SBS Tigrinya - ኤስ.ቢ.ኤስ ትግርኛ

ብደረጃ ዓለም ቁጽሪ ናይቶም ብኮቪድ-19 ዝሞቱ ሰባት ናብ ሓሙሽተ ሚልዮን ይቐርብ ኣሎ ፡ ኣብ መላእ ዓለም ዝርከቡ መንግስታት ድማ መልከፍቲ ንምጉዳል ክታበት ብምሃብ ንቕድሚት ይደፍኡ ኣለዉ ።

ኣብ ኢትዮጵያ  ካብቶም ን ኮቪድ መርመራ ዝተገብረሎም 10 ሚእታዊ ዝኾኑ ተለኺፎም ተረኺቦም።

ሰሙናዊ መደብ ስፖርት (11/10/2021)

* ኢትዮጵያ ሳልሳይ ዙርያ ምድባዊ መጻረዪ ግጥማት ንዋንጫ ዓለም ቐጠር 2022 ኣንጻር ደቡብ ኣፍሪቃ ኣብ ባህር ዳር ኣካይዳ 3-1 ተሳዒራ፡

* በዓልቲ ብሩር መዳልያ ሃገራዊት ጋንታ ቅድድም ብሽግለታ ኤርትራ ዓዳ ተመሊሳ ድሙቕ ኣቀባብላ ተገይሩላ፡

* ደቀንስትዮ መንእሰያት ኢትዮጵያ ት20 ኣብ መጻረዪ ግጥማት ንዋንጫ ዓለም ፊፋ ት20 መንእሰያት ንሩዋንዳውያን መዛኑአን ብገፊሕ 4-0 ስዒረን፡

* ሽወደን ኣብ ዘካየደቶ መጻረዪ ግጥም ንዋንጫ ዓለም ሃገራት ኤውሮጳ ኤርትራዊ ሽወደናዊ ኣሌክሳንደር ኢሳቕ ተኣምራዊት ሽቶ ብምምዝጋብ ሃገሩ 3-0 ክትዕወት ሓጊዙ፡

* እንግሊዛዊት ጋንታ ፕሪምየር ሊግ ኒውካስትል ዩናይትድ ስዑዳውያን ሃብታማት ገዚኦማ ደገፍታ ክሕጎሱ እንከለው ተጣበቕቲ ሰብኣዊ መሰላትን ካልኦት ጋንታታትን ስግኣት ሓዲርዎም 

ኣብዚ ቕነ ኣብ ልብያ፡ ብኣሻሓት ዝቑጸሩ ስደተኛታት ኣብ ጸቢብ ኣዳራሻት ተዓጽዮም ድሕሪ ምጽናሕ፡ ካብ ጸበባኦም ንምንጋፍ መዕጾ ከፊቶም ፈቐድ ኡ ፋሕ ክብሉን ክትኮሰሎምን ቀንዮም። እዚ ኩነታት ካብ ምንታይ ከምዝብገስን ሕጂ ዘለዉዎ ኩነታትን ነቲ ኩነታት ዝከታተል ኣቶ ኣብርሃም ተስፋይ ካብ ዓዲ ጥልያን መብርሂ ሂቡ ኣሎ።

Sbs መበል 50 ዓመት ልደቱ ንምኽባር ኣብ ዝቀራረበሉ ዘሎ እዋን ዝህቦ ናይ ብዙሕ ቋንቋታት  ኣገልግሎታቱ ክኽልሶ ጀሚሩ።

ነቲ ኣብዚ ዓመት እዚ እተገብረ ቘጸራ ህዝቢ ፡ መሰረት ብምግባር ነቲ ኣብ ዝቕጽል ሓሙሽተ ዓመት ዝወሃብ ናይ ቋንቋ  መደባትን ትሕዝቶኡን ክውሰን እዩ ።

ኣርእስታት ዜና፡

** ሓድሽ ናይ ኒው ሳውዝ ወልስ ፕሪሜር ዶሚኒክ ፐሮታይ እታ ግዝኣት ካብ ዕጽዋ ትወጸሉ ኣገባብ ገሊጹ።

** ዉድብ ጥዕና ዓለም ሓድሽ ናይ ዓሶ ክታበት ኣጽዲቑ።

**ሓደሽቲ ኣባላት ካቢኔ ኢትዮጵያ ተፈሊጦም