Dreymurin er, at FarGen verður ein fyrimynd fyri allan heimin innan heilsuøkið. Tað er Bogi Eliasen, sum stendur fyri hesari verkætlanini. Kári Sólstein tosar við Boga Eliasen í Summarmorgni.

Muslimsku brøðurnir er ein víttgangandi islamistiskur felagsskapur, sum millum annað hevur fingið skotið í skógvarnar, at teir "framleiða" yvirgangsfólk. Eftir at Hosni Mubarak fall í fjør, eru Muslimsku brøðurnir komnir tættari valdinum í Egyptalandi. Fyribils hava teir fingið forsetan. 

 

Men nú bera mong ótta fyri, hvat kann henda. Serliga bera fólk ótta fyri at fáa sett í gildi sonevndu harðrendu og islamistisku Sharia-lógirnar. Kári Sólstein tosar við Heina í Skorini um Muslimsku brøðurnar, Sharia-lógirnar og annað.

Skulu vit hava franskan, italskan ella føroyskan mat á føroysku matstovuborðunum? Kári Sólstein tosar við gourmet-kokkin, Leif Sørensen um millum annað, hvussu tú mennir føroyskan mat best. Leif Sørensen er ein av okkara fremstu kokkum, og hann starvast í løtuni sum leiðari á matstovuni KOKS á Hotel Føroyum.

Borgarakríggj, hungursneyð, neyðtøkur og líknandi hevur eyðkent partar av afrikanska landslutinum í Sudan, Darfur, síðan borgarakríggið byrjaði í 2003. Kári Sólstein hevur havnarmannin, Signheðin Knudsen, í telefonini úr Darfur.

Tað var dagin í dag , 6. juli, fyri 55 árum síðani, at Poul McCartney og John Lennon hittust við ein kirkjubasar í Liverpool. Og tað gjørdist í veruleikanum spírin til The Beatles. Kári Sólstein hevur beatles-kennaran, Suna Merkistein, í útvarpsstovuni.

Hvussu er tilgongdin, tá prestur verður settur í starv? Verður hann spurdur, um hann trýr á Gud?

 

Hoyr samrøðuna, sum Kári Sólstein hevði við Jógvan Fríðriksson, biskup, í morgunsendingini.

Hoyr samrøðu við leiðaran í Íverksetarahúsinum og tveir næmingar á Fiskivinnuskúlanum, sum vóru gestir í morgunsendingini.

Tær báðar skulu rógva í einum fýrara. Hoyr samrøðuna, sum Kári Sólstein hevði við Annettu og Rannvá í morgunsendingini.

Seinnapartin í dag verður móttøka á Selatrað, í sambandi við at skótadepilin fær stórfingnu gávuna frá Bakkafrosti. Ætlanin er at at gera ein upplivingargarð.

 

Magni Laksáfoss var gestur í morgunsendingini.

Mykines er væl umtókt ferðamál, bæði hjá føroyingum og útlendingum. Umleið 10.000 ferðafólk eru í Mykinesi um árið.

Í løtuni verður grivið út fyri einum listasavni, sum skal hýsa málningum hjá kenda málaranum, S. J. Mikines, og har verður eisini møguleiki at gista.

Kári Sólstein hevur verið í Mykinesi, og í morgunsendingini hitti hann m.o. Kathrinu Johannesen, lærara, og Esbern í Eyðansstovu, bónda.