SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (08/03/2021)

* ኤርትራውያንን ኢትዮጵያውያንን ተቐዳደምቲ ብብዝሒ ዝሳተፍሎም ዓለምለኸ ቅድድማት ብሽግለታ ይካየዱ ኣለው፡

* ኣብ ካይሮ ሻምፒዮና ቅድድም ብሽግለታ መንገዲ ኣፍሪቃ 2021 ተኻይዶም፡ ደቡብ ኣፍሪቃ ዝበዝሐ መዳልያታት ክትዕወት እንከላ ኢትዮጵያ ኣብ ቅድድም ምቅብባል ሳልሰይቲ ወጺኣ፡ ኤርትራ ኣብ’ዚ ዓመት ኣብ’ዚ ውራይ ኣይተሳተፈትን፡

* ናይ መወዓውዒ ውዕል ኣብ መንጎ ኣርሴናልን መንግስቲ ሩዋንዳን ውዕሉ ክሕደስ ኣብ ዝቃረበሉ ዘሎ እዋን ኩነታት ሰብኣዊ መሰላት ኣብ ሩዋንዳ ስክፍታታት ይፈጥሩ 

ዕለታዊ ዜና ኤስቢኤስ ትግርኛ (08/03/2021) 

* እቶም ኣብ ትግራይ ዝፍጸሙ ዘለው በደላት መልሰ ግብራዊ መጥቃዕቲ የኸትሉ ብምህላዎም መንእስያት ኣብ ሰሜናዊ ክፋል ኢትዮጵያ ብረት ይዓጥቁ'ለው ክብል ጋዜጣ ዘ ጋርዲያን ጸብጺቡ

* ልዑል ሃሪ ናይ ዓባይ ብሪጣንያ ምስ ኦፕራህ ዊንፍሪ ኣብ ዘካየዶ ዕላል ሓደ ኣባል ንጉሳዊ ቤተሰብ ብሪጣንያ ወዱ ክሳብ ክንደይ ቆርበቱ ጸሊም ክኸውን’ዩ ስክፍትኡ ከምዝገለጸሉ ሓቢሩ

* ፈደራል ትሬዠረር ኣውስትራልያ ጆሽ ፍራይደንበርግ መንግስቲ ዝርዝራት ብዛዕባ ዝቕጽል ደገፍ ገንዘብ ነቶም ኣብ ትሕቲ ክፍሊት ጆብኪፐር ዘለው ኣብ ውሽጢ ሒደት መዓልታት ከፍልጥ እየ ኢሉ

ኲናት ትግራይ ሰብኣዊ ቅልቅላውን ገበናዊ ፍጻመታቱን ኣብ ልዕሊ ሰላማዊ ህዝቢ ትግራይ ይኹን ኣብ ልዕሊ ኤርትራውያን ስደተኛታት በብግዚኡ ኣብ ዝወጻሉን ዝቃልሓሉን ዘሎ ኣብ'ዚ እዋን እቲ ሓቀኛ ምስሊ ብዙሕ መልክዕ እዩ ሒዙ ዘሎ። ነዚ ብንጹር ንምርኣይ እምበኣር እዚ ካብ ዝተፈላለዩ ምንጭታት ብምውካስ ዝተዳለወ ትሕዝቶ ፈተነ የካይድ

ኣርእስታት ጸብጻብ፥

ዝቕጽል ረቡዕ ኣብ ዝህሉ ኣኼባ ባይቶ ጸጥታ ውድብ ሕቡራት ሃገራት፣ ዓቀብቲ ሰላም ክዋፈሩ፣ ፈጸምቲ ገበን ኩናት ክሕተቱ፣ ማዕቀብ ክንበር ዝእውጅ መፍትሕ  ውድብ ሕቡራት ሃገራት ቁጽሪ 2417 ኣብ ኢትዮጵያ ክትግበር ተኽእሎ ኣለዎ ተባሂሉ።

መንግስቲ ኢትዮጵያ ብወገኑ እቲ ውሳኔ ተግባራዊ ከይኸውን ሚስዮናቱ ብዕቱብ ክሰርሑ ኣዋፊሩ ከም ዘሎ ተገሊጹ።

ኢትዮጵያ ዋላ ሓደ ወተሃደር ኤርትራ ኣብቲ ኣብ ትግራይ ዝካየድ ዘሎ ኩናት ክሕግዛ ከም ዘይዓደመት ገሊጻ።

እዚ መግለጺ ድሕሪ እቲ ኣብ ትግራይ ንኣርባዕተ ኣዋርሕ ዝቐጸለ ውግእን ምንጻግ ህላወ ሰራዊት ኤርትራ ኣብቲ ውግእን እዩ ዝኸውን ዘሎ።

ሱዳንን ግብጽን ኢትዮጵያ ቅድሚ ስምምዕ፣ ንግድብ ህዳሴ ማይ ከይትመልእ ዝቃወም ሓበራዊ መግለጺ ኣውጺአን፣

መገዲ ባቡር ኢትዮጵያ ልዕሊ 4 ቢልዮን ቅርሺ ከም ዝኸሰረ ተሰሚዑ።

ፕሪምየር ግዝኣት ሳውዝ ኣውስትራልያ ስቲቨን ማርሻል ዝሓለፈት ዓርቢ ኣብ ምዝርጋሕ ክታበት ኣብ ኣውስትራልያ ታሪኻዊት መዓልቲ ኮይና ክትዝከር’ያ ኢሉ... ኣብ ቅድመ ግንባር ዝተዋፈሩ ሰራሕተኛታት ጥዕና ኣብ ማሪ ብሪጅ፡ ምብራቕ ከተማ ኣደለይድ፡ ኣብ ኣውስትራልያ ፈላማይ ዝኾነ ክታበታት ኣስትራዘነካ ድሕሪ ምቕባሎም። ሓካይም ቤተሰብ ከኣ ኣብ መወዳእታ ወርሒ መጋቢት ክታበታት ኮሮናቫይረስ ክቕበሉ እዮም።

እቲ ኣብ ዝቕጽል ሰሙን ንዝበዓል "ሃርሞኒ ደይ" ኣብዚ ሕብረ ብዙሕ ዝኾነ ማሕበረሰብ ቪክቶሪያ ዝተፈላለዩ ባህላዊን ስነጥበባዊ ፍርያት ናይ ዝተፈላለዩ ሃገራት ክንጸባረቑ እዮም። መንእሰይ ሙባረክ ሙስጦፋ ካብ ሁዩም ሲቲ ካውንስል ሓደ ካብ ኣተሓባበርቲ ናይቲ መደብ እዩ፡ ብዛዕባዚ ኣዕሊሉና ኣሎ። 

ቀንዲ ነጥቢታት ዜና፡

***  ኣብ ሚያንማር ኣብ ናይ ተቓዉሞ ሰልፊ 38 ሰባት  ከም እተቐትሉ ተገሊጹ።

*** ኣህጉራዊ ቤት-ፍርዲ ገበን ፡ ኣብ ግዝኣታት ፍልስጤም ተፈጺሙ ንዝበሃል ገበናት ኲናት ዝምልከት መርመራ ጀሚሩ ።

*** ቤት ምኽሪ ጸጥታ ውድብ ሕቡራት ሃገራት ብዛዕባ ሰብኣዊ ኩነታት ትግራይ ሎሚ ብዕጹው ኽዘራረብ ምዃኑ ተፈሊጡ ።

*** ናይ ኣውስትራሊያ ናይ ሓይሊታት ምክልኻል ሰራሕተኛታት ካብ ዝመጽእ ሰሙን ጀሚሩ ኣብታ ሃገር ናይ ክታበት ስራሕ ክሕግዙ ምዃኖም ተፈሊጡ ።

ኣርእስታት ጸብጻብ፥

ሃለዋት ሓደ ሚልዮን ህዝቢ ትግራይ ክፈልጥ ከም ዘይከኣለ ጊዝያዊ ምምሕዳር ትግራይ ሓቢሩ፣

ሚንስትር ጉዳይ ወጻኢ ኣሜሪካ ሰራዊት ኤርትራን ዕጡቓት ኣምሓራን ካብ ትግራይ ክወጹ ደጊሙ ሓቲቱ፣

ኣብ ባይቶ ጸጥታ ውድብ ሕቡራት ሃገራት ከይረአ ብሃገራት ኣፍሪቃ ተቓውሞ ዝገጥሞ ዘሎ ጉዳይ ትግራይ ሓሙስ ንሳልሳይ ጊዜ ዕጹው ኣኼባ ክካየደሉ እዩ፣

ሱዳንን ግብጽን ናይ ሓባር ስግኣተን ንምምካት ወተሃደራዊ ስምምዕ ፈጺመን፣

ዓበይቲ መርከብ ውግእ ኣሜሪካ ሱዳን ኣትያ። 

ኣውስትራሊያ ንናይ ወጻእ ሃገር ተማሃሮ ቀዳምነት ትህብ ሀገር ኮይና ከምትቕጽል ንምርግጋጽ፡ መንግስቲ ሞሪሰን ንኣህጉራዊ ተማሃሮ ዝጠቅም ናይ መመልከቲ ቅጥዒታትን ናይ ቪዛ መምዘኒታት ኣፍኲስዎ ኣሎ።

ኣብዚ ሕጂ እዋን ፡ ብናይ ግዜያዊ ናይ ትምህርቲ ቪዛ ፡ ኣህጉራውያን ተመሃሮ ኣብ ኣውስትራሊያ ንንውሕ ዝበለ ግዜ ዝጸንሕሉ ዕድል ረኺቦም ጠቓሚ ናይ ስራሕ ልምዲ ከጥርዩን ናብ ናይ ቀዋሚ ነባርነት ዝመርሑሉ መንገዲ ዕድላት ክረኽቡ ይኽእሉ እዮም ።

ቋንቋ ትግርኛ ከምቲ ናይ ካልኦት ቋንቋታት ብጉግል ተተርጉሙ ህዝቢ ተጠቃሚ ክኸውን ዝተፈላለዩ ወገናት ብክእለቶምን ዓቕሞምን ይሰርሕሉ ኣለዉ፡ በዓል ኢንጂኔር ክፍላይ ተወልደብርሃን ዘለዉዋ ጉጅለ ሓንቲ ካብቶም ብዙሓት ኮይና፡ ብዛዕባቲ ስራሕ ዘሎ ምዕባለ ገሊጹ ኣሎ።

[node_list uuid="4d0c1ef4-1177-470b-8e78-0d59750e1fa5"]