SBS Tigrinya - ኤስ.ቢ.ኤስ ትግርኛ

ኣብዚ ሓዲሽ ኣዋጅ ባጀት፡ መንግስቲ ኣውስትራሊያ ካብ ትጽቢት ንላዕሊ ገንዘብ ሒዙ ከምዘሎ ዘንጸባርቕ ምዃኑ ዘመላኸተ: ካብ መብዛሕትኡ ናይ ጥምረት መንግስቲ ባጀት ፍልይ ዝበለ ባጀት  ከውጽእ ትረዠረር ጆሽ ፍሪደንበርግ  ፈቒዱሉ ኣሎ ።

ግሎባል ይኣክል ዘበገሶ ኣብዝተፈላለዩ ሃገራት ናይ ዓለም ዝርከቡ ኤርትራዊያን ኣብ ዕለት 21 ግንቦት ሰላማዊ ሰልፊ ክገብሩ'ዮም። እቲ ሰልፊ ንምንታይ ዕላማ ከምትወደበ ካብ ኣወሃሃድቲ ኣቶ ያቆብ ገብረትንሳኤንን ን ኣቶ ተመስገን ዓንደሚካኤልን ኣዘራሪብናዮም ኣለና።

ቀንዲ ነጥቢታት ዜና፡

** ፈደራላዊ ባጀት ፡ ብውሑዱ 5 ቢልዮን ዶላር ወጻኢታት ንምምዕባል ትሕተ ቕርጺ ክምድብዩ።

** ኣብ መንጎ ሓይሊታት ትግራይን መንግስቲ ኢትዮጵያን ምስ ወተሃደራት ኤርትራ ኲናት ይቕጽል፥  ዓለም ለኻዊ ሰብኣዊ ረድኤት ተገቲኡ ከምዘሎ ተገሊጹ።

** መንግስቲ ኣውስትራሊያ ስደተኛታት ንምእታው ነቲ ናይ ካናዳ ሞዴል ክኽተል ከምዝደሊ ተገሊጹ።

ሰሙናዊ መደብ ስፖርት (10/05/2021)

* ኣብ ፖርቱጋል ኣብ ዝተኻየደ ውድድር ጉያ እግሪ 10000 ሜ ኢትዮጵያዊት ጉዳፍ ጸጋይ ዝድነቕ ግዜ ብምምዝጋብ ተዓዊታ፡

* ዙር ሩዋንዳ ኣብ ዝተዛዘመሉን ጂሮ ድ’ኢታልያ ኣብ ዝተጀመረሉን ኤርትራውያን ተቐዳደምቲ ብብዝሒ ዝሳተፍሎም መድረኻት ኮይኖም፡

* ኤርትራ ኣብ ቅድድም ብሽግለታ ዓለም ጎሊሓ ትረአ ሓያል ትኸውን ኣላ ክብል ሓደ ፍሉጥ መርበብ ሓበሬታ ዘይዘተዘርበሎም ጀጋኑ ዙር ኢጣልያ ኣብ ዝብል ንኣማኑኤል ገ/ሄር መጻኢ ኣብ ሓፈሻዊ ምድባት ክወዳደር ዝኽእል ተውህቦ ዘለዎ ተቐዳዳማይ ብምባል ሓደ ዓምዲ ኣውጺኡ፡

* ሓንቲ ኣውስትራልያዊት ኮኾብ ኩዕሶ ሰኪዐት ኮሚተ ኦሎምፒክስ ኣውስትራልያ ኣብ ስእልታት ናይ’ታ ናብ ኦሎምፒክ ትገይሽ ሃገራዊት ጋንታ ጸዓዱ ዝዓብለልዎ ብምግባሩ እዚ ተርእዮ እንተዘይተቐይሩ ናብ ኦሎምፒክስ ቶክዮ ከይትኸይድ ከምእትኽእል ኣጠንቂቓ 

ኣብ ህንዲ፥ ለበዳ ኮሮናቫይረስ ብዝሒ መልከፍትን ሞትን ኣብ ዘስዕበሉ ዘሎ እዋን ብደረጃ ሃገር ዕጽዋ ክካየድ ጻውዒታት ቀሪቡ።

እዚ ከምዚ ኢሉ ከሎ ኣብ ስጳኛ ዝርከባ ኣብያተ-መግቢ ድሕሪ ናይ ሽዱሽተ ኣዋርሕ ናይ ቫይረስ ቀይድታት ፡ ኮፍ መበሊ ዘለዎ ምምጋብ እንደገና ክኽፈታ ተፈቒዱለን ።

ኣርእስቲ ጸብጻብ፥

ኣመንቲ እስልምና ኣብ ኣዲስ ኣበባ መስቀል ኣደባባይ ስነስርዓት ምፍጣር ከየካዱ ስለዝተኸልከሉ ምስ ሓይልታት ፀጥታ ተራጺሞም። ቀዳማይ ሚንስተር ኣብይ ኣሕመድ ኣብ ቤተመንግስቲ እታ ሃገር ንስደተኛታት ሶርያ ዓዲሙ ኣብ ዘፍጠረሉ ቅንያት ዩ እዚ ረጽሚ ኣጋጢሙ ዘሎ።

ኣብ ትግራይ ዘለዉ ስደተኛታት ዳግም ንምጥያስ ኣጸጋሚ ከም ዝኾነ ትካል ስደተኛታት ሕቡራት ሃገራት ገሊጹ።

ኢትዮጵያ ካብ ፍርያት ፓርክታት ኢንዱስትሪ ክትረኽቦ ዝሓሰበቶ ኣታዊ ሰደድ ወጻኢ ብከቢድ ከም ንዝተሃስየ ገሊጻ።

ካልኣይ ክፋል ቃለ መሕትት ምስ ፕሮ/ ዓወት ተወልደ ወልደሚካኤል

ፕሮፌሶር ዓወት ተወልደ ፡ ኣብ ዩኒቨርሲቲ ኲንስ ተመራማሪ ታሪኽ ኣፍሪቃ’ዩ፣ ነቲ ኣብ ትግራይ ዝፍጸም ዘሎ ኲናትን ዝስዕብ ዘሎ ፖለቲካዊን ወተሃደራዊ ቅልውላው ናይቲ ዞባን ክንይኡን ትንታነ ሂቡ ኣሎ፡ ቀዳማይ ክፋሉ ቀሪቡ ኣሎ ካልኣይ ክፋሉ ኣብ ዝቕጽል መዓልታት ክቐርብ እዩ።

ፕሮፌሶር ዓወት ተወልደ ፡ ኣብ ዩኒቨርሲቲ ኲንስ ተመራማሪ ታሪኽ ኣፍሪቃ’ዩ፣ ነቲ ኣብ ትግራይ ዝፍጸም ዘሎ ኲናትን ዝስዕብ ዘሎ ፖለቲካዊን ወተሃደራዊ ቅልውላው ናይቲ ዞባን ክንይ ኡን ትንታነ ሂቡ ኣሎ፡ ቀዳማይ ክፋሉ ቀሪቡ ኣሎ ካልኣይ ክፋሉ ኣብ ዝቕጽል መዓልታት ክቐርብ እዩ።

ዕለታዊ ዜና ኤስቢኤስ ትግርኛ (06/05/2021) 

* ቻይና ኩሎም አብ ትሕቲ ሓደ ቁልፊ ዝኾነ ዋዕላ ቁጠባ ዝስርዑ ርክባታ ምስ አውስትራልያ ብወግዒ አወንዚፋቶም።

* መንግስቲ ኒውሳውዝ ዌልስ ክልተ ኣወንታዊ ህላወታት ኮቪድ19 ድሕሪ ምምዝጋቦም ካብ ሎሚ ምሸት ኣትሒዙ ኣብ ዓባይ ሲድኒ ቀይድታት ኮሮናቫይረስ የተኣታቱ።

* ሓደ ኣውስትራልያዊ ዜጋ ሕጋውነት ናይ'ቲ ፈደራል መንግስቲ ኣውስትራልያ ዝወሰዶ ካብ ህንዲ ዝመጹ በረራታት ንግዚኡ ናይ ምእጋድ ውሳነ ኣብ ቤት ፍርዲ ንምብዳህ መደብ ከምዘለዎ ኣፍሊጡ።