Segðu mér

Auðna er fyrsta bók Önnu Rögnu Fossberg , hún byggir söguna á raunverulegum atburðum í lífi íslenskrar fjölskyldu og teiknar upp atburðarás sem er lyginni líkust. Anna Ragna segir frá þessu ferli að skrifa bók um fjölskyldu sína og frænka hennar Ragna Fossberg sem er í bókinni segir í þættinum frá sínu lífi, en hún var ættleidd af ömmu sinni og leit á móður sína sem systur. Við fermingaraldur uppgötvaði Ragna þetta en ræddi það aldrei við fjölskyldu sína því innst inni vissi hún að þetta var stóra leyndarmálið sem allir áttu að skammast sín fyrir. Ragna segist lifa góðu lífi og hafa aldrei haft þörf á því að tala um þetta eða að leyta að föður sínum.

Flateyjargátan er ný, íslensk spennuþáttarröð í fjórum hlutum sem frumsýnd verður á RÚV sunnudaginn 18. nóvember. Þættirnir eru byggðir á samnefndri skáldsögu Viktors Arnars Ingólfssonar. Stefán Hallur Stefánsson leikari og Björn B Björnsson leikstjóri segja m.a. frá því hversu krefjandi og gaman það er að vinna við periódumyndir, og Stefán segist hafa vanist því furðufljótt að vera með ægilega þykka barta.

Dísella Lárusdóttir segist eiga tvö líf, hún stendur á sviði Metropolitan óperunni í New York og þess á milli er hún mamma. Hún á tvö börn og býr á Íslandi en ferðast á milli. Hún segir frá þessu lífi og talar einnig um föður sinn sem lést einungis 58 ára að aldri.

Ragnar hikaði ekki eitt augnablik að drepa söguhetju sína Huldu og hefur einsog hann segir sjálfur fengið mjög áhugaverð og skemmtileg viðbrögð við þeirri ákvörðun. Hann segir í þættinum frá því að hann fór ungur að þýða bækur eftir Agöthu Christie og stússaði í hlutum sem tengdust bókum og sköpun. Ritstörfin toguðu sífellt meira í hann, í dag skrifar hann eina bók á ári allt frá því hann skrifaði fyrstu bókina sína árið 2009.

Gestur þáttarins er Valdís Óskarsdóttir kvikmyndaklippari og kvikmyndagerðarkona.

Umsjón: Sigurlaug Margrét Jónasdóttir.

Gestur þáttarins er Valdís Óskarsdóttir kvikmyndaklippari og kvikmyndagerðarkona. Umsjón: Sigurlaug Margrét Jónasdóttir.

Anna Svava stendur á sviði í fyrsta skipti í ÞJóðleikhúsinu í leikritinu Fly me to the moon. Hún talar um húmor ísgerð og barnauppeldi og segir að heilinn á henni hafi breyst eftir að hún eignaðist börn.

"Fíknisjúkdómar er mjög alvarlegt vandamál í okkar samfélagi sem við höfum vanmeti. Þeir eru mjög arfgengir og ganga mann fram af manni í sumum fjölskyldum" segðir Kári Stefánsson læknir og forstjóri Íslenskrar erfðagreiningar. Hann og Ellen Kristjánsdóttir segja í þættinum frá ákalli þar sem verið er að biðja stjórnvöld að auka þegar í stað árleg framlög til sjúkrahússins á Vogi.

Gunnar Smári svarar án þess að hika spurningunni hvort hann vakni stundum á morgnanna og hugsi: Í dag ætla ég ekki að hafa skoðun á neinu. Við ræðum einnig gagnrýni, hatursfullar athugasemdir, bragðgóðan mat og um hamingjuna.

Guðrún segir frá Hvítárbrúnni við Ferjukot en það þótti mikið afrek miðað við þá verktækni sem þá var til staðar þegar hún var byggðog hún þykir með fallegri mannvirkju.

Guðrún segir einnig frá Safnahúsi Borgarfjarðar og talar um hversu mikilvægt það er að byggðasöfn segi sögu.