Segðu mér

Emilía er skólastjóri leiklistarksóla Borgarleikhússins og segir frá starfinu, sköpunarkraftinum og leikgleðinni

Sigríður er eigandi og framkvæmdastjóri SHJ og sérhæfir sig í ráðgjöf og fræðslu fyrir vinnustaði.

Gestur þáttarins er Hafsteinn Hafliðason, garðyrkjumaður, sem var að senda frá sér nýja bók. Garðyrkja og grasafræði hafa alla tíð verið hans ær og kýr. Hafsteinn segir að blóm veiti gleði og viðurkennir fúslega að hann talar við þau.

Þorvaldur hóf að semja lög fyrir tuttugu árum og fyrir nokkru hófst samstarf þeirra félaga Þorvaldar og Kristjáns. Þeir eru að leggja af stað í ferð til Ítalíu þar sem tónleikar verða haldnir á þremur stöðum við Gardavatn. Þar verða lög eftir Þorvald við texta Kristjáns flutt.

Andrés segir frá nýjum geisladisk sem var að koma út, en rifjar einnig upp árin með hinni vinsælu hljómsveit Sixties. Þeir ferðuðust í rútu út um allt land og spiluðu á allskonar böllum.

Magnús hefur verið ritstjóri Skessuhorns, héraðsfréttablaðs vesturlands í yfir tuttugu ár. Hann er sveitastrákur, yngstur af fimm systkinum en foreldrar hans lögðu mikla áherslu á það að þau færi öll í nám. Að komast til mennta var mikilvægt.

Þóra Sigríður segir frá kvikmyndasafninu sem í frystiklefum geymir fjársjóði. Hún segir frá verkefni þeirra sem þau kalla Ísland á filmu.

Birna sem er leikkona og María leikstjóri byrja á því að rifja upp sjoppurnar í þeirra æsku, umræða færist svo yfir í leikritið Prinsinn, sem María skrifaði og sett var upp í frystiklefanum í Rifi. Leikritið fer á flakk í sumar en í haust verður það sett upp í Þjóðleikhúsinu.

Hulda Björk segir frá drengnum sínum Ægi Þór og Duchenne sjúkdómnum sem hann er með. Hún lýsir þeim erfiðleikum öllum sem þau fjölskyldan þurfa að ganga í gegnum, en líka segir hún frá gleðinni, lífskraftinum og dansinum á föstudögum