Segðu mér

Gísli Galdur rifjar brosandi upp þann tíma þegar hann spilaði með Trabant og Quarashi og ekki má gleyma þegar hann vann sem plötusnúður á Prikinu. Hann útskrifaðist úr hljóðtækninámi frá Rytmiska Musikkonservatorium í Kaupmannahöfun. Síðan þá hefur hann samið tónlist fyrir leikhús, kvikmyndir og sjónvarpsþætti.

Jakob rifjar upp æsku sína á Akureyri þar sem hann fylgdi afa sínum hvert fótspor. Jakob talar um þingstörfin og svo auðvitað tónlistina.

Leikkona Guðlaug Elísabet gerir reglulegar róttækar breytingar á lífi sínu. Hún tók sér hvíld frá leiklistinni, fann ástina og gerðist kúabóndi. Faðir hennar lést þegar hún var 14 ára og tók það hana langan tíma að vinna úr þeim missi. Núna er Guðlaug stigin á svið Borgarleikhússins í nýju verki eftir Bryndísi Ósk Þ.Gylfadóttur sem heitir Hvíta tígrisdýrið.

Diljá skrifaði færslu á facebook sem vakti mikla athygli, en þar skrifaði hún um þá reynslu að vera atvinnulaus. Við ræddum um þessa reynslu, sem og sálgæslu og vorum sammála því hvað það getur verið gott að gráta.

Anna Bergljót handritshöfundur og Jakob leikstjóri segja frá kvikmyndinni Jólamóðir sem er fjölskyldu og ævintýramynd um Grýlu og jólasveinana. Myndin var tekin upp í raunverulegum hellum á Suðurlandi.

Arnrún María Magnúsdóttir, framkvæmdastjóri, segir frá Lausnahringnum sem varð til í lýðræðislegu samstarfi kennara og barna í leikskólanum Brákarborg. Aðferðirnar byggjast meðal annars á að leitað sé að lausnum sem börn og fullorðnir geta notað saman til að leysa vandamál.

Umsjón: Sigurlaug Margrét Jónasdóttir.

Hildur Hermóðsdóttir rifjar upp þegar í ágúst 1970 Þingeyingar tóku til sinna ráða eftir áralanga baráttu gegn fyrirhuguðri stórvirkjun í Laxá og sprengdu upp stíflu sem virkjunaraðilar höfðu reist í Miðkvísl og notuðu til þess dýnamít í eigu virkjunnarinnar. Hildur skrifar bók um föður sinn Hermóð í Árnesi og hans baráttu fyrir verndun Laxár og Mývatns.

Umsjón: Sigurlaug Margrét Jónasdóttir.

Vinkonurnar og samstarfskonurnar Júlíana Sara og Vala Kristín áttuðu sig á því þegar þær byrjuðu að hlaupa saman að þær væru bestu vinkonur. Síðan hafa þær unnið saman um árabil og sjónvarpsþættir þeirra, Venjulegt fólk , hafa slegið í gegn.

Lilja missti drenginn sinn þegar hann var einungis tíu daga gamall. Hún stofnaði ásamt fjölskyldu sinni Hlynssjóð. Sjóðnum er ætlað að styðja við foreldra sem missa barn sitt í eða skömmu eftir fæðingu.

Gunnar og Felix ræða vináttuna, barnamenningu og sköpunarkraftinn sem þeir geta ekki og vilja ekki losna við.