SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (01/11/2021)

* ማሕበር ኩዕሶ እግሪ ጋና ኢትዮጵያ መጻረዪ ግጥማ ኣንጻር ጋና ኣብ ኦርላንዶ ስታድየም፡ ደቡብ ኣፍሪቃ፡ ክካየድ ምውሳና ብምቅዋም ይግባይ ሓቲቱ፡

* ኣብ ግጥማት ኩዕሶ እግሪ ደቀንስትዮ ሴካፋ ሻምፒዮና መንእሰያት ት20 ኤርትራ ብታንዛንያ 1-0 ተሳዒረን፡ ኢትዮጵያ ንጂቡቲ 7-0 ስዒረንአን፡

* ካልኣይ እግሪ መጻረዪ ግጥም ኩ’እግሪ ንዋንጫ ሃገራት ኣፍሪቃ ደቀንስትዮ 2022 ኢትዮጵያ ኣብ ልዕሊ ኡጋንዳ 2-0 እንተተዓወታ’ኳ ብፍጹም ቅላዕ መቕጻዕቲ ተሳዒረን ናብ ዝቕጽል ዙር ከይሓለፋ ተሪፈን፡

* ብ ግሪኽ ኣብ ዝተኻየደ ስነስርዓት ስልማት ኬንያዊ ኤልዮድ ኪፕቾገ ብሉጽ ኣትሌት ኦሎምፒክ ቶክዮ 2020 ተሰይሙ፡

* በብዓመቱ ኣብ ከተማ መልበርን ዝካየድ ‘ሃገር ደው ዘብል ቅድድም’ ተባሂሉ ዝስመ ቅድድም ኣፍራስ መልበርን ካፕ ረብሕኡ ዶ ይዛይድ ወይስ እቲ ክሳርኡ፡

ኣርእስታት 

** ስኮት ሞሪሰን ንኣማኑዌል ማክሮን ከምዝሓሰዎ ምስ ገለጸ ፡ ኣብ መንጎ ኣውስትራልያን ፈረንሳን ዘሎ ርክብ እናኸረረ ምኻዱ ተገሊጹ...

** ሓይሊታት ትግራይን ኦሮምን ከተማታት ተቖጻጺርና ይብሉ፡ መንግስቲ ኢትዮጵያ ህዝቢ ናብ ኲናት ክኸትት ጸዊዑ

** ጃኮቪች ኣብ ዉድድራት ባይታ ቴኒስ Australian Open ከምዝሳተፍን ዘይሳተፍን ይጠራጠር .

ኣርእስታት ዜና: ሰራዊት ትግራይ ንኢንዱስትርያላዊት ከተማ ኮምበልቻ ተቖጻጺሩ። መራሒ ሰራዊት ናጽነት ኦሮሞ ጃል ማሮ ካብ ብሕጂ ዝተረፈ ወፍሪ ናብ ኣዲስ ኣበባ ምግስጋስ እዩ ኢሉ። መንግስቲ ክልል ኣምሓራ ኩለን ትካላቱ ስሩዕ ስርሐን ደው ኣቢለን ናብ ውግእ ክወፍራ ጸዊዑ። 

ቀዳማይ ሚኒስተር ኢጣልያ ማርዮ ድራጊ ፡ መራሕቲ ሃገራት ዓለም ካብ ምጅማር እቲ ለበዳ ጀሚሮም ንፈለማ ግዜ ኣብ ጉጅለ 20 ዝሳተፉ ዘለዉ መራሕቲ ሃገራት ናብ ሮማ ክቕበልም ከሎ ፡ ሓባራዊ ኣተሓሳስባ ኣገዳሲ ምዃኑ ኣጕሊሑ ኣሎ ።

ኣብ ዝተፈላለዩ ጉዳያት ከም ናይ ክታበት ማዕርነትን ዓለምለኻዊ ቊጠባን ከምኡውን ኣብ መንጎ መራሕቲ ናይ ብዙሕ ብዙሕነትን ናይ ክልትኣዊ ዝርርብ ተኻይዶም ።

እዚ ዝስዕብ ጸብጻብ... ብዛዕባ ለውጢ ኵነታት ኣየር ኣንጸላልዩሉ ዘሎ፡  ኣብ ግላስጎው ዝግበር ዋዕላ ኮፕ26 ክድህስስ እዩ።

ኣብ'ዚ ኣብ ኣውስትራልያ ኣብ ግዝኣት ኲንስላንድ ዝነበሩ ኤርትራውያንን ኤርትራዊ መበቆል ዘለዎም ኣውስትራልያውያንን ኩነታት ኣብ ሊብያ ኣብ ጸገም ዝርከቡ ኤርትራውያን ስደተኛታት ንዓለም ንምቅላሕ ሰላማዊ ሰልፊ ኣካይዶም