SBS Tigrinya - ኤስ.ቢ.ኤስ ትግርኛ

ውዱብ ሕቡራት ሃገራት እቲ ዓመታዊ ግሎባዊ ሰብኣዊ ኩነታት ዝግምግመሉ (Global Humanitarian Overview) ኣውጺእዎ’ሎ፡ ኣብ 2021 ቁጽሪ ናይ’ቶም ሓገዝ ዘድልዮም ሰባት ዳርጋ ዕጽፊ ክኸውን’ዩ ኢሉ ትንቢቱ ሂቡ። እዚ ዝመጽእ ዘሎ ኣብ ጽባሕ’ቲ ነተን ኣዝየን ተነቀፍቲ ሃገራት ዝያዳ ተመጣጣኒ ብዘይኮነ መጠን ጸልይወን ዘሎ ለበዳ’ዩ።

ሓደስቲ መጻእቲን በጻሕትን ናብ ኣውስትራልያ እቶም ዝለዓለ ሓደጋ ምጥሓል ኣብ ማያትና ዘጋጥሞም'ዮም። ዳርጋ ፍርቂ ናይ’ቶም ዓመታዊ ብምጥሓል ዝሞቱ ወይ ዝጥሕሉ ኣውስትራልያውያን ዘይኮኑ ነበርቲ እዮም። ስለ’ዚ ክረምቲ ወይ ምውቕ ወቕቲ ብወግዒ ኣብ ዝጅምረሉ እዋን ዕድመ ብዘየገድስ ኩሉ ሰብ ምሕንባስ ክመሃር ይተባባዕ ኣሎ።

ሓይልታት ፈደራል ኢትዮጵያ ኣብ ቀዳመ ሰንበት መቐለ ሒዝናያ ኢሎም፡ ህዝባዊ ወያነ ሓርነት ትግራይ እቲ ውግእ ገና ኣይተወደአን ቃልሰይ ክቕጽል’የ ምባሉ ግን እቲ ዘጋጥም ዘሎ ሰብኣዊ ቅልውላው ኣብ ቀረባ ዝውዳእ ኣይመስልን ክብል መርበብ ሓበሬታ ዘ ኒው ህዩማኒታሪያን ኣስፊሩ። ካብ’ቶም ኣብ ዝለዓለ ተኽእሎ ሓደጋ ዝርከቡ ኸኣ 96000 ኣብ ኣርባዕተ መዓስከራት ስደተኛታት ኣብ ትግራይ ተዓቚቦም ዘለው ኤርትራውያን ስደተኛታት እዮም፡ ካብ ብህጹጽ ዝድለ ቀረባት ሓገዝ ከይመጾም ተቖሪጾም ወይ ተኸርዲኖም ይርከቡ። 

ሰሙናዊ መደብ ስፖርት ኤስቢኤስ ትግርኛ (30/11/2020)

* ኣፍሪቃዊ ብሉጽ ተቐዳዳማይ 2020 ንምምራጽ ዝሓለፈ ሰሙን ኣካየድቲ ላ ትሮፒካለ ኣሚሳ ቦንጎ ዝርዝር ኣስማት 10 ሕጹያት ተቐዳደምቲ ኣውጺኦም፡

* ኣሰልጣኒ ጋንታ ቅዱስ ጊዮርጊስ ኮይኑ ዝተሰየመ ጀርመናዊ ኣሰልጣኒ ምስ’ቲ ኣብ ሰሜን ኢትዮጵያ ዝካየድ ዘሎ ውግእ ሓድሕድ ዝተኣሳሰሩ ሓደጋታት ኣብ ኢትዮጵያ ምጽናሕን ምስልጣን ዘይከኣሎ ምዃኑ ገሊጹ፡

* ፕረዚደንት ኮንፈደረሽን ኩዕሶ እግሪ ኣፍሪቃ ኣሕመድ ኣሕመድ ብዙሓት መምርሒታት ስነምግባር ብምጥሓሱ ፊፋ ንሓሙሽተ ዓመታት ኣጊድዎ፡

* ድሕሪ ሞትን ምፍናውን ህቡብ ኮኾብ ተጻዋታይ ኣርጀንቲናዊ ዲያጎ ማራዶና ብዙሓት ደቁ ብሃብቱን ንብረቱን ክሰሓሓቡ ይኽእሉ'ዮም፡

ዕለታዊ ዜና ኤስቢኤስ ትግርኛ (30/11/2020)

* ላዕለዋይ ኮሚሽነር ስደተኛታት ውድብ ሕቡራት ሃገራት ፊሊፖ ግራንዲ ፈደራል ሓይልታት ቀዳማይ ሚኒስተር ኣቢይ ኣሕመድ ወተሃደራዊ ስርሒትና ወዲእና ኢና እንተበሉ ኣብ ኢትዮጵያ ዘሎ ግጭት ካብ ምውዳእ ገና ከምዝኾነ ገሊጹ።

* ዳግማይ ንኽምረጽ ዘካየዶ ፈተነ ካብ ዝፈሽል ንደሓር ኣብ ዘካየዶ ናይ ፈለማ ቃለመሕትት ኣብ ቴሌቪዥን፡ ፕረዚደንት ዶናልድ ትራምፕ ብጆ ባይደን ተሳዒረ ኢለ ኣይኣምነሉን’የ፡

* ቀዳማይ ሚኒስተር አውስራልያ ስኮት ሞሪሰን ቻይና ናይ ሓሶት ምስሊ ናይ ሓደ ወተሃደር አውስትራልያ ስለዝጠቅዐት ‘አዝዩ ከሕፍራ አለዎ’ ክብል ገሊጹ።

* ፈደራል መንግስቲ ኣውስትራልያ ዝበዝሑ ናይ መጻምድቲ ቪዛ ኣመልከትቲ ዝኾኑ 4000 ሰባት ካብ’ዚ ተኣታትዩ ዘሎ ግዝያዊ ለውጢ ኣብ መደባት ቪዛ ንስድራቤታት ተጠቀምቲ ክኾኑ’ዮም ኢሉ።

ቪክቶርያ እቲ ብሰፊሑ ተቐባልነት ዘለዎ መልክዒ ምጥፋእ ኮቪድ-19 ኣብ ማሕበረሰብ 28 መዓልታት ብዘይዝኾነ ሓድሽ መልከፍቲ ኣማሊኣቶ’ላ። ምምሕዳራዊ ከባቢታት ካብ ኮሮናቫይረስ ነጻ ተባሂሎም ዝቑጸሩ ክልተ ነናይ 14 መዓልቲ እዋናት ምጭጫሕ (ኢንክዩቤሽን ፔሪየድስ)፡ ዝኾነ ሓድሽ መልከፍቲ ከይሃለወ/ከይተረኽበ፡ ምስ ዝሓልፉ’ዩ።

ዛዕባ ሎሚ፡ 

አብ ትግራይ አብ መንጎ ሰራዊት ፈደራል መንግስቲ ኢትዮጵያን ህወሓትን ዝካየድ ዘሎ ውግእ ናብ’ቲ ብዙሓት ናይ መወዳእታ ደረጅኡ ዝበልዎ ዝበጽሐ ይመስል። እዚ ታሪኽ ምልስ ኢልና ምስ እንምልከትን ሳዕቤኑ አብ ልዕሊ ህዝቢ ምስ እንግንዘብን እቲ ዝኸፍአ እንታይ’ዩ ክኸውን ዝኽእል ምሕሳቡ የፍርሕ።

ዕለታዊ ዜና ኤስቢኤስ ትግርኛ (26/11/2020)

* ሓደ ኣብ ከተማ ኣደላይድ ዝርከብ ካልኣይ ደረጃ ቤት ትምህርቲ ሓንቲ ጓል ኣንስተይቲ ተማሃሪት ኮቪድ-19 ድሕሪ ምልካፋ ንጽሬት ከምዝተዓጽወ ተፈሊጡ።

* ግዝኣት ቪክቶርያ ን27 መዓልታት ኣከቲታላ ዜሮ መልከፍትን ሞትን ኮሮናቫይረስ ኣመዝጊባ። ካብ ቫይረስ ነጻ ክትበሃል ሓደ መዓልቲ ጥራይ ተሪፍዋ፡

* ሎሚ ካብ መላእ ኣውስትራሊያ ዝተኣከቡ ተጋሩ  ኣብ ካንበራ ዓቢይ ሰላማዊ ሰልፊ ክገብሩ ዊዒሎም።

* ልዕሊ 60 ሚልዮን ሰባት ኣብ መላእ ዓለም ኣብ’ዚ እዋን ብኮቪድ-19 ተለኺፎም፡ 1.4 ሚልዮን ከኣ መይቶም።

ጸብጻባት ዜና 

* አማኻሪ ጸጥታ ሓድሽ ተመራጺ ፕረዚደንት አሜሪካ ስግኣት አብ መቀለ ገበናት ኲናት ከይፍጸሙ ሰጊኦም፡

* ካብ ማሕበረሰብ ዓለም ጸቅጢ ዝበዝሖም ዘሎ ቀዳማይ ሚኒስተር ኣቢይ ኣሕመድ 'ኢድ ኣእታውነት' ኣይቅበል ኢሎም፡

* ኣብ ገማግም ባሕሪ ኤርትራ ኣብ ተኣፋፊ ኩነታት ዘላ ናይ ነዳዲ መርከብ ብጥንቃቀ ክትእለ የመናዊ ዕጡቅ ጉጅለ ሑቲ ፈቃድ ሂቡ፡