រយៈពេល​ជិត១ឆ្នាំគត់ ដែលគ្រួសារ​របស់​លោក​អ៊ុក ដារាច័ន្ទទ​ភៀសខ្លួនមករស់នៅប្រទេស​បារាំង ដើម្បីគេចចេញពីសង្រ្គាមរុស្ស៊ី ឈ្លានពាន​អ៊ុយក្រែន។ ក្នុងពេល​ដែល​សង្រ្គាម​វាយប្រហារ​របស់​រុស្ស៊ី​នៅតែបន្តមាន​ទៅលើ​ប្រទេស​អ៊ុយក្រែន គ្រួសារ​របស់​លោក​អ៊ុក ដារាច័ន្ទ​ត្រូវបន្តស្ថិតនៅ ប្រទេស​បារាំង។ នៅទីក្រុង​Besançon ភាគខាងកើត​បារាំង គ្រួសារ​របស់​អ៊ុក ដារាច័ន្ទ ដែលមាន​សមាជិក​៣នាក់ បានទទួល​ថវិកា និង​ផ្ទះស្នាក់នៅ ដែលជាជំនួយ​របស់​រដ្ឋាភិបាល​បារាំង សម្រាប់​ជនភៀសខ្លួនអ៊ុយក្រែន។