SBS Tigrinya - ኤስ.ቢ.ኤስ ትግርኛ

ኣርእስታት ዜና

* ኣብ ኣውስትራሊያ ዘለዉ ነኣሽቱ ቆልዑ ክታበት ኮቪድ ክወስዱ  እዮም ዝብል ውሳነ ዘይተርፍ ኮይኑ ኣሎ።

** ኣብ ውግእ ኢትዮጵያ ዝሳተፉ ዘለዉ ኵሎም ወገናት ኣብ ልዕሊ ሰላማውያን ሰባት ገበን ከም ዝፈጸሙ ጸብጻብ ው.ሕ.ሃ. ገሊጹ።

*** ሓንቲ ቻይናዊት ተጻዋቲት ተኒስ ንሓንቲ ጥሮታ ዝወጸት ብዓልቲ ስልጣን ኮምዩኒስት ብጾታዊ ዓመጽ ከሲሳቶ።

ኣርእስታት ጸብጻብ፥

ፌስቡክ: መጋደዲ ጽልኢት ንዝበሎ መግለጺ ቀዳማይ ሚንስትር ኣብይ ኣሕመድ ካብ መርበቡ ከም ዝኣለየ ሓቢሩ።

ሊቀመንበር ሕብረት ኣፍሪካ ሙሳ ፋቂ መሃማት ኩናት ትግራይ ብልዝብ ክፍታሕ ሓቲቱ።

ኬንያ ብሰንኪ እቲ ኣብ ኢትዮጵያ ዘሎ  ምስታ ሃገር ዘዳቡዋ ግዝኣት ኩናት ዓጽያቶ።

ዝብሉ ኣርእስታት ዝሓዘ ጸብጻብ ልኡኽና ክቐርብ እዩ።

ኣብ ትግራይ ኲናት ካብዝጅምር ሓደ ዓመት ምምል ኡ ምኽንያት ብምግባር ምስ ዶ/ኪዳነ ካብ ኣደላይድ ዶ/ር ኣደራጃቸው ካብ ካንቤራን ካብ መልበርን ኣቶ ሙልጌታ ደሞዝን ኣዛሪብናዮም ኣለና ድሒሩ ክቐርብ እዩ።

ኣብ ትግራይ ኲናት ካብዝጅመር ሓደ ዓመት ኣቑጺሩ ኣሎ። እዚ ኲናት ካብ ትግራይ ሓሊፉ ሎሚ ናብ ክልላት ኣምሓራን ዓፋርን ልሒሙ ይርከብ ኣሎ። ኣብቲ ዝሓለፈ ዝተፈጸመ ኩነታት ብፍላይ ኣብ ዉሽጢን ኣብ ወጻኢን ዝርከቡ ተጋሩ ከቢድ ጽልዋ ኣሕዲሩ እዩ። በዚ ዝኽሪ ምኽንያት ጌርና ንመራሕቲ ማሕበረሰ ትግራይ ማለት ንዶ/ር ኣደራጃቸው ሓዲሽ፡ ዶ/ር ኪዳነ ታደሰ ከምኡውን ንኣቶ ሙሉጌታ ደሞዝ ሓሳቦም ሂዝቦሙና ኣለዉ። ቀዳማይ ክፋሉ ኣብዚ ቀሪቡ ኣሎ።

ኣብ ቪክቶሪያ ኣብዝተፈላለዩ ሲቲ ካውንስላት ብመንግስቲ ዝምወል ስራሕ ንምርካብ ዝጽገሙ ዓበይቲ፡ ብስደት ዝመጹ፡ ኣብ ወጻኢ ሞያ ሒዞም ንዝመጹን ዝሕግዝ ትካል ኣሎ። ኣቶ ል ኡል ፍስሃ ኣብ ሓደ ካብ ናይ ቪክቶሪያ ሲቲ ካውንሲል ዝኾነ መልተን ኣብ ጆብ ቪክቶሪያ ኣድቮኬት ዝሰርሕ እዩ። እቲ ፕሮግራም ብኸመይ ንማሕበረሰባት ስራሕ ንምርካብ ከምዝሕግዞም መብርሂ ሂቡና ኣሎ።

ኣውስትራሊያ ብስፖርታዊ ትፍለጥ ሃገር እያ ፡ ሓደ ካብቲ ምስ ኣውስትራሊያውያን ሕብረተሰብ ንምውህሃድ ፍቱን መንገዲ ብናይ ማሕበረሰብ ስፖርት ክለባት ኣቢሉ ኮይኑ እዚ ንኹሉ ተሳታፊ ዓቢ ናይ ጥዕናን ማሕበራዊ ጥቕምታትን ዝህብ እዩ ። ብዛዕባ እቶም ኣብ ኣውስትራሊያ ኣዝዮም ህቡባት ዝኾኑ ኣርባዕተ ዓይነት ስፖርትታት ኣብዚ ናይ ሎሚ ምንባር ኣብ ኣውስትራሊያ ተገሊጾም ኣለዉ።