គាប់​ជួន​ក៏​ដូច​ជា​ការ​ត្រៀម​ខ្លួន​ លោក​ នុត ប៉ូល ​ពលរដ្ឋ​ខ្មែរ​សញ្ជាតិ​អាមេរិក​បាន​ធ្វើ​ដំណើរ​ពី​រដ្ឋ​កាលីហ្វ័ញ៉ា​មក​មើល​ការ​ប្រកួត​ស៊ីហ្គេម​នៅ​កម្ពុជា។​ លោក​បាន​ភៀស​ខ្លួន​ទៅ​នៅ​សហរដ្ឋអាមេរិក​តាម​រយៈ​ជើង​ហោះហើរ​របស់​UN​ ក្នុង​ជំនាន់​កម្ពុជា​កំពុង​តែ​ហែក​ហួរ​ដោយ​សង្គ្រាម​ផ្ទៃ​ក្នុង​ និង​បន្ទាប់​ពី​ឱពុក​ត្រូវ​បាន​សម្លាប់​ក្រោម​ស្នាម​ដៃ​នៃ​របប​ប៉ុលពត។​ ទុក​អតីត​កាល​មួយ​ឡែក​សិន​ បុរស​បាន​សម្ដី​រូប​នេះ ​ងាក​មក​និយាយ​ពី​ភាព​រីករាយ​ក្នុង​ពេល​បច្ចុប្បន្ន​ ដោយ​ចាត់​ទុក​ព្រឹត្តការណ៍​ស៊ីហ្គេម​ជា​អ្វី​ដែល​លោក​មិន​នឹក​ស្មាន​ថា​ អាច​នឹង​កើត​មាន​នៅ​កម្ពុជា​សោះ​ឡើយ។​