விண்ணை நோக்கிக் கேட்டேன்

வினவிய கேள்விக்கு பதிலில்லை;

கண்ணை நோக்கிக் கேட்டேன்

கண்டது ஜடமாக உயிரற்றதாக!

கண்ணீரோடு மலையை நோக்கினேன்,

கேட்கும்முன்பே தலையைக் குனிந்தது!

கடும்காற்றை வேகத்தோடு ஏறிட்டேன்,

அமைதி…. மயான….அமைதி!

நான் கேட்டகேள்வியின் எதிரொலி

நாடெங்கும் ஒலித்து ஓய்ந்தது

என்றுதான் நினைக்கிறேன், வேறு

என்னதான் நான் சொல்வது?

அப்பொழுதும் எந்தன் வினாவிற்கு

அன்பாக விடையளிப்பார் எவருமிலர்;

காலையில் மலரும் மலர்களுக்கு

கவிதையில் கிடைப்பது மலர்ச்சி!

மாலையில் மலரும் மல்லிகைகளுக்கு

இலட்சங்கள் எனக்கு வேண்டாம்

இலட்சியங்கள்தான் எனக்கு வேண்டும்!

துள்ளித் திரியும் துஷ்டர்களை

துள்ளத் துள்ளத் அழிக்கவேண்டும்!

வஞ்சகம் நிறைந்த மனங்களை

வஞ்சனையின்றி கொல்ல வேண்டும்!

நாற்ற மெடுக்கும் மனங்களை

நாகப்பாம்பாய் அணுகவேண்டும்!

அழகைக் கொண்டு அகங்பாவம்பிடித்த

அரக்கர்களை அழிக்கத்தான் வேண்டும்!

துரோகம் செய்யும் துரோகிகளை

துவேசம் செய்யத்தான் வேண்டும்!

ஆசானைப் பழிக்கும் அசுரர்களை

ஆட்டிவைக்கத் தான் வேண்டும்!

ஆசானாய் பிறந்து ஆசைக்கு

ஆடுபவர்களை அடிக்க வேண்டும்!

மாணவர்களாய் இருக்கும் மகாபாவ

மாமேதைகளை மழிக்கத்தான் வேண்டும்!

தலைமைப் பதவிக் கொண்டு

தலைகர்வமிக்கவர்கள் அழியவேண்டும்!

நல்ல மனிதர்களாய் நடிக்கும்கெட்ட

நடிகர்களை ஒழிக்கத்தான் வேண்டும்!

பொல்லாத போலிஸ்காரனின் திமிரை

பொறுத்துத் தான்போக வேண்டும்!

புகழைத் தேடி அலைபவர்களை

அங்கே காணுங்கள்,

அதுஓர் ஓலைக்குடில்!

அதுஓர் ஏழைக்குடில்!

அழகான நங்கை

அழகாக ஓலைக்குடிலில்...

அர்த்தமின்றி அந்த

அபலைப்பெண் கற்பனையை

அடுக்கடுக்காய் ஓடவிட்டுமுடிவில்

அயர்ந்து உறங்கியவாறு அழுகிறாள்;

கனவும் தொடர்ந்தது…

வசந்த மாளிகையில்

வசதியான வாழ்க்கையில்அவள்!

பணத்தின் செழுமையை தன்

பளபளக்கும் உடையில்காணுகிறாள்.

எட்டிப்பாராத அந்த

எட்டிக்காயாக கசக்கும்

இச்சமூகஉறவுகள் இவள்தன்

இப்பகட்டில் எதைஉணர்ந்தார்களோ

அருகில்வந்து ஆசைகளையும்

அன்பையும் கலந்துகதைக்கிறார்கள்.

சென்றவிடமெல்லாம் சிறப்போசிறப்பு!

பாராதவரெல்லாம் இப்பொழுது

பார்வையாளர்கள்!

ஒதுங்கிச் சென்றவர்களெல்லாம்

ஒட்டிப் பழகுகின்றனர்;

எவரும் இவள்தன்பெயரைச்

செவியுற்றதும் மலர்வர்!

பலவிதமாய் உடையணிந்து,

பகட்டாய் சென்று,

பட்டுமேனியை தோழிகள்சூழ

பதிவிசாய் வாகனம்ஏற்றி,

படிப்பில் படுசுட்டியாகி

மணக்கும் மணம்தந்து

மனிதனிடமுள்ள நாற்றங்களை

மணக்க விடாமல்தடுத்து

நறுமணத்தை அளிக்க

முயற்சிக்கும் முட்டாள்-மலர்

வாடிய அடுத்தகணம்

வீசியெறியப் படுவோம்

என்பதை மறந்திருக்கிறது!

காலமெல்லாம் பூமாதேவி

கல்லுடலில் பெற்றிருக்கும்

கற்களையும் முற்களையும்

கல்லாலடிக்க வேண்டிய

அசுத்தங்களிடமிருந்தும்

நம்மை பிரித்து, காலால்

நம்மை சுத்தர்களாக்க

முயற்சிக்கும் முட்டாள்-காலணி

காலில் போட்டுமிதித்தும்

வலி தாங்குகிறது.

களைத்தவன் கண்கலங்க

வெயிலின் வெப்பத்தால்

வறண்ட அவன்

தொண்டைக்கு இதம்

தரத்துணிந்து,

தான் தஞ்சம்புகுந்த

இடத்தைவிட்டு

இடம் பெயர்ந்து

அவன் அயற்சியைநீக்கி,

அவன் தாகத்தைதணித்து,

தான்காய்ந்து போகும்முட்டாள்-இளநீர்

குளிர்ச்சி தணிந்தவுடன் - தான்

குப்பைத்தொட்டியில் என்பதை

தெரிந்தும் தெளிந்திருக்கிறது.

இம்மூன்றையும் அறிந்து

அனுபவிப்பவனே முழுஞானி!

காலங்கள் கவலைகளாகிய இந்நேரத்தில்

கழுத்தை நெரிக்கும் காட்சிகள் எதற்கு?

காலத்தின் கோலத்தில் குலப்போராட்டம் ஏன்?

பாவிகள்கூடி அப்பாவிகளை அடிக்கிறார்களா?

அப்பாவிகளெல்லாம் கூடி பாவிகளாகிறார்களா?

பார்வையாளர்களுக்கு இது புரியவில்லை!

பிறருக்காக தன்னை துன்புறுத்திக்கொண்டவரெல்லாம்

நாம் காணாத சரித்திரத்தில்….

பிறரைத் துன்புறுத்துபவர்களோ தினம்

நம்வீட்டுச் சின்னத்திரையில்….

ஆடுமாடுகளில் நிறம்பார்க்காத மனிதன்!

கருப்பன் மடியில் வெள்ளைப்பூனை;

வெள்ளையன் வீட்டில் ப்ளாக்நார்வீஜன்!

விலங்கிடம் நிறமற்ற விளங்காத

அன்பு காட்டும் இவன்

நிறம்கொண்டு குலம் கண்டு நாட்டைப்பிளப்பதேன்?

உயிரிலிருந்து உயிர்மெய்வரை

அழிக்க வந்தது கொரோனா,

ஆள்பவர்களைக் குழப்பியது கொரோனா!

இயலாமையைத் தந்தது கொரோனா!

ஈட்டிய செல்வத்தையும் வீணாக்கியது!

உயிர்பல பறித்தது கொரோனா,

ஊமைகளாக்கி நம்வாயையும் மூடவைத்தது!

எட்டிநின்றே பழகவைத்தது கொரோனா,

ஏழைகளின் வயிற்றையும் காயவிட்டிருக்கிறது!

ஐந்தறிவு ஜீவன்களெல்லாம் வெளியே,

ஒத்தையாய் மனிதன் மட்டும் உள்ளே!

ஓசையற்று ஓடிஒதுங்க வைத்ததும்,

ஒளதாரியத்தை தந்ததும் கொரோனாதான்!

கண்முன்னே நுரையீரலைத் தாக்கி

காட்டுத் தீப்போல உயிர்களை,

கிடுக்கிப்போட்டு எடுத்துச் சென்றது.

கீற்றைக் கிழிப்பதுபோல் உயிர்அழித்ததால்

குழந்தைகள்பல அநாதைகள் அமெரிக்காவில்!

கூடியஓலங்கள் அடங்கியது சைனாவில்!

கெஞ்சும் பசிக்குரல்களின் சத்தம்

கேளாமல் சுயநலமாக இன்றும்

கைகழுவும் அரசியல் அமைப்புகள்!

கொட்டிக் கிடந்த அன்பையும்,

Visit : http://www.sumathygsmy.in/ 

வறுமை கிழித்தகோடு

பிரிந்த பலநாள்

எண்ணெய் காணாத 

பரட்டைத் தலை,

சிகப்பு ரத்தமின்றி

வெளுத்து கறுத்த

நெற்றியின் கோணல்நிலை,

பலநாள் பசிகண்டு

பசியாற்ற உணவின்றி

உறவு மின்றி

பசியோடு அழும்குழந்தையின் 

பரிதாபக் குரலும் கேட்காதநிலையில்

பரிதாபமாக அடைத்தசெவி,

காலமெல்லாம் காலனை

காண துடிதுடித்துக்

காத்திருந்து

இப்பரிதாபநிலையிலிருந்து

மீட்சிபெற….நிரந்தரமாகபெற…..

எதிர்பார்த்து எதிர்பார்த்து

ஏமாற்றம் அடைந்துஇன்றும்

சிலகனவுகளை ஏந்தி,

சிந்தும் கண்ணீரைத்துடைக்க

மனமின்றி - அல்ல

சக்தியின்றி,

குழிவிழுந்த எங்கோஅதல

பாதாளத்தில் உள்ளசிறு

விளக்குபோல் சிறுஒளி

பெற்ற அக்கண்கள்,

பசியென வந்தவர்க்கு

பசியாற்ற மனமில்லாவிடினும்

வேலையென வந்தவர்க்கு

கூலியென்றால் என்னவென்று

வேலை வாங்கிஒரு

 பணத்தின் பலம்

பணம் பணம் பணம்,

எங்கும் பணம் எதிலும்பணம்;

எல்லாம் பணம், தேவைபணம்!

செல்வந்தனைக் கண்டால்

செல்லாத பணமும்

செல்லும் பணமாகிவிடும்.

அவனைக் கண்டுதரிசிக்க

அங்கமெல்லாம் புல்லரிக்க

ஆவலோடு தேடிவருவர்.

அவர்தம் படைப்புகளுக்கு

பள்ளியிலும் பல்கலைக்கழகத்திலும்

பதிவிசாய் இடம்கிடைக்கும்,

நல்மதிப்பும் கிட்டும்!

அவர்களைக் கண்டால்

அகிலத்திலுள்ள அனைவரும்

அணைத்து புன்னகைப்பர்!

ஆனால் அவரருகிலுள்ள

ஏழை உறவுகளை

ஏறெடுத்தும் பாரார்!

ஏழை வணங்கவேண்டும்

ஏழ்மைக்கு வணக்கமில்லை.

வாராக்கடன் வாரிசுகளுக்குகூட

வசதியான வாழ்க்கை!

இன்முகத்தோடு உரையாற்ற

இனியவர் பலருண்டு

அவர்களுக்கு ; இரங்க

ஆவலில்லை இவர்களுக்கு-இந்த

வறியோர்க்காக!

பொருட் செல்வமற்றவர்கள்

நயமானவர்களென்றாலும்

Visit : http://www.sumathygsmy.in/

கடவுளைக் கண்டித்த கவிஞன்

இதயமுள்ள மக்களைக் கண்டு - பின்

இதயமற்ற மாக்களைக் கண்ட

கவிஞனின் கவியுளம் கணிந்தது

கண்ணீர் கரைதொட்டு ஓடிற்று.

ஓ…..என்தேவனே……...காணாயோ?

ஊனமுற்ற மக்கள்உள்ளம் காணாயோ?

இதயமெனும் நல்கனியை இறைவனே……

இம்மக்களின் மறைவில் கண்டாயோ?

மாபெரும் தவறு செய்துவிட்டாயே!

மறைவான இடத்தில் வைத்தாயே,

கள்ளமும் சூதும் கர்வமும்கொண்ட

கள்ள இதயத்தை ஒளித்துவிட்டாயே!

நின் தவறு புலப்படவில்லையோ?

நிஜத்தை மறைப்பதை அறியவில்லையா?

இவர்தம்இதயம் இருட்டில் இருப்பதால்தான்

இம்மானிடம் கெட்டுக் கிடக்கிறது.

மனதும்குணமும் மறைக்கப்பட்டிருப்பதால்

மிகுந்திருக்கிறார்கள் சுயநல வாதிகள்!

இவ்வுலக அழிவைநீர் குறித்துவிட்டீர்,

இனிவரும் காலங்கள் கலங்குவதுறுதி!

Visit : http://www.sumathygsmy.in/

ஊதியெறியப் பட்ட உணர்ச்சிகள்

உணர்ச்சிக்கு வடிக்கவேண்டும் ஒருஉருவம்

உள்ளத்தில் உதிக்கவில்லை எழுத்துக்கள்

எண்ணங்களை வடிக்கவேண்டும் எனதேட்டில்

எழுதுவதுஎப்படி என்றுதான் புரியவில்லை!

கடலில்அலை பொங்கிக் கனக்கின்றது

காரணம்தான் கதைக்க முடியவில்லை.

புயல்தான் சுழன்று வீசுகின்றதுமனதில்,

புத்திக்குதான் எட்டவில்லை ஏனென்று!

கலங்கித் தவிக்கின்றது உள்ளம்நிதம்

கனன்றுச் சிவக்கின்றது எண்ணம்.

பார்வை ஒன்றுமட்டும் எனக்குச்சொந்தம்

பாரதம் அதையும் பறித்துக்கொண்டது!

உற்றுநோக்காதே உண்மையில்பொழுதுபோக்கு

பட்டிமன்றமும் சட்டமன்றமும் தானோ?

தேர்தல்கொள்கைகள்பற்றி கேட்டால்வெறும்

தேர்ந்தகொள்கைக் கும்பமேளாவாம்!