ក្របីជាសត្វពាហនៈដែលពលរដ្ឋខ្មែរនិយមប្រើជាកម្លាំងដើម្បីភ្ជួរស្រែ និងក៏ជាសត្វពាហនៈដែលមានកម្លាំងអាចអូសទាញរបស់របរធ្ងន់ៗដែរ។ តែនៅក្នុងសហគមន៍បារាយណ៍ ក្រុងសៀមរាប ពលរដ្ឋ ពិសេសមនុស្សចាស់បានប្រើក្របីដើម្បីទាញរទេះដឹកភ្ញៀវទេសចរជាតិ និងអន្តរជាតិមើលទេសភាពស្រុកស្រែ។ របរថ្មីមួយនេះបានជួយឲ្យមនុស្សចាស់នៅតាមទីជនបទ ស្រុកស្រែរកបានប្រាក់ចំណូលបន្ថែមប្រចាំខែសម្រាប់ផ្គត់ផ្គង់ជីវភាពគ្រួសារ។