SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (22/03/2021)

* ዝሓለፈ ሮቡዕ ኣብ ከተማ ባህር ዳር ኢትዮጵያ ኣንጻር ማላዊ ኣብ ዘካየደቶ ምሕዝነታዊ ግጥም ብገፊሕ 4-0 ተዓዊታ፡

* ፈደረሽን ኣትለቲክስ ኢትዮጵያ መጻረዪ ውድድራት መስመር ጉያን ሜዳን ንኦሎምፒክስ ቶክዮ ዝመጽእ ወርሒ ሰነ ኣብ ከተማ ሀንገሎ፡ ነዘርላንድስ፡ ከካይድ ምዃኑ ኣፍሊጡ፡

* ኣብ ቅድድም ብሽግለታ ትሬኖ-ኣድሪያቲኮ ኤርትራዊ ናትናኤል ተስፋጽዮን ንኡድ ምንቅስቓስ ብምርኣይ ተሳፎኡ ክዛዝም እንከሎ ናትናኤል ብርሃነን መርሃዊ ቅዱስን ከኣ ኣብ ቮልታ ኣ ካታሎንያ ክወዳደሩ’ዮም፡

* መርበብ ሓበሬታ ዩሮስፖርት.ኮም ኤርትራዊ ተቐዳዳማይ ናትናኤል ተስፋጽዮን መን’ዩ ዝብል ኣርእስቲ ዝሓዘ ብዛዕባ’ዚ ስሙ እናገነነ ዝኸይድ ዘሎ ሻምፒዮን ቅ/ብ ዙር ሩዋንዳ ሓደ ዓምዲ ወጺኡ 

ቀንዲ ነጥቢታት ዜና፡

** ኣብ ሰሜናዊ ገማግም ኒው ሳውዝ ዌልስ ፡ ኣብ ምዕራብ ሲድኒ ድማ ሎሚ ብዘሎ ብርቱዕ ዝናም  ፡ ብኣሽሓት ዝቝጸሩ ሰባት ካብታ ከተማ ወጺኦም።

** ቀንዲ መራኸቢ ብዙሃን ዓለም ብዛዕባ ኤርትራ ዝምልከት ዘውጽእዎ ርኡይ ናይ ስም ምኽፋእ ዘመተ ዘስደምም ኮይኑ ይቕጽል ኣሎ ። ክብል ሚኒስተር ዜና ኤርትራ ኣቶ የማነ ገብረመስቀል ኣብ ትዊተር ኣብዝጸሓፎ መልእኽቲ ገሊጹ።

** ኣብ ትሕቲ ኮቫክስ ዝወሃቡ ክታበታት ንፈለማ ግዜ ኣብ ክልታት ፍልስጤም ይወሃቡ ኣለዉ ።

**ኣብ ኒው ሳውዝ ዌልስ ዘሎ ከቢድ ኩነታት ኣየር ነቲ ኣብ መላእ እታ ክፍለ ግዝኣት ዝወሃብ ናይ ኮቪድ-19 ክታበታት ከይዕንቅፎ ናይ ፈደራል ጥዕና ሰበስልጣን ሰጊኦም።

ሓጸርቲ ጸብጻባት፡

መንግስቲ ክልል ኣምሓራ ኣብ ዞባ ሰሜን ሸዋ ንዝተወለዐ ግርጭት 'ሓደገኛ' ኢሉዎ።

እቲ ተወለድቲ ኦሮሞ ኣብ ዘለዉላ ዞባ ዝተወለዐ ብከቢድ ብረት ዝተሰነየ ውግእ ዛጊት ሰባት ከም ዝተቐትሉ፣ ገዛውቲ ከም ዝነደደን ጠጠው እውን ከም ዘየበለን ዝተገልጸ ኮይኑ ካብ ባህርዳር ናብ ኣዲስ ኣበባ ዝወስድ ፅርግያ እውን ከም ዝተዓጽወ ተሰሚዑ።

እዚ መግለጺ ድሕሪ እቲ መንግስቲ ኢትዮጵያ ዕጡቓት ህወሓት ኢዶም ክህቡ ዘቕረቦ መጸዋዕታ እዩ ዝኸውን ዘሎ።፡ ዝብሊ ሓጸርቲ ጸብጻባት ልኡኽና።

ብመሰረት ጸብጻብ ውድብ ሕቡራት ሃገራት ፡ ፊንላንድ ንራብዓይ ተኸታታሊ ዓመት ኣብ ዓለም እታ ዝያዳ ሓጐስ ዘለዋ ሃገር ተባሂላ ተሰሪዓ ።

ጸብጻብ ዓለምለኻዊ ሓጐስ ፡ ኣብቲ ጋለፕስ ዝገበሮ ሰለስተ ዓመት እተገብረ መጽናዕቲ ፡ ዜጋታት ክሳዕ ክንደይ ሕጉሳት ከም ዝዀኑ ዝገልጽ ጸብጻብ እተመርኰሰ እዩ ።

ኣብዚ ሰሙን ኣብ ማሕበራዊ መራኸቢታት ካብ ከዘራርቡ ዝቐነዩ ዛዕባታት ዳህሲሱ መምህር ዮሴፍ ወርቀ ሰዲዱልና ኣሎ።

ቀንዲ ነጥቢታት ዜና፡

ልዕሊ 700 ሽሕ ተወለድቲ ትግራይ፡ ካብ ምዕራብ ትግራይ ተፈናቒሎም ዝብል ክሲ ግዚያዊ ምም/ትግራይ፡ መንግስቲ ክልል ኣምሓራ ኣሉታዊ መልሲ ሂብሉ።

*** ኣብ መዓልቲ ክሎዝ ዘ ጋፕ (ፍልልያት ምጽባብ) [18 ማር] ካብ ኣርባዕተ ገዛውቲ ደቀባት እቲ ሓደ ገዛ ኢንተርኔት የብሉን ።

*** ፓፕዋ ኒው ጊኒ ካብ ዝመጽእ ሰኑይ [22 ማር] ኣትሒዛ ንኣርባዕተ ሰሙን ዝኸውን ሃገራዊ ናይ ኮቪድ ቀይዲ ኸተተኣታቱ ተዳልያ ኣላ።

*** ናይ ታንዛንያ ፕረዚደንት ጆን ፖምበ ማጉፉሊ ኣብ መበል 61 ዓመት ዕድሚኡ ከም ዝሞተ መንግስቲ ብረቡዕ ኣፍሊጡ ።

*** ኣባል ፓርላማ ኣውስትራሊያ ኣንድሪው ዊልኪ፡ ነቲ ኤርትራዊያንን ተጋሩን ነበርቲ ታዝማኒያን ዝኣከብዎ ጥርዓን (ፐቲሽን) ኣብክንዳኦም ኮይኑ ንፓርላማ ኣውስትራሊያ ኣቕሪቡ።

ኣርእስታት ጸብጻብ፥

ኢትዮጵያ፥ ምምላእ ማይ ግድብ ህዳሴ ካብቲ ዝተሓስበሊ ጊዜ ከምዘይተሕልፍን ብጀካ ሕብረት ኣፍሪቃ ካልእ ሞንገኛ ኣብቲ ልዝብ ከም ዘይትቕበል ሓቢራ።

ንሰራዊት ኢትዮጵያ ክመርሕ ብቀዳማይ ሚንስትር ኣብይ ኣሕመድ ዝተመዝዘ ተጋዳላይ ህወሓት ዝነበረ ጀነራል ዮሐንስ ገብረመስቀል እቲ ኣብ ትግራይ ምስ ህወሓት ዝገጠመሉ ውግእ "ረሳሕ ኩናት" ብምባል ብልዝብ ክፍታሕ ድሌት ከም ዘለዎ ንኣምባሳደራት ተዛሪቡ።

ኣብ ክልል ሶማል ኣብ ልዕሊ 40 ወረዳታት ከቢድ ድርቂ ኣጋጢሙ።

ብተቓውሞ ኣብ ዓፋር ተዓጽዩ ዝነበረ መገዲ ኣዲስ ኣበባ ጁቡቲ ብሓይልታት ፌደራል ተኸፊቱ። ዝብሉ ኣርእስታት ጸብጻባት ሉኡኽና እዮም፡ ፡

ኣብ ትግራይ ዝፍጸም ዘሎ ኩነታት ኣብ ኣውስትራሊያ ዝነብሩ ማሕበረሰብ ኤርትራን ትግራይን ኣረኻኺብሎምሲ፡ ገለ ገለ በዚ ኩነታት ተጸልዮም ነቲ ሓቢርካ ናይ ምንባር ኩነታት ከምዝተናኸፎን እዚ ኩነታት ናብ ዉሉዶም ከይሰግርን የስግእ ኣሎ። ነዚ ኣመልኪቱ ካብ መራሕቲ ማሕበረሰባት ኣፍሪቃ ዝኾነ ዶ/ር ብርሃን ኣሕመድ ሓሳቡ ኣካፊሉ ኣሎ።

ሓድሽ መጽናዕቲ ከምዝሕብሮ ክልተ ካብ ሓሙሽተ ኣውስትራሊያውያን ኣብ ቦታ ስርሖም ብዛዕባ ጽሬት ክግደሱ ከለው ልዕሊ ርብዒ ግን ካብ ምጅማር ለበዳ ኣትሒዞም ብዛዕባ ጀርምታት ክጭነቑ  ። ብዙሓት ሰራሕተኛታት ናብቲ ብኣካል ዝመጹሉ ቦታ ምስ ተመልሱ: ኣብ ናይ ሓባር ቦታታት ስራሕ ምስራሕን ግዜኻ ምሕላፍን የጨንቐካ ድዩ ?

ቀንዲ ነጥቢታት ዜና፡

**ሓድሽ ዝተመርጸ ናይ ምዕራብ ኣውስትራሊያ ስራሕ ፕሪመርሊግ ማርክ ማክጎዋን መንግስቲ ፓርላማ ብሓደ ሰልፊ ተዓብሊሉ ኢሎም ክፈርሑ የብሎምን ኢሉ።

** ኒው ሳውዝ ዌልስ ካብ ዉሽጢ ብኮቪድ-19 ዝተመሓላለፉ ተወሰኽቲ መልከፍቲ ኣየመዝገበትን

** መንግስቲ  ኤርትራ ንዝገብሮ ዘሎ ኣበርክቶ መንግስቲ ኢትዮጵያ ዛጊት 500 ሚልዮን ዶላር ንመንግስቲ ኤርትራ ሂባ ዝብል መርትዖ ከምዝረኸበ ኢትዮ360 ገሊጹ።

 ** ፕሮግራም ምግቢ ዓለም ንሱዳን ዝኸውን 200,000 ቶን ስርናይ ክገዝእ መደብ ከምዘለዎ ገሊጹ።