SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (27/12/2021)

* ኣሰልጣኒ ሃገራዊት ጋንታ ኢትዮጵያ ዉበቱ ኣባተ ዝርዝር ስም ናይ’ቶም ኣብ ግጥማት ኩ’እግሪ ዋንጫ ሃገራት ኣፍሪቃ ካሜሩን 2022 ንኢትዮጵያ ወኪሎም ዝሳተፉ ተጻወቲ ዘርጊሑ፡

* ኮንፈደረሽን ኩ’እግሪ ኣፍሪቃ ኣብ ኤውሮጳውያን ጋንታታት ዝጻወቱ ኣፍሪቃውያን ተጻወቲ ናብ ግጥማት ዋንጫ ሃገራት ኣፍሪቃ ቅድሚ ምብጋሶም ክሳብ ጥሪ 3 ክጸንሑ ይኽእሉ’ዮም ክብል ገሊጹ፡

* ንበዓል ዳንኤል ተ/ሃይማኖት ኣብ ዓለም ዝና ክረኽቡ ዝሓገዘት ኣፍሪቃዊት ዝለዓለት ጋንታ ቅድድም ብሽግለታ ቲም ኩቤካ ኔክስት ሃሽ ኣብ 2022 ብደረጃ ዙር ዓለም ክትወዳደር ዝነበራ ዕድል ከምዝቐሃመ ብወግዒ ኣፍሊጣ፡ ክሳብ መወልቲ ትረክብ ግን ኣብ ታሕተዋይ ደረጃ ክትቀዳደም’ያ፡

* ጉግል በብዓመቱ ኣብ ዝዝርግሖ ጸብጻብ ብብዝሒ ኣብ’ቲ መርበብ ሓበሬታ ዝተፈተሹ፡ ዝተሓተቱ ወይ ዝተደለዩ ኣስማት ኣብ ኣውስትራልያ ካብ’ቶም ዝለዓሉ 10 እቶም 7 ብዛዕባ ስፖርት ብምንባሮም ኣውስትራልያ ስፖርት ትፈቱ ሃገር ምዃና ዘመስክር’ዩ ተባሂሉ

ደቂ ተባዕትዮ፡ ኣብ ህይወት ንዝገጥም ዝኾነ ይኹን ጽንኩር ኩነታት ክጻወሩ ከምዝኽእሉ ተነጊርዎም እዮም ዝዓብዩ። እንተኾነ ስምዒታት ካብ ቁጽጽር ወጻኢ ኣብዝወጽሉ እዋን ኣብ ሓድሽ ሃገር ህይወት ንምጥያስ ዝተጀመረ ጉዕዞን፡ ዝምድናታት ኣብ ስድራቤት ክፈርስ ይጅምር። ስሚዒትካ ንኻልእ ምንጋር ድኽመት ዘይኮነስ ጥንካረ ምዃኑ ኪኢላታት ይዛረቡ።

ኣብዚ ቅሩብ እዋን ገለ ኤርትራዊያን ‘ተመሳሳሊ ሓሳብ’ ብዘለዎም ተኣኻኺቦም ክቃለሱ ከምዝወሰኑ ገሊጾም ኣለዉ። ኣብዚ ምትእኽኻብ ዝርከቡ እንታዎት’ዮም? ዕላማን ዕማምን ናይቲ ምትእኽኻብ እንታይ’ዩ ዝብልን ካልእ ሕቶታትን፡ ኣቶ ኣል ኣል ኣሚን ዓብደላ ካብ ኣውስትራሊያን ኣቶ ኪዳነ ሓጎስ ካብ ካናዳን መሊሶም ኣለዉ።

ንኹሎም ኣመንቲ ርሑስ በዓል ልደትን ሓድሽ ዓመት 2022 እናተመነና፡ ታሪኽን ኣመጻጽ ኣን በዓል ልደት ዝምልከት  ቀሺ ዮናስ ወልደሩፋኤል ዝሃብዎ መብርሂ ቀሪቡ ኣሎ።

** ኦሚክሮን ካብ ካልኦት ዓይነታት ኮቪድ 19 ክወዳደር ዝሓሸ ከምዝኾነ መጽናዕቲታት ኣረጋጊጾም።

** ናብ ብጅምላ መደንፍዒ ክታበት ምጉያይ ነቲ ለበዳ ከደናጉዮ እዩ ክብል ዉድብ ጥዕና ዓለም ኣጠንቂቑ።

**ሰራዊት ምክልኻል ኢትዮጵያ ን ሓይሊታት ጸጥታ ኣምሓራን  ንከተማ ሰቆጣ ከምዝተቖጻጸሩ ተገሊጹ።

 ስፖርት

 ** ናብ ጸወታታት ባይታ ቴኒስ ኣውስትራሊያ ኦፐን መእተዊ ቲኬት ከምዝጎደለ ተገሊጹ።