SBS Tigrinya - ኤስ.ቢ.ኤስ ትግርኛ

ምጽንባል ኣገደስቲ ቤተሰባዊ፡ ባህላውን ሃይማኖታውን በዓላት ኣብ 2020 ምስ መምርሒታት ኣካላዊ ምርሕሓቕን እገዳታት ጉዕዞን ክጠዓዓሙን ክተዓጻጸፉን ኣድልይዎም’ዩ። ዋላ’ኳ ገለ ሰባት ምስ ፈተውቶም ደጊሞም ክራኸቡ ቀይድታት ክፎኽሱ ብሃንቀውታ ይጽበዩ እንተሃለው፡ ካልኦት ግን ነታ ብፍሉይ ተራር ዝነበረት ዓመት መኪቶም ዝሓለፉላ ንምብዓል ሓደስቲ መንገድታት ኣብ ምህንዳስ ተጸሚዶም ይርከቡ። 

 ዘይፖለቲካዊ፡ ዘይ ሻራዊ ስቪክ ማሕበር 12 ኣኽራን ነቲ ኣብ ናይ ቀደም ኣውራጃ ኣከለጉዛይ ኣብ​ ​ደቡባዊ​ ​ክፋል መሬት ሃገረ ኤርትራ​ ​እትርከብ ብ​ዓሰርተ​ ​ክልተ ​(12) ​ዓድታት​ ​ዝቖመት ​ ​ወረዳ ዝርከብ ህዝቢ ዝረኽቦ ዘሎ ወጽዓ ንዝምልከቶ ጥርዓን ንምቕራብ ዝተወደበ ማሕበር እዩ። ኣብ ትግራይ ተወሊዑ ዘሎ ኲናት ነቲ ኣብቲ ከባቢ ዘሎ ነባሪ፡ ካብ ዝኸፍአ ናብ ዝሓሰመ ህይወት ኣውሪድዎ ከምዘሎ ኣባል ቦርድ ናይቲ ማሕበር ተመስገን ሰመረ ገሊጹ ኣሎ።

ቀንዲ ነጥቢታት ዜና፡

 *** ናብ መቐለ ዝግበር መጥቃዕቲ ቅድሚ ምጅማሩ ሓይሊታት ትግራይ ናብ መንግስቲ ኢዶም ክህቡ 72 ሰዓታት ዕድል ከምዝተዋህቦም መንግስቲ ኢትዮጵያ ኣፍሊጡ።

*** ኣብ ቡርኪናፋሶ መራሒ ናይቲ ዝዓበየ ተቓዋሚ ሰልፊ ፖለቲካ ፕረሲደንት ኮይኑ እንተተመሪጹ፡ ቀዳምነት ዝህቦ ሃገራዊ ጸጥታ ምዃኑ ገሊጹ።

*** ኣብ ቪክቶሪያ ካብ ሎሚ 23 ሕዳር ኣትሒዙ ተወሳኺ ምፍኳስ ቀይዲ ተኣታትዩ፡ እዚ ዝመጽእ ዘሎ ንተኸታታሊ 24 መዓልታት ዝኾነ ናይ ኮሮና ቫይረስ መልከፍቲ ከይተራእየ ድሕሪ ምጽናሕ እዩ።

*** መራሕቲ ሃገራት ዓበይቲ ቑጠባ ዓለም መርመራታትን ክታበታትን ንኹሉ ህዝቢ ብሕሱር ዋጋ ክቐርብ ተሰማሚዖም።

ሰሙናዊ መደብ ስፖርት (23/11/2020)

** ኤርትራን ሩዋንዳን ካብ’ቲ ኣብ ታንዛንያ ዝተጀመረ ግጥማት ኩ’እግሪ ሃገራት ምብራቕን ማእከላይ ኣፍሪቃ ወይ ሴካፋ ት20 መንእሰያት ከምዘይሳተፋ ተፈሊጡ፡

** ኣብ መጻረዪ ግጥማት ንዋንጫ ሃገራት ኣፍሪቃ ካሜሩን 2021 ኢትዮጵያ ደጊማ ኣንጻር ማሊ ኣብ ባህር ዳር ገጢማ 3-0 ስዒራ፡

** ኢትዮጵያዊ ተቐዳዳማይ ብሽግለታ ኣባል ጋንታ ሚቸልተን ስኮት ጽጋቡ ግርማይ ንተወሳኺ ሓደ ዓመት ምስ’ታ ጋንታ ክጸንሕ ፈሪሙ፡

** ጋንትኡ ንኤርትራዊ መርሃዊ ቅዱስ ስማ ናብ ኣስታና-ፕሪምየር ቴክ ቀይራ፡

** ኣሌክሳንደር ኢሳቕ ወሳኒት ሽቶ ኣመዝጊቡ ጋንትኡ ሶሰይዳድ መሪሕነታ ኣብ ጠርዚ ጠረጴዛ ላሊጋ ክትዕቅብ ሓጊዙ፡

** ሶሻል መድያ ኣብ ምፍልላይን ምብኣስን ሰባት ኣበርክቶኡ ኣብ ዝንቀፈሉ ዘሎ እዋን ረብሕኡ ዘጉልሕ ኣብነት ካብ ሓደ ኢኳዶርያዊ ተጻዋታይ ኩ’እግሪ ተረኺቡ፡

ኣብ ሱዕዲ ዓረብ ዝተገብረ ናይ ሃብታማት ሃገራት (G20 summit ) ዋዕላ፡ ለበዳ ኮሮና ቫይረስን ለውጢ ክሊማ ካብ ቀንዲ ዛዕባ ናይቲ ዋዕላ እዮም ኔሮም።

ኣባላ ሃገራት G20 80 ሚእታዊ ሃብቲ ናይ ዓለም፡ ክልተ ሲሶ ናይ ዓለም ህዝቢን ሰለስተ ብዒ ኣህጉራዊ ንግዲን ዝውንኑ እዮም።

መንግስቲ ፌደራል ንጁንታ ህወሓት ስዒረ ንዓዲግራት፣ ኣክሱምን ዓድዋን ተቖጻጺረ ይብል። መንግስቲ ትግራይ ንሰራዊት ኣብይን ኢሳይያስ ኣፈወርቂን ኣብ ሰለስተ ግንባራት ( ኣላማጣ፣ ዓድዋን ዕዳጋ ሓሙስን) ሰፍ ዘይብል ክሳራ ኣውሪዱ ከም ዝበታተኖም ይገልጽ። ብካልእ ዜና ኣርባዕተ ተጋሩ ህጻናት ብዕጡቓት ኣምሓራ ከም ዝተሰየፉን ነፍሰፁር ኣዴታት ከም ዝተቐትላን ካብ ዘይሻራዊ ኣካል ከም ዘረጋገጸ ዘ ቴሌግራፍ ክሕብር እንከሎ ኣብ ክልል ደቡብ ኢትዮጵያ ብዝተወለዐ ዓሌታዊ ጎንጺ 50 ተወለድቲ ኣምሓራ ተቐቲሎም ናብ 100 ሽሕ ዝጽግዑ ከም ዝተመዛበሉ ተሓቢሩ። ዝብሉን ካልኦት ጸብጻባትን።

መንግስቲ ኣዲስ ኣበባ ከም ዓድዋ ኣኽሱምን ዓዲ ግራትን ዝበላ ዓበይቲ ከተማታት ተቖጻጺረ እንተበለኳ፡ ምሉእ ብምሉእ ነቲ ከባቢ ካብ ሓይሊታት ትግራይ ከጽርዮ ከምዘይከኣለን ኣብ ቀጻሊ ምጥፍፋእ ከምዝርከቡ እቲ ጸብጻብ ሓቢሩ። እዚ ኾይኑ ግና ሰራዊት ፈደራል መንግስቲ ኢትዮጵያን ንከተማ መቐለ ንምቁጽጻር መጠነ ሰፊሕ መጥቃዕቲ ንምግባር ተዳልዮም ኣለዉ።

ኤርትራዊያን ምስዚ ኲናት ዝተኣሳሰር ዝተፈላለዩ ኣረኣእያታት የንጸባርቑ ኣለዉ።

ቀንዲ ነጥቢታት ዜና ፡

** እቲ ፈርዩ ዘሎ ክታበታት ኣብዝተፈላለዩ ዕድመን ዓሌትን ዘለዉ ህዝቢታት ብማዕረ ከምዝሰርሕ ኣረጊጾም ኣለዉ።

** ጃፓንን ኣውስትራሊያን ፈሪመናሉ ዘለዋ ወተሃደራዊ ስምምዕ ንሃገራዊ ጸጥጣኣ ስግኣት እንተኾይኑ ክልቲኤን ሃገራት ዋጋ ክኸፍላሉ እየን ክትብል ቻይና ኣጠንቂቓ።

** ኣብ ኢትዮጵያ ምዕራብ ወለጋ ወረዳ ጉሊሶ ኣብ ተወኣልዶ ኣምሓራ  ጭፍጨፋ ድሕሪ ምፍጻሙ ኣብዝሓለፉ 2 ሳምንታት  142 ዕጡቓት ኦነግ ቀቲለን ኣቑሲለን ክብል መንክስቲ ክልል ኦሮሚያ ኣፍሊጡ።

** ሰራዊት መንግስቲ ኢትዮጵያ ናብ ሽረን ራያን ኣትዩ ናብ መቐለ ይግስግስ ከምዘሎ መንግስቲ ኢትዮጵያ ገሊጹ፥

ዶክተር ደብረጽየን ኣሚኑ።

** ኣብ Rugby League, Queensland ኣብ ግጥም State of Origin 20 ነጥቢ ብ 14 ብምስዓር ድሕሪ 3 ዓመታት ተዓዋቲት ኮይኑ።

ኣብ ኢትዮጵያ ብዝግበር ዘሎ ኲናት ህዝቢ ካብ ትግራይን ከባቢኡን “ብኣዚዩ ፍጥነት” ናብ ሱዳን ይስደድ ኣሎ ክብል ቤት ጽሕፈት ጉዳይ ስደተኛታት ዉሕሃ (UNHCR) ገሊጹ።

 መዓልታዊ ልዕሊ ኣርባዕተ ሽሕ ህይወቶም ከድሕኑ ዶብ ሰጊሮም ናብ ሱዳን ይኣትዉ ኣለዉ።

ኣብ ኢትዮጵያ ብዝግበር ዘሎ ኲናት ህዝቢ ካብ ትግራይን ከባቢኡን “ብኣዚዩ ፍጥነት” ናብ ሱዳን ይስደድ ኣሎ ክብል ቤት ጽሕፈት ጉዳይ ስደተኛታት ዉሕሃ (UNHCR) ገሊጹ።

 መዓልታዊ ልዕሊ ኣርባዕተ ሽሕ ህይወቶም ከድሕኑ ዶብ ሰጊሮም ናብ ሱዳን ይኣትዉ ኣለዉ።