នៅថ្ងៃទី២២ ខែវិច្ឆិកា ឆ្នាំ២០២៤ សហគមន៍អ្នកស្រលាញ់ភេទដូចគ្នានៅក្នុងប្រទេសកម្ពុជា បានរៀបចំកម្មវិធីសម្ពោធជាផ្លូវការ សៀវភៅ រៀមច្បង សហគមន៍ឥន្ទធនូកម្ពុជា។ សៀវភៅនេះត្រូវបានសហគមន៍អ្នកស្រលាញ់ភេទដូចគ្នារំពឹងថា នឹងក្លាយជាផ្នែកមួយក្នុងការចូលរួមចំណែកជាមាគ៌ាសម្រាប់អ្នកស្រលាញ់ភេទដូចគ្នា ឱ្យទទួលបានសិទ្ធិដូចមនុស្សទូទៅ ជាពិសេសសិទ្ធិរៀបការស្របច្បាប់ សិទ្ធិស្មុំកូន និងសិទ្ធិជាម្ចាស់លើទ្រព្យសម្បត្តិរួមគ្នាដូចប្ដីប្រពន្ធភេទផ្ទុយគ្នា។