សិស្ស​ពូកែ​ម្នាក់​ដែល​ប្រឡង​ជាប់​និទ្ទេស A​ នៅ​ក្នុង​ការ​ប្រឡង​បាក់ឌុប​ឆ្នាំ​២០២១​នេះ បាន​សម្តែង​នូវ​អារម្មណ៍​រំភើប​និង​មោទកភាព​ចំពោះ​ការ​ខិតខំ​ប្រឹងប្រែង​រៀន​សូត្រ​របស់​ខ្លួន​នា​ពេល​កន្លង​មក​នេះ​។ កាន់​តែ​មោទកភាព​ថែម​ទៀត ព្រោះ​ថា ​លទ្ធផល​និទ្ទេស A របស់ យុវតី ឡៅ សុឃឺន ដែល​មាន​ម្តាយ​ឪពុក​ជា​កសិករ ទទួល​បាន​ការ​អបអរ​សាទរពី​សំណាក់​អ្នក​ស្រុក​ទឹកផុស ខេត្ត​កំពង់​ឆ្នាំង​។ សិស្ស​ពូកែ​ដែល​នាំ​យក​និទ្ទេស​ល្អ​ដំបូង​បង្អស់ មក​ជូន​ស្រុក​កំណើត​រូប​នេះ បាន​លើក​ទឹក​ចិត្ត​ដល់​យុវជន​ដទៃ​ទៀត ឲ្យ​តស៊ូ​រៀន​សូត្រ ​ទោះ​បី​ជួប​បញ្ហា​ជីវភាព​គ្រួសារ​ក្តី។