ស្លា គឺជាដំណាំមួយប្រភេទដែលផ្ដល់អត្ថប្រយោជន៍ដល់អ្នកដាំទាំងផ្លែ ទាំងដើម និងធាង។ អ្នកភូមិច្រកចំបក់ ឃុំជុប ស្រុកត្បូងឃ្មុំ ខេត្តត្បូងឃ្មុំ បានដាំដំណាំស្លានេះសឹងគ្រប់ផ្ទះទាំងអស់ ដើម្បីលក់បានជាចំណូលចិញ្ចឹមជីវិត។ ដោយសារកត្តាភូមិសាស្ដ្រអំណោយផល ដីសម្បូរជាតិទឹក និងជាដំណាំកេរដូនតា ស្លាបានក្លាយជាដំណាំពេញនិយមរបស់អ្នកឃុំជុប។ ម្យ៉ាង ពេលប្រមូលផលស្លា ក៏មិនខ្វះទីផ្សារលក់ចេញ។