Segðu mér

Anna María er að leikstýra verkinu The Last Kvöldmáltíð.

Þetta er fyrsta verkefnið sem að Anna María leikstýrir sjálf en hún hefur á síðustu árum unnið að fjölbreyttum verkefnum innan sviðslista og kvikmynda. Hún útskrifaðist af sviðshöfundabraut LHÍ árið 2012 og lauk MFA gráðu frá í leikstjórn frá The Actors Studio Drama School í New York árið 2017 þar sem hún lærði einnig leiklist. Hún var aðstoðarleikstjóri Atómstöðvarinnar og Kópavogskrónikunnar í Þjóðleikhúsinu og er aðstoðarleikstjóri Framúrskarandi vinkonu sem sýnt verður á næsta leikári í Þjóðleikhúsinu. Anna María hefur unnið að fjölda kvikmynda á síðstu árum.

Spænska veikin lifir í minningu heimsins. Hún geisaði þegar fólk hafði þegar háð sitt stríð í þeim hildarleik sem fyrri heimsstyrjöldin reyndist heimsbyggðinni á ýmsan hátt. Á síðustu tímum hafa vísindamenn leitað veirunnar í frosnum líkum fórnarlamba. Elín fór til Svalbarða til að fylgjast með uppgreftri þar, og hún segir frá þeirri upplifun allri.

Ekkert af mínum ævintýrum, hvorki í tónlistinni né lífinu, væri mögulegt án Höllu,? segir Víkingur Heiðar Ólafsson um eiginkonu sína Höllu Oddnýju Magnúsdóttur, viðburða- og skipulagsstjóra Sinfóníuhljómsveitar Íslands, sem á stóran þátt í sköpunarferli hans og ákvörðunum. Saman eiga þau tveggja ára dreng og það er annar á leiðinni í vor. Víkingur hefur atvinnu af því að ferðast um heiminn og spila á tónleikum en fagnar því að geta nú stýrt tíma sínum betur og verið með fjölskyldunni.

Víkingur Heiðar Ólafsson leikur á langþráðum tónleikum í Hörpu um helgina. Þeir fyrstu voru í gærkvöldi klukkan átta, á sama tíma í kvöld eru aukatónleikar og svo aðrir á sunnudag og þriðjudag. ?Tilfinningin að vera að fara að spila í Hörpu er geggjuð. Maður þorir varla að trúa því. En nú er held ég engin spurning að þetta verði,? segir Víkingur í samtali við Sigurlaugu Margréti Jónasdóttur í Segðu mér á Rás 1. Miðar á tónleikana fóru fyrst í sölu haustið 2019 og þeir áttu að fara fram á síðasta ári en vegna heimsfaraldursins varð að fresta þeim þar til nú.

Kjartan Darri segir frá nýju íslensku barnaleikriti sem snertir bæði hjartað og hláturtaugarnar

Argentína er fjörug tíu ára stelpa sem ferðast með pabba sínum um höfin í kafbát í ókominni framtíð eftir að öll lönd eru sokkin í sæ.

Foreldrar Arons Guðmundssonar stjórnmálafræðings létust með nokkuð skömmu millibili, móðir hans eftir glímu við taugahrörnunarsjúkdóminn MND en faðir hans af slysförum nokkrum árum síðar. Aron hefði aldrei trúað því að annað áfall gæti dunið á eftir að hann missti móður sína. Hann segir mikilvægt að leyfa sér að finna fyrir sorg og að gráta stundum.

Aron Guðmundsson stjórnmálafræðingur og varaformaður MND-félagsins hefur síðustu mánuði unnið að hlaðvarpsþáttum um snjóflóðin í Súðavík. Þættirnir eru lokaverkefni hans í blaða- og fréttamennskunámi sem hann lýkur í sumar. Hann hlakkar til útskriftarinnar en finnur líka fyrir miklum trega yfir því að fólkið sem hefur staðið honum næst í áranna rás, móðir hans og faðir, geta ekki verið á staðnum til að fagna þessum áfanga með honum. Aron var gestur Sigurlaugar Margrétar Jónasdóttur í Segðu mér á Rás 1 þar sem hann sagði frá missinum og hvernig hann hefur lært að lifa með sorginni.

Hún setur upp heyrnartól til að hlusta á tónlist, snýr baki í athöfnina og kveikir sér í sígó,? rifjar Hannes Sasi Pálsson eigandi Pink Iceland ferðaskrifstofunnar um systur brúðguma sem sýndi það í verki í athöfninni hve illa henni væri við brúðina. Þegar gleðispillirinn var á bak og brott gekk athöfnin að óskum eins og hin 120 brúðkaupin sem Hannes hefur verið viðstaddur í starfi sínu.

Hannes Sasi Pálsson er einn stofnandi ferðaskrifstofufyrirtækisins Pink Iceland, sem tekur mið af á þörfum og menningu hinsegin fólks. Fyrirtækið hefur í kjölfar aðgerða á landamærum og lokana einbeitt sér að framleiðslu á húðvöru sem er unnin úr iðnaðarhampi sem seld er í nýrri búð þeirra Æsir Iceland CBD. Hannes segir að fyrirtækið sé honum sem fjölskylda og að saman myndi allir sem að því koma kærleiksríkt og mikilvægt samfélag. Í Segðu mér á Rás 1 sagði Sigurlaugu Margréti Jónasdóttur frá ævintýrum sínum.

Sylvía Erla Melsted greindist seint með lesblindu því hún kom sér ung upp aðferðum til að fylla í eyðurnar. Í nýrri heimildarmynd segir hún sögu sína og annarra. ?Það er það sem braut í mér hjartað, þegar ég byrjaði á þessu 17 ára,? segir hún um það þegar henni varð ljós aðstöðumunur þeirra sem eru með lesblindu.

Í heimildarmyndinni Lesblinda kynnast áhorfendur Sylvíu og öðrum viðmælendum sem glímt hafa við lesblindu og hindranir henni tengdri. Sylvía greindist sjálf seint lesblind, undir lok 9. bekkjar. ?Ég átti ekki erfitt með að byrja að læra að lesa, ég las bara stundum svolítið vitlaust,? segir hún í Segðu mér á Rás 1. Það var ekki fyrr en hún fór að læra dönsku og ensku að það kom í ljós að hún átti í erfiðleikum með smáorð. ?Ég gat ekki sett mynd á þau. Því þegar ég hugsa orð þá hugsa ég þau myndrænt. Ég tengi þetta saman. Þegar ég les hundur þá sé ég mynd af hundi en þegar ég sé þessi milliorð þá fer allt í þvælu.?

Anna Hildur Hildibrandsdóttir fylgdi Hatara-hópnum til Ísraels þegar hljómsveitin tók eftirminnilega þátt í Eurovision árið 2019 og gerði heimildarmynd um ferðalagið. Hópnum tókst að valda nokkrum pólitískum titringi á svæðinu og þegar stigin voru kynnt á úrslitakvöldinu supu margir hveljur þegar liðsmenn sveitarinnar drógu upp palenstínska fánann og veifuðu honum fyrir framan myndavélarnar.

Anna Hildur Hildibrandsdóttir kvikmyndagerðar- og fjölmiðakona er nýflutt heim frá London þar sem hún var búsett í þrjá áratugi. Í Segðu mér á Rás 1 sagði hún frá borgarlífinu í London, fjölmiðlabransanum og Eurovision-myndinni A song called hate sem hefur ferðast um heiminn og fer loksins að rata á skjáinn.

Hefur kjark til að gera það sem öðrum finnst erfitt

Anna Hildur tekur undir að hún sé kjörkuð og segist hafa hugrekkið frá foreldrum sínum. ?Pabbi heitinn og mamma, sem er enn á lífi, eru bæði ótrúlega dugleg og klár og þau hafa gert margt skemmtilegt í lífinu. Mér finnst gaman að ögra og takast á við áskoranir,? segir hún. ?Ég hef oft kjark til að gera það sem öðrum finnst erfitt að gera.?

Agnieszku Narkiewicz-Czurylo talar nær lýtalausa íslensku og saga hennar er mjög skemmtileg um hvernig hún endaði hér á Islandi og í sínu starfi. Hvað varðar starfið hennar sem þjónustufulltrúi í bankanum þá er hún ?fræg? hjá pólska samfélaginu hér því svo margir fara til hennar til að fá bankaþjónustu á móðurmálinu og oft er röð út að dyrum af fólki að leita til hennar á mánaðarmótunum. Hún er menntuð í Póllandi en starfaði fyrst sem aðstoðarmaður sjúkraþjálfara áður en hún manaði sig upp í að sækja um í bankageiranum, og það var vegna hvatningar frá samstarfsfólki hennar á Landakoti. Hún er mjög innvinkluð í pólska samfélagið hér og það íslenska .

Aðalheiður ráðgjafi hefur alltaf haft áhuga á orðum og segir frá því að þegar hún var lítil heyrði hún ílla, og átti erfitt með að lesa, og hefur oft ruglast á orðum og miskilið orð.

Hún útskýrir kosti þeirra sem eru með ADHD og ástæðuna fyrir því að stjórnendur eru oft að auglýsa eftir þeim sem eru með ADHD án þess að vita af því. Aðalheiður nefnir einnig að það þurfi kannski að gefa þeim örðuvísi endurgjöf en þeim sem eru ekki með ADHD.