዊ ኣሃዛታ ትምዝግብ ኣብ ዘላ እዋን’ዩ።

ኣርእስታት ጸብጻብ

ኤርትራን ቻይናን ንሓበራዊ ረብሓ ኣብ ክልትኣዊ፣ ዞባውን ዓለምለኻዊን ጉዳያት ብሓንሳብ ክሰርሓ ተሰማሚዐን።

ካብ መዝነቶም ከም ዝወርዱ ዝንገረሎም ዘሎ ፍሉይ ልኡኽ ኣሜሪካ ኣብ ቀርኒ ኣፍሪቃ ጀፍሪ ፌልትማን ኣብ ኢትዮጵያ ንዘሎ ኩናት መፍትሒ ንምእላሽ ሎሚ ናብ ኢትዮጵያ ይኣትዉ።

ካብ ስዑዲ ዓረብ ናብ ኢትዮጵያ ዝጥረዙ ተጋሩ ግዳያት መጭወይትን መጥቃትን ይኾኑ ከም ዘለዉ ሂዩውማን ራይትስ ዎች ኣቃሊዑ።

መንግስቲ ኢትዮጵያ ናብ ትግራይ መድሓኒት ከይኣቱ ብምኽልካሉ ክሓውዩ ዝኽእሉ ሰባት ኣብ ኢዶም ይሞቱ ከም ዘለዉ ሓካይም ተዛሪቦም።