SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (20/12/2021)

* ስሙ እናገነነ ዝኸይድ ዘሎ ኤርትራዊ ተቐዳዳማይ ቢንያም ግርማይ ናይ’ዚ ዓመት ብሉጽ ተቐዳዳማይ ብሽግለታ ኣፍሪቃ ተባሂሉ ተሰይሙ፡

* ኣብ ስፐይን ውድድር ጉያ እግሪ መሮር ክሮስ ኢንተርናሲዮናል ደ ቨንታ ደ ባኖስ ተኻይዱ ኢትዮጵያዊ ንብረት መላክ ካልኣይ ክወጽእ እንከሎ ኤርትራዊ መርሃዊ መብራህቱ ራብዓይ ወጺኡ፡

* መደበር ቴሌቪዥን ዓባይ ብሪጣንያ ስካይ ስፖርትስ ናይ’ዚ ዓመት ግጥማት ኩዕሶ እግሪ ዋንጫ ሃገራት ኣፍሪቃ ኩሎም ብቐጥታ ከምዘመሓላልፎም ኣፍሊጡ፡

* ስፖርት ዓለም ብምኽንያት ወሰኽ መለክፍታት ኮቪድ-19 ዳግማይ ይጽሎ ኣብ ዘለወሉ እዋን ፖለቲካውያን መራሕቲ ሃገራት ስፖርተኛታት ክታበት ከይኣበዩ ንኹሉ ሕብረተሰብ ኣብነት ክኾኑ መጸዋዕታ የቕርቡ

ዊንታ ኢዮብን ሶፊያ ኢዮብን፡ ካብ ኤርትራ ናብ ኬንያ ምስተሰዳ፡ ኣብ ኬንያ ብስእነትን ብጻዕርን ናይ 12 ክፍሊ ትምህርተን ዛዚመን ኣብ 2016 ናብ ኣውስትራሊያ መጺአን፡ ናይ ዩኒቨርሲቲ ትምህርተን ብልዑል ነጥቢ ወዲኤን ናብ ዝበለጸ ስራሕ ተዋፊረን ዘለዋ እየን። ናብዚ ዘለዋኦ ደረጃ ንምብጻሕ ዝሓለፋኦ ኩነታት ብምግላጽ ብሉጽ ተመኩሮ ህይወተን ኣካፊለን ኣለዋ።

ብረብዕ 16 ታሕሳስ፣ ኣብ ዴንማርክ፣ ከተማ ኦሩስ: ቪቢይ ኣብ ዝተባህለ ከባቢ፣ ሓንቲ ኤርትራዊት ኣደ ወዲ 38 ዓመት በዓል ቤታ ብካራ ከምዝተቐተላ ፖሊስ እታ ሃገር ኣፍሊጡ:: እቲ ቀቲሉ ዝተባህለ በዓል ቤታ ኣብ ቀይዲ ኣትዩ ኣሎ:: ነዚ ምኽንያት ብምግባር ኣብ ኣውሮጳ ብብዝሒ ዝፍጸም ዘሎ ቅትለትን ዘቤታዊ ዓመጽን ጥንቂን ፍታሑን ምስ ተጣባቒት ሰብ ኣዊ መሰላት ሰምሃር ገብረስላሴ ካብ ስዊድን ጻኒሒት ጌርና ኣለና።

ኣርእስታት ዜና፡

** መንግስቲ ሞሪሰን ብዘውጽኦ ቊጠባዊ ስትራተጂ ፡ ኣብ ዝቕጽል ኣርባዕተ ዓመት ንሓደ ሚልዮን ሰባት ስራሕ ከም ዝፍጠር ናይ ፈደርላ ተሓዝ መዝገብ ገሊጹ ።...

** ጓል ፕረዚደንት ኣመሪካ ነበር ጆን ኤፍ ከነዲ ዝቕጽል ኣምባሳደር እታ ሃገር ኣብ ኣውስትራልያ ክትከውን ጆ ባይደን ሓጽይዋ ።

 ...

** ጋንታታት ክርኬት ኣውስትራሊያን ኢንግላንድ ኣብ ኣደላይድ ካል ኣይ ናይ ኣሽ ተስት ክገጥማ ይዳለዋ ኣለዋ።

ካልኦት ኣርእስታት ጸብጻብ፥

 ኣብ ትግራይ ዛጊት ብዝተገብረ መጽናዕቲ ኣብ ኣስታት 260 ቦታታት ጅምላዊ ህልቂት ከም ዝተፈጸመ ዩኒቨርሲቲ መቐለን ፤ ትካል ስቪላዊ ማሕበራት ትግራይን ገሊጾም።

 መንግስቲ ኢትዮጵያ: በዓል ኣሸንዳ: ብሽም ክልላት ኣምሓራን ትግራይን ኣብ ዘይድህሰሱ ሓድግታት ዩኔስኮ ንምምዝጋብ ዝተገበሮ ጻዕሪ ረቑሓታት ብዘይምምልኦም ከይተመዝገበ ተሪፉ ተባሂሉ።

 ሱዳን: ሰራዊታ ናብ መዋሰኒ እቲ ምስ ኢትዮጵያ ዘዋጥጣ መሬት ኣልፋሽጋ ከም ዘጸገዐት ተሓቢሩ።

 መንግስቲ ኢትዮጵያ: ምስ ኣባላት ናይቲ ኣሸባሪ ኢሉ ዝጽውዖ ሰራዊት ናጽነት ኦሮሞ  ቃለመሕትት ኣካይዶም ንዝበሎም ሰለስተ ጋዜጠኛታት ኣሶሸይትድ ፕረስ ከም ዝኣሰረ ኣፍሊጡ።