SBS Tigrinya - ኤስ.ቢ.ኤስ ትግርኛ

ነባሪት ተምቤን፡ ሞናሊዛ ኣብርሃ ኣብ 4 ታሕሳስ ከም ብዙሓት ደቂኣንስትዮ ትግራይ ግዳይ ናይዚ ኣብ ትግራይ ዝግበር ዘሎ ኲናት እያ። ኣብ መቐለ ተዓቑባትሉ ካብዘላ ሆስፒታል ን ኣልጀዚራ ኣብዝሃበቶ ቓል፡ “ወተሃደራት ኪዕምጹኒ ፈቲኖም ፡ ናብ ምድሪ ተደርብየ ። ሽዑ ሓደ ካብቶም ወተሃደራት ኬፈራርሃኒ ኢሉ ጠያይት ተኩሱ ፣ ኢደይ ሃሪሞም ካልእ ጥይት ብምትኳስ ፡ እታ ጥይት ብቕልጽመይ ሓሊፋ።” ክትብል ገሊጻ። በዚ ምኽንያት ኢዳ ተቖሪጹ፡ እግራ ተሃሪሙ ናብ መቐለ ተወሲዳ።

ብድሕርዚ ፍጻመ ነባሪ ከተማ መልበርን ዝኾነ ኣቦኣ ኣቶ ኣብርሃ ኣሰፋ፡ ንሓደ ናይ ዩቱብ ብጌጋ ዝሃቦ  ናይ ዕለት ሓበሬታ ምርኩስ ብምግባርን ዕጥቕቲ ከምዝነበረትን ኣብ ኲናት ከምዝተሃርመትን ተጌሩ ኣብ ማሕበራዊ መራኸቢታት ወረታት ክዝርጋሕ ጸኒሑ። እዚ ጉዳይ ከብርሃልናን ኲነታት ሞናሊሳ ንምፍላጥን ሓቲትናዮ ኣለና።

ኣርእስታት ዜና

*** ዋዕላ ናይ ሸውዓተ ሃብታማት ሃገራት ተዛዚሙ፡ ኣብቲ እዋን  ኲናት ትግራይ ተዘትይሉ።

***  ሓድሽ መንግስቲ እስራኤል ንናታንያሁ ኣልዩ ቃል ምሕላ ፈጺሙ።

*** ተጻዋታይ ኩዕሶ እግሪ ዴንማርክ ክርስትያን ኤሪክሰን ኣብ ግጥም ኩዕሶ እግሪ ዩሮ 2020 እናተጻወተ ብናይ ልቢ ሕማም ወዲቑ ናብ ሆስፒታል ተወሲዱ።

ሰሙናዊ መደብ ስፖርት (14/06/2021)

* ብኣልማዝ ኣያና ኣብ ኦሎምፒክስ ሪዮ ተመዝጊቡ ዝነበረ ክብረወሰን 10000ሜ ነዘርላንዳዊት ሲፋን ሓሰን ብ10 ካልኢታት ድሕሪ ምሕምሻሻ ድሕሪ ክልተ መዓልታት ኢትዮጵያዊት ለተሰንበት ግደይ ተወሳኺ 5 ካልኢታት ደጊማ ብምቕናስ ኣመሓይሻቶ፡

* ክልተ ኤርትራ ዝመበቆሎም ኣትሌታት ዝሓዘት 29 ዝኣባላታ ኦሎምፒካዊት ጋንታ ስደተኛታት ኣብ ቶክዮ 2020 ክትሳተፍ ምዃና ኣህጉራዊ ኮሚተ ኦሎምፒክስ ኣፍሊጡ፡

*ኤርትራዊያን መርሃዊ ቅዱስ መኽሰብ ደበሳይ ተሳትፎኦም ኣብ ፈረንሳዊ ቅ/ብ ላ ሮውት ዲ’ኦቺታኒ ዛዚሞም፡ መርሃዊ 8ይ ብምውጻእ ካብ’ቶም ዝለዓሉ ዓሰርተ ተቐዳደምቲ ኮይኑ

* ጸገም ምንብርካኽ ተጻወቲ ኩዕሶ እግሪ ዝቃወሙ ደገፍቲ ብኸመይ ክተሓዙ ኣለዎም፧

ሓጸርቲ ጸብጻባት፥

ኣብ ትግራይ ተኹሲ ደው ክብል ሰራዊት ኤርትራ ብህጹጽ ክወጽእ ሃገራት ጉጅለ ሸውዓተ ጸዊዖም።

መንግስቲ ኤርትራ መቐጸልታ ናይቲ ኣብ 2018 ንብረትን ትካላትን ካቶሊካዊት ቤተክርስትያን ዝወሰዶ ናይ ምህጋርን ምዕጻውን ስጉምቲ ሕጂ እውን ይቕጽሎ ኣሎ ተባሂሉ።

ኣባላት ሊግ ዓረብ ኣብ ምዕባለታት ግድብ ህዳሴ ኢትዮጵያ ጽባሕ ሰሉስ ክመያየጡ እዮም።

ሓሙሽተ ተቓወምቲ ውድባት ፖለቲካ ኢትዮጵያ እታ ሃገር ዝመጽእ ሰኑይ ብኽፋል እተካይዶ መረጻ መሰረታውያን መለክዒታት ቅድመ መረጻ ዘመልአ ኣይኮነን ኢሎሞ።

ኣብ እንግሊዝ ክካየድ ዝቐነየ ዋዕላ G-7 ፡ ተዛዚሙ ።

 ቀዳማይ ሚኒስተር ብሪጣንያ ቦሪስ ጆንሰን ፡ ነቲ ኣብ ውሽጢ ክልተ ዓመት ንፈለማ እዋን ብኣካል እተራኸቡ ጕጅለ መራሕቲ "ዘገርም ዉህደት" ክብል ንኢድዎ እዩ ።

ኣብ ዋዕላ ጂ7 ብዛዕባ ኣብ ትግራይ ዘሎ ኲናት ተዘትየሉ። 

ዘተ፥ ኣብ ህሉው ኩነታት ፖሎቲካ ኤርትራን ዉድቦምን ዝምልከት ምስ ኣቦ መንበር ሰልፊ ኣልናህዳ ዶ/ር መሓመድ ብርሃን እድሪስ።

** ንቫይረስ ኮሮና ንምግታእ ተኣታትዮም ዝነበረ ቀይድታት ከምቲ ዝተመደበሎም ካብ ሎሚ ለይቲ [11.59ምፕም 10 ሰነ] ከምዘብቅዑ ኣረጋጊጾም ኣለው ፡...

** ኤርትራ ነቲ ኣብ ትግራይ ዝካየድ ዘሎ ኲናት ንኣመሪካ ተሓታቲት ጌራታ።....

** ራፋኤል ናዳል ንዲያጎ ሽዋርትዝማን ድሕሪ ምስዓር ኣብ ግጥማት ፈረንቺ ኦፐን ናብ ፍርቂ ፍጻመ ሓሊፉ ።

ወተሃደራት ሶማል ኣብቲ ኣብ ኣክሱም ዝተፈጸመ ጨፍጫፍ ሰላማውያን ሰባት ከም ዝተሳተፉ ውድብ ሕቡራት ሃገራት ሓቢሩ

'ገሃነም ኣብ ትግራይ ርእየያ' ቀላዒት ፎቶ ናሽናል ጅኦግራፊ

ግብጽን ሱዳንን ማሕበረሰብ ዓለም ኢትዮጵያ ኣብ ሩባ ኣባይ ትገብሮ ዘላ በይነኣዊ ጉዕዞ ምምላእ ማይ ደው ከብለለን ሓቲተን።

ብዙሓት ኣውስትራሊያዊያን ዘዕብይዎም ወለዲ ዘይብሎም ካብ ካልኦት ሃገራት  ቆልዑት ኣምጺኦም ከዕብዩ ይደልዩ እዮም። ኣውስትራሊያ ምስ ዝተፈላለዩ ሃገራት ስምምዕ ርዕመት ኣለዋ ፤ ይኹን እምበር ካብ ወፃእ ሃገር ቆልዓ ናይ ምቕባል መስርሕ ነዊሕ ከምዝኾነን ሓያል ተወፋይነት ከምዘድልዮን ይፍለጥ ።

እዚ ካልኣይ ክፋል ምስ  ኣውስትራሊያዊ ዜግነት ዘለዎ ትግራዋይ ኣቶ ልኡል ፍስሃ ዝገበርናዮ ቃለ መሕትት እዩ። ንሱ ኣብ ኢትዮጵያ ምስ ካልኦት መሻርኽቱ ሓደ ኩባንያ ብምጥያስ፡ ኣብዝተፈላለዩ ከባቢታት ኢትዮጵያ ኣብ ሕርሻን ህንጻን ኣውፊሩ ክሰርሕ ዝጸንሐ እዩ። ኣብዚ ሰሙን ናብ ከተማ መልበርን ምስተመልሰ ኣብ ትግራይ ኲናት ድሕሪ ምኽፋቱ ኣብ ኣውፈርቲ ትግራይ ዘጋጥሞም ዘሎ መሰናኽል ምስ ናይ ገዛእ ተሞኩሮኡ ኣካፊሉና ኣሎ፡