អ្នកស្រី ​ប្រឹម ស្រីអូន​ ជាស្រ្តី​មេម៉ាយ​ពិការ​ភ្នែក​ទាំង​សងខាង​មាន​កូន​ស្រី​ចំនួន២នាក់ ​ស្នាក់នៅ​បន្ទប់​ជួលផ្សារ​បឹងស្រឡាងថ្មី​ ខណ្ឌឬស្សីកែវ​ រាជធានីភ្នំពេញ។ ​ក្រោយពី​ធ្លាក់ខ្លួន​ពិការភ្នែក​ទាំងសងខាង​ អ្នកស្រីប្រឹម ស្រីអូន​ បាន​ចាប់​អាជីព​ជាអ្នក​ចាក់កាបូប ​កន្សែង ​និង​មួក​ដែលធ្វើពីអំបោះ​ដើម្បី​លក់​ចិញ្ចឹម​ជីវិត​ខ្លួនឯង​និងកូន​ស្រី​ចំនួន​២នាក់។​ អ្នកស្រី​បាន​លើក​ទឹកចិត្ត​ដល់​ជនពិការ​ដទៃ​ទៀត​កុំផ្ដេកផ្ដួល​ដោយសារ​ខ្លួន​​ពិការ​ ត្រូវ​ប្រឹងប្រែង​ខ្លួនឯង។ ​​ក្នុងនាមយើង​ជាជនពិការ​ គ្មានអ្វី​ជួយ​ក្រៅពីយើង​ជួយ​ខ្លួនឯងទេ។​