តុលាក្រុងភ្នំពេញកាលពីអំឡុងខែវិឆ្ឆិកា ឆ្នាំ២០២១កន្លងទៅ បានសម្រេចដោះលែងឱ្យសកម្មជនបរិស្ថាននៃចលនាមាតាធម្មជាតិ ចំនួន៦រូបឱ្យនៅក្រៅឃុំបណ្តោះអាសន្ន។ ក៏ប៉ុន្តែពួកគេស្ថិតក្រោមការតាមដាន​ពីតុលាការដដែល ខណៈសំណុំរឿងដែលតម្កល់នៅតុលាការមិនទាន់បិទបញ្ចប់នៅឡើយ។ ជាការកត់សម្គាល់ នៅប៉ុន្មានថ្ងៃចុងក្រោយនេះ សកម្មជនមាតាធម្មជាតិបានបង្ហោះនូវកម្រងវីដេអូមួយ ដែលនឹងត្រៀមធ្វើយុទ្ធនាការទាមទារឱ្យតុលារទម្លាក់រាល់បទចោទប្រកាន់មកលើពួកគេឱ្យបានឆាប់ និងដោយឥតលក្ខខណ្ឌ ស្របពេលដែលសកម្មជនបរិស្ថានទាំង៦រូបអះអាងថា នេះការបំបិទសិទ្ធិសេរីភាព និងមិនឆ្លុះបញ្ចាំអំពីការគោរពលិទ្ធិប្រជាធិបតេយ្យ និងសិទ្ធិពលរដ្ឋក្នុងរដ្ឋប្រជាធិបតេយ្យ​ដូចជាប្រទេសកម្ពុជា។