SBS Tigrinya - ኤስ.ቢ.ኤስ ትግርኛ

ቀንዲ ነጥቢታት ዜና ፡

** ክታበት ናይ ኮቪድ-19 ካብ ዝመጽእ ወርሒ ከምዝጅምር ናይ ኣመሪካ ኪኢላ ተመሓላለፍቲ ሕማም  Dr Anthony Fauci ገሊጹ።

** ኣብ ግዝኣት ጆርጂያ ነቲ ዝተገብረ ፕረሲደንታዊ ድምጺ ዳግም ይቑጸር ኣሎ።

** ኣብ ዓለም ከም ቀዳማይ ሚኒስተር ኮይኑ ዝነውሐ ዓመታት ዝገበረ ቀዳማይ ሚኒስተር ባሕሬን ዓሪፉ

** መንግስቲ ኢትዮጵያ ኣብ ትግራይ ኣብ ዘካይዶ ዘሎ ኲናት ኤርትራ ትሳተፎ ኣላ ንዝብል ክሲ ሚኒስተር ምክልኻል ኢትዮጵያ ኣሉታ ሂብሉ።

** ኣብ ቶክዮ ዝግበር ጸወታታት ኦሎምፒክ ብምጡን ቁጽሪ ሰብ ኣብ ወርሒ ሓምለ ክግበር ከምዝከኣል ኣህጉራዊ ኮሚቴ ኦሎምፒክ ገሊጹ።

ኣቶ ሓጎስ ካብ ማሕበረሰብ ትግራይ፡ ኣቶ ሚካኤል ካብ ማሕበረሰብ ኤርትራ ኣብ ኣውስትራሊያ። ኣብ ኢትዮጵያ ዝካየድ ዘሎ ኲናት፡ ሳዕቤኑን ኣብ ክልቲኡ ሃገራት ዘሎ ህዝቢ ክገብሮ ዝግባእን ዝብልዎ ሓሳብ ኣካፊሎም ኣለዉ።

ኣብ ኢትዮጵያ ጀሚሩ ዘሎ ኲናት ይቕጽል ኣሎ። ኣብቲ ዞባ ከቢድ ሰብኣዊ ቅልውላው ከየስዕብ ኣህጉራዊ ማሕበረሰብ ስግኣቱ ይገልጽ ኣሎ። ጽሟቕ ጸብጻብ ምዕባለ ናይቲ ኩነታት ኣብዚ ቀሪቡ ኣሎ።

ኣብ ዓለም ተኸሲቱ ዘሎ ለበዳ ክውዳእ ምእንቲ፡ ክታበት ንምምዕባል ዝግበር ዘሎ መስርሕ ኣብ ህዝቢ ዓለም ተስፋ ኣስፊኑ ኣሎ።

መራሕቲ ዓለም ነዚ ምስሰምዑ ክታበት ኮሮና ቫይረስ ኣቐዲሞም ንሃገራቶም ኣቐዲሞም ንምርካብ ዉዕል ንምግባር ይጓየዩ ኣለዉ። እቲ ማዕቢሉ ተባሂሉ ዘሎ ክታበት ካብቲ ትጽቢት ተጌርሉ ዝነበረ ናይ 70 ሚእታዊ ዕዉትነት ዛይዱስ ልዕሊ 90 ሚእታዊ ዕዉት’ዩ ተባሂሉ ተገሊጹ ኣሎ።

ኣብ እዋን ለበዳ ኮቪድ-19 ብዙሓት ንኣሽቱ ቢዘነሳት ህላውነቶም ንምርግጋጽ፡ ኣብ ስርሖም ሓድሽ ዲጂታዊ ስትራተጂ ኣተኣታትዮም እዮም።

ንረብሓ ተዋዳዳራይ ምዃን፡ ናይ ምትዕጽጻፍ ክእለት ምጥራይ፡ ፈጠራዊ ኣተሓሳስባ ምህላውን ኣብ ናይ ድጂታዊ ክእለት ቢዝነስ ናይ ሓንቲ ሳንቲም ክልተ ገጽ ከምዝኾነ ኪኢላታት ዲጂታዊ ቢዝነስ ይዛረቡ።

ቀንዲ ነጥቢታት ዜና፡

  ** ዶናልድ ትራምፕ ኣብ ሰልፊ ሪፑብሊካዊያን ካብ ቀንዲ ተጠመቲ መራሕቲ ኮይኑ ከምዝቕጽል ሰኔተር ሚት ሮምኒ ገሊጹ፡ እቲ ፕረሲደንት ግን ነቲ ዉጽኢት ምርጫ ዳግማይ ክፍቀድ ክሓትት መሰሉ እዩ ኢሉ።

** ምስ ናይ ኣመሪካ ምሩጽ ፕረሲደንት ጆ ባይደን. ኮይኑ ለበዳ ኮሮና ቫይረስ ንምምካትን ወዲቑ ዘሎ ቁጠባ ንምብርባርን ብሓባር ክሰርሕ ቀዳማይ ሚኒስተር ስኮት ሞሪሰን ተስፋኡ ገሊጹ።

** ኣብ ቪክቶሪያ ብሰንኪ ለበዳ ዝጸንሐ ቐይዲ ሓደ ንቕድሚት ስጉሚ ሰጒሙ፥ ካብ ሎሚ ጀሚሮም ደቂ መልበርን ናብ ዞባታት ቪክቶሪያ ክንቀሳቐሱ ተፈቒዱ።

** ኣብ ዓለም ቁጽሪ ብኮሮና ቫይረስ ዝተለኽፉ ሰባት ልዕሊ 50 ሚልዮን በጺሑ፡ ርብዒ ካብዚ ኣብ ካልኣይ ማዕበል መልከፍቲ ዝተኸስተ እዩ።

**ኣብ ትግራይ ሃንደበት ባንክታት ስለዝተዓጽዋ ሰባት ዕለታዊ መሰረታዊ ድሌቶም ዘማልኡሉ ገንዘብ ይውሕዶም ከም ዘሎ ይግለጽ ኣሎ።

ሰሙናዊ መደብ ስፖርት (09/11/2020)

• ** ኤርትራዊ መርሃዊ ቅዱስን ኢትዮጵያዊ ጽጋቡ ግርማይን ተሳትፎኦም ኣብ ቅድድም ብሽግለታ ላ ቩወልታ ኢስጳኛ ዛዚሞም፡
• ** ኣብ ኢስታንቡል ኣብ ዝተኻየደ ውድድር ጉያ እግሪ ማራቶን ኢትዮጵያውያን ኣትሌታት ካልኣይትን ሳልሰይትን ወጺኤን፡
• ** ኮንፈደረሽን ኩዕሶ እግሪ ኣፍሪቃ ብምኽንያት ኮቪድ-19 ናይ መጻረዪ ግጥማተን ከካይዳ ዘይክእላ ሃገራት ከምዝተሳዕራ ክቑጽር’ዩ ክብል መምርሒ ኣውጺኡ፡
• ** ኣብ መላእ ኣሜሪካ ዝርከቡ ብዙሓት ህቡባት ኣትሌታት ፕረዚደንት ዶናልድ ትራምፕ ኣብ ምርጫ ኣሜሪካ ድሕሪ ምስዓሩ ስምዒቶም ይገልጹ፡ 

    ኣቶ ዮሴፍ ገብረሂወት ተንታኒ ፖለቲካን ምሁር ፍልስፍናን ጸሓፍን እዩ። ነዚ ኣብ ኢትዮጵያ ተኸሲቱ ዘሎ ኲናት ዝምልከት መበገሲን መጻኢ ኣመትን ናይቲ ኲናት ተንቲኑ ኣሎ።

-           እዚ ኲናት ኣብ መንግስታ ኣብይ ኣሕመድን ኢሳያስ ኣፈወርቂን ከምጽኦ ዝኽእል ነገር እንታይ ክኸውን ይኽእል?

-           ድሕርዚ ኲናት ፖለቲካዊ መልክዕ ኢትዮጵያ ብሓፈሻ መጻኢ ትግራይ እንታይ ክመስል እዩ?

-           ኣብ ኲናት ተዓዋትን ተሰዓርን ዘየለኳ እንተኾነ፥ ኣብዚ ኲናት ናይ ኣብይ ሰራዊት ይስዓር ናይ ትግራይ ሰራዊት ይተዓወት ብዘየገድስ፥ ዝምድና ካልእ ክፋል ኢትዮጵያን ትግራይን ከመይ ክኸውን’ዩ። ዝብሉን ካልእ ሕቶታትን መሊሱ ኣሎ።

"ኣቢይ ኣሕመድን ወያነን፡ ኤርትራ ዝተጋነነ ሓይሊ ከምዘለዋ ጌሮም ምሕሳቦም እቲ ዝዓበየ ጌጋኦም’ዩ።"

ሚኒስተር ጉዳያት ወጻኢ ኢትዮጵያ ዘበረ ገዱ ኣንዳርጋቸው ካብ ስልጣኑ ተኣልዩ።፡

ኣብ ክንድኡ ኣቶ ደመቀ መኮንን ምክትል ቀዳማይ ሚኒስትርን  ሚኒስተር ጉዳያት ወጻኢ ኮይኑ።

ጄኔራል ብርሃኑ ጁላ ሓለቓ ስታፍ ሓይልታት ምክልኻል ኢትዮጵያ ኮይኑ ተሸይሙ።

ናይ ክልል ኣምሓራ ፕረሲደንት ዝነበረ  ተመስገን ጥሩነህ ዋና ዳይረክተር ሃገራዊ ድሕነት ከምዝኾነ ካብ ኢትዮጵያ ዝተረኽበ ሓበሬታ ገሊጹ። ካልእ ዝተሾሙን ዝወረዱን ሰበ ስልጣናት ከምዘለዉ'ውን ተፈሊጡ ኣሎ።

ድሕሪ ተቐራራቢ፡ ኣዚዩ መሪርን ኣሰሓሓቢን ጎስጓስ ምርጫ ጆ ባይደን መበል 46 ፕረሲደንት ሕቡራት መንግስታት ኣመሪካ ኮይኑ ተመሪጹ።

ጂሴፍ ሮቢነት ባይደን ናብዚ ዝለዓለ ስልጣ ክድይብ ዝኸኣለ ኣብ ናይ ኣመሪካ ሰነትን ምክትል ፕረሲደንትን ኮይኑ ድሕሪ ምግልጋል እዩ።

መንግስቲ ብኸመይ ከምዝመሓደር እኹል ተሞክሮ ከምዘለዎ ጥራይ ዘይኮነስ ምስ ሕማም ልቢ ዘለዎ ኣፍልጦ ኣተሓሒዙ’ዩ ክጉስጉስ ጸኒሑ።

ኣብ ብዙሕ እዋን ጆ ባይደን ሕጹይ ፕረሲደንት ክኸውን ዘይሕሰብዩ ክበሃል ጸኒሑ።