வானத்தையே நாம்ஆசையாக கேட்கவில்லை, வானம்பார்த்தபூமியில் இடமும் கேட்கவில்லை.

செல்வங்கள் தேவைஎனஎதிர்நோக்கவில்லை,

செழிப்பான வாழ்வையும் எதிர்நோக்கவில்லை!

ஏழையாகவும் வாழவிரும்பி வேண்டியதில்லை,

கோழையாகவும் வாழவிரும்பி யதில்லை!

ஆயிரம்மொழிகள் கற்கஆசை கொள்ளவில்லை,

அற்புதமான தமிழே திருப்திதந்தது!

ஆசைகளை வளர்த்துக் கொள்ளவில்லை,

ஆசாபாசங்க ளிலும்அலை மோதுவதுதில்லை.

அமைதியான வாழ்வுதனையே வேண்டினோம்,

அருமையான மனமொன்றையே தேடினோம்!

காலம்மாறினாலும் நமக்குகிட்டிய ஞானம்

கரைந்து போகக்கூடாது என்றேகதறினோம்.

பற்றற்ற ரோகநிலையைக் கடந்தஇந்தப்

பற்றுகோளான வேண்டுதல்களையே கேட்டோம்!

எதிர்பார்ப்புகளை என்றும் எரித்துவிடாத

ஏமாற்றங்களல்லாத வாழ்வே தேடினோம்!

செத்தபின் நம்முயிர் சேர்வதெங்கேஎனத்

தெரியும்வரை தெய்வத்தைதேடி நிற்போம்!

தலை நிமிர்ந்திருந்த

தமிழ்த்தாய் தள்ளாடிக்

கொண்டிருக்கிறாள்!

தவிர்த்துக் கொண்டிருக்கிறார்கள்

தமிழ்த்தாய் மொழியை!

தமிழ்மக்கள் மனம்மாறி

மறுவாழ்வளித்தால் தான்

வாழ்விழந்த தமிழ்த்தாய்

மீண்டும் புதுப்பிறப்பெடுக்கமுடியும்!

அன்றுவாழவழி காட்டியதமிழுக்கு

இன்றுகுழி வெட்டிக்கொண்டு

போகிறார்கள்!

ஆடம்பர வாழ்க்கைக்கு

ஆசைப்பட்டு ஆங்கிலத்தை

அரவணைத்ததால் இன்று

தவித்துக்கொண் டிருக்கிறதுதமிழ்!

வறண்டு கிடக்கும்

தமிழ்நிலத்தில் நீரூற்றாக

தாய்மொழிப்பற்று பெருக்கெடுத்து

தாயைக்காக்கும் தனயன்களை

காணவில்லை இங்கு!

வதைப்பட்டுக் கொண்டிருப்பதுநம்

வாய்மொழியா தாய்மொழியா?

ஊமையாய்போய்க் கொண்டிருக்கும்

தமிழ்த்தாயை உதவாக்கரைகள்

அந்நியமொழி மோகத்தால்மேலும்

அழித்துஒழித்துக் கொண்டிருக்கிறார்கள்!

அசிங்கப்பட்டு அல்லாடிக்

கொண்டிருக்கிறாள் நம்

திணிப்புக்கு உண்டு எதிர்ப்பு!

வயிற்றில் அதிகம் திணித்தால்

சீரணத்திற்கு எதிர்ப்பு!

மனசுக்குள் அதிகம்எதைத் திணித்தாலும்

வாழ்க்கைக்கு உண்டு எதிர்ப்பு!

உள்ளுக்குள் திணித்த சினம்

மன்னித்தலுக்கு எதிர்ப்பு!

மழலையில் எம்மொழி திணித்தாலும்

இயற்கைக்கு உண்டு எதிர்ப்பு!

கஷ்டம் அதிகம் திணிக்கப்பட்டால்

கடவுளிடம் ஒரு எதிர்ப்பு!

நஷ்டம் அதிகம் திணிக்கப்பட்டால்

நல்லுறவுகளிடம் எதிர்ப்பு!

திரைப்படங்களை அதிகம்மூளையில் திணித்தால்

திறமைகள் வளர்ப்பில் எதிர்ப்பு!

அறிவுறைகள் அதிகம் திணித்தால்உண்மை

அன்புக்கு வரும் எதிர்ப்பு!

விடலைகளிடம் விதண்டாவாதத்தை திணித்தால்

விடாமல் தொடரும் எதிர்ப்பு!

நம்எண்ணத்தையே திணித்துக் கொண்டிருந்தால்

நாடுமுழுக்க எழும் எதிர்ப்பு!

எதிர்ப்பை அளவாய்திணித்தால் எதிலும்

எழாது எழுச்சி! வராது புரட்சி!

நியாயத்தில் நிற்கும் திணிப்புக்கு

நித்தம் இல்லை எதிர்ப்பு!

இன்று புயலென்று

வானொலி அறிக்கை

அறிவித்தது!

டெலிவிஷனும் அதைதான்

தெரிவித்தது.

ஆரம்பித்த சூறைக்காற்று

அசைத்தது அனைத்தையும்!

மரம்ஆடி நின்றது.

செடிஒடிந்து நின்றது.

பொலபொலவென

கொட்டித்தீர்த்தது மழை!

காக்கையும் குருவியும்

காணாமல்போய் விட்டது!

மலர்கள் மொத்தமும்

மல்லாந்து கிடந்தனதரையில்!

இரவும் கடந்தது!

புயலும் கடந்தது!

மழையும் ஓய்ந்தது!

பொழுது புலரும்வேளையில்

கொஞ்சும் குயில்

கூ கூ என்றது!

கூடவே கடமுடாவென

இடியும் இடித்தது!

எம்வீட்டு நாயும்

எதற்கோ கத்தியது.

மழை தொடருமா?

என்னவென்று

எட்டிப் பார்த்தால்நான்

தட்டிக் கேட்பதாய்

தவளை தன்குரலை

உயர்த்தியது!

குற்றவாளி நானல்ல…..

மழைதான் மறுபடியும்!

பதுமைகள்பல கண்டேன்

பாசம்தான் அங்குண்டு,

படிப்புஎன்று ஒன்றுமில்லைஅங்கு!

புதுமைகள்பல செய்தன

சமையல்கட்டில்!

புத்திதான் அங்கில்லை!

புன்னகைகள் பலகண்டேன்,

புளங்காங்கிதம் எனக்கில்லை.

வாய்ப்பேச்சைக் கேட்டு களித்தேன்,

வலிமைஒன்றும் அங்கில்லை!

வாழ்க்கை அங்குண்டு-அந்த

வஞ்சியர்தம் மனதில்…

கல்யாணக் கோலமொன்றே-அவர்தம்

கற்பனைக் கனவுகள்.

கலங்காத நெஞ்சமென்பது-அந்தக்

கன்னியர்க்கொரு கானல்நீர்!

நாயகனை நேசிக்கத்துணியும்-அந்த

நங்கையர்தம் உள்ளத்தில்

தாயகத்திற்கோர் இடமென்பது-சென்னை

தாகத்திற்கு தண்ணீர்தேடுவதுதான்.

பெற்றவரிடம் தட்சணைபெறும்-அந்தப்

பெண்மணிகள் பணப்பீரோக்கள்.

சாவிக்காக வருபவனிடம்-அந்தச்

சாவித்திரிபோல் வாழ்பவர்கள்!

பீரோ காலியானால்-அவர்தம்

மாட்டோம்! மாட்டோம்!

இனிமேல் பிளக்கமாட்டோம்

என்று - அணுக்களே!

நீங்களே மறுத்துஉலகின்

அச்சத்தை என்றுதுணிவுடன்

பிளப்பீர்கள்?

உன்வயிற்றில் இருக்கும்

ஏராளமானக் கற்களை - இந்த

வல்லரசுக் கப்பல்கள்மீது

தூக்கியெறிந்து தூளாக்கி

இந்துமாக்கடலே - உன்

மண்டலத்தை நீயே

அமைதி மண்டலமாய்

என்று மாற்றுவாய்?

ஏறிஏறிக் களைத்துப்போனோம்

இனியும் இயலாது - எங்களால்

இயலவே இயலாது - என்று

விலைவாசிகளே!

நீங்களும் கொஞ்சம்

பாய்விரித்துப் படுத்தாலென்ன?

மாற்றிவிட்டோம் மாற்றிவிட்டோம்

மனிதனை முடிந்தவரை

மாற்றிவிட்டோம்!

மயங்கிவிட்ட மனிதனை-இனி

மாற்றவே முடியாதுஎன்ற

நிலைதனை அளித்த

திரைப்படக் களஞ்சியமே-நீ

இத்திசையில் திக்கற்று

வாய்மூடி ஓடிஒளிந்தால்

என்னாகும்?

சோற்றுக்காக சுயலாபத்திற்காக

எட்டு மணிக்கு

ஓர் அலறல்….

என்னிதயம்தனைக்

கிழித்து - பி.டி.உஷாவாக

எனைஅங்கு ஓடவைத்தது!

குடித்தனம் நடத்தும்அந்தக்

குமரிப்பெண்ணிற்கு

குழந்தைகள் - மூன்று

அம்மா … மட்டும்மொழியும்

அந்தஅழகிய குழந்தை

இடையில்!

ஸ்கூலுக்கு போகமாட்டேன்;

வீராங்கனையாக

ஸ்ட்ரைக் பண்ணும்பிஞ்சு

மொழியாள் காலடியில்!

அம்மாவும் இல்லை,

அப்பாவும் இல்லை,

அன்புடனே ஆதரிக்கும்

தெய்வமுமில்லையென

அடுப்பங்கரையில் பாடும்ஆறு

அகவையான சிறுவன்

அழுதுக் கொண்டிருக்கிறான்!

அன்பான கணவன்

அரவணைப்பால்

அடிவயிற்றில் சுருண்டிருக்கும்

நான்காமவன்(ள்) நிமிண்டினாள்.

உதைத்த உத்தமன்-அங்கே

உறங்கத் துவங்கியிருந்தான்.

உதட்டோரம் கசிந்திருந்த

இரத்தம் எந்தப்பல்

கழன்று வீழ்ந்ததோ

என்றெண்ண வைக்க

நமது அரசியல் சட்டம்

துண்டுதுண்டாய் பலதுணிகளில்

வெட்டிஎடுத்துத் தைக்கப்பட்ட

விலை மதிப்பான

ஒட்டுச்சட்டை போலிருக்கிறது.

ஜனநாயகக் குழந்தைகளில்

சிலருக்கு சதைபோடும்போதும்,

பலருக்கு பவர்கெட்டு

உடல் உருகும்போதும்

நமது அரசியல்சட்டம்

எனும் சட்டையை

அடிக்கடி மாற்றி

ஆல்டர் செய்கிறார்கள்.

பட்டு சட்டையாய்நினைத்தோம்,

அடிக்கடி ஆல்டர்

செய்யும் போது

கெட்டுப் போகாதா?

அதனால் சிலநேரம்

தூக்கி எறிந்துவிடும்

அரசியல் தாத்தாக்கள்

தாதாக்கள் மத்தியில்

முற்போக்கு விதைகள்

முளைக்கவா முடியும்?

நம் கனவுச்செடிகள்

இன்னும் கருகிப்

போகவில்லை - ஆம்!

தலைகுனிந்த நாட்டில்

அக்கிரமங்களை

களையறுத்தல் வீரம்!

உண்மைகளை

தலையெடுக்க வைத்து

உலகில் தலைநிமிரச்

நாவசைந்த காலத்தில் தமிழைத்தந்து

நடையசைந்த காலத்தில் வீரம்தந்து

பாவசைந்த காலத்தில் பக்திதந்து

படையசைந்த காலத்தில் வெற்றிதந்து

காவசைந்த காலத்தில் கானம்தந்து

கண்ணசைந்த காலத்தில் கருணைதந்து

கோவசைந்த காலத்தில் காட்சிதந்து

குடியசைந்த காலத்தில் காக்கும்தேவன்,

வையத்தைப் புரக்கவென வந்தநங்கை

வாழ்வில் ஐயத்துகிடமின்றி தூயவளாக,

ஆறோடும் இப்பூமியில் ஜனித்தஜான்சிக்கு

ஆறாக கண்களிலே வேள்வித்தீபெருக,

ஜயப்பறைகள் சாற்றுவிப்பதற்கு பதிலாக

ஐயப் பறைகள் சாற்றுவித்து,

களிப்புடனே வாழ்ந்த பெண்ணைக்

கண் கலங்க வைப்பதற்கு

பண்டை காலத்து பைத்தியங்களை

பண்பாடின்றி அனுப்பி வைத்து,

களிப்பான இந்தப் பறவையின்,

கலகலப்பான ஓசையை அடக்கி,

இன்பமான இவ்வீரப் பறவையின்

இனிமையான வாழ்வை கலகலக்கச்செய்து

காட்டு மரங்களினிடையே எழும்பும்

களிப்புமிகு நல்லிசை யினைமாற்றி,

நீலப் பெருங்கடல் எந்நேரமுமே

நீட்டி முழக்கும் இனியஇசையை

தத்துவஞானம் எது பேசினும் பேசட்டும்!

தன்னலமற்ற வாதம்எது செய்யினும் செய்யட்டும்!

உலகிலே மரணம் இருக்கும் வரையிலும்,

மனித இதயத்திலே பலவீனம் இருக்கட்டும்!

பலவீனத்தால் மனதினின்றும் ஒலிக்கும்அப்

பலமற்ற அழுகுரல் ஓயாமல் ஒலிக்கட்டும்!

கேட்ட சொற்கள் வேதனையாகட்டும்!

கேட்காமல் வந்தவேதனைகள் சோதனைகளாகட்டும்!

சோதனைகளின் முடிவில் சாதனைகள் வளரட்டும்,

சாதனைகளால் சுவர்க்க இன்பம் கிட்டட்டும்!

இந்த சாதனைகளுக்காக போராடுபவர்களுக்கு,

இன்னல்கள் தரும் இரும்புள்ளங்களையும்

ஆதரித்து ஆதாயப்படுத்திக் கொண்டு

ஆண்டாண்டு காலமாய் பாரதத்தில்

வளர்ந்து சாதிக்க உழைத்தவர்களை,

வளர விடாமல் பிறநாட்டிற்கு

வாரிக் கொடுத்துவிட்டு நிற்கும்

வக்கிர மனிதர்களை வளரவிட்டு,

வேடிக்கை பார்க்கும் சமூகத்தை

வேட்டையாடி , பாரதத்தில் பிறந்து

அறிவுக் களஞ்சியமான விஞ்ஞானிகளையும்

அஞ்ஞானிகளாக்கி அமர வைக்கும்

துஷ்டர்கள், இப்பாரத பூமியை