Þjóðmál

Björt Ólafsdóttir, fv. ráðherra og nú framkvæmdastjóri Iðu fasteignaþróunarfélags, fjallar um viðbrigðin við því að fara úr stjórnmálum í einkarekstur og uppbygginu fyrirtækis. Við ræðum um viðhorf stjórnmálamanna til atvinnulífsins og verðmætasköpunar. gagnslausar aðgerðir ríkisvaldsins á húsnæðismarkaði, óraunhæf markmið í losunaráætlunum, hvort að bara loftslagsaktívistar geti orðið umhverfisráðherra, stjórnarslitin árið 2017 og eftirmála þeirra, hvort að Björt hafi áhuga á að því að snúa aftur í stjórnmál og margt fleira.

Heiðar Guðjónsson og Snorri Másson fara yfir stöðuna undir lok vikunnar. Við ræðum um verðmætasköpunarhaustið sem virðist ætla að breytast í (Kristrúnar) Frostavetur, hvaða áhrif það hefur þegar heilt álver er nálægt því að loka, hvort það sé ástæða til að hafa áhyggjur af störfum framtíðarinnar, hvort rétt sé að endurvekja loftslagskvíðann hjá fólki, kvennaverkfall og hið meinta bakslag, utanríkisstefnu sem mótast af tilfinningum frekar en hagsmunum og margt fleira.

Bjarnheiður Hallsdóttir, framkvæmdastjóri Kötlu DMI og fv. formaður SAF, og Ásgeir Baldurs, forstjóri Arctic Adventure, ræða um stöðu og framtíðarþróun ferðaþjónustunnar, samkeppnina við önnur ríki og samkeppnishæfni Íslands, um vöxtinn sem hefur orðið í greininni og hvaða áhrif hann hefur haft á bæði efnahagslífið og samfélagið, hvað megi betur fara, aðkomu stjórnvalda sem virðist ekki alltaf vita hvað þau vilja gera við atvinnugreinina annað en að skattleggja hana og margt fleira.

Hörður Ægisson og Stefán Einar Stefánsson fara yfir stöðuna í nýjum þætti. Við ræðum um skammarbréf fjármálaráðherra til fjárlaganefndar, nýja könnun um fylgi flokkanna í Reykjavík, yfirvofandi verkfall flugumferðarstjóra, góðgerðarstarf Viðreisnar á kostnað almennings, ofríki ríkisstarfsmanna, viðkvæma stöðu í Húsi atvinnulífsins og margt fleira.

Andrea Sigurðardóttir og Ingvi Þór Georgsson fara ítarlega yfir það hvernig veiðigjaldafrumvarpið var keyrt áfram síðastliðið vor, þeim blekkingum sem var beitt, gögn sem sögð voru til en aldrei birt, orðræðu sem var í besta falli villandi, hvaða áhrif frumvarpið mun hafa (og er þegar byrjað að hafa) og þannig mætti áfram telja. Gera má ráð fyrir því að sitjandi ríkisstjórn komi með fleiri sambærileg mál fram á kjörtímabilinu og því rétt að kafa aðeins ofan í þær aðferðir sem beitt var til að koma þessu tiltekna máli í gegn. Þá ræðum við um varaformannskjör í Miðflokknum, útrás íslenskra orkudrykkja, skemmtisiglingar í Miðjarahafi og fleira.

Orri Hauksson vélaverkfræðingur og Þórður Gunnarsson hagfræðingur fara yfir allt það helsta, þau fyrirsjáanlegu tíðindi að stýrivextir héldust óbreyttir, hvaða lesa mátti úr orðum seðlabankamanna, hvaða áhrif það hefur að vaxtakostnaður sé orðinn næst stærsti útgjaldaliður ríkisins, gullverð sem nú er í hæstu hæðum, fyrirhugaðan samruna Íslandsbanka og Skaga, væntanlegan formansslag í Framsóknarflokknum, atvinnuvegaráðherra sem hefur lítinn áhuga á því að tala við atvinnulífið og margt fleira. Þá hlýðum við á sérstakan upplestur á fræðsluefni fyrir kennara þar sem þeim er kennt að fjalla um hugtakið hagvöxt, en fræðsluefnið var gefið út undir forystu Vinstri grænna/Landverndar.

Ragnar Árnason fer efnislega yfir kosti og galla þess að ganga í Evrópusambandið, hvort það muni bæta efnahag landsins eða hag heimila, hvort að við þurfum í raun á því að halda að ganga í sambandið, hvaða áhrif gjaldmiðlamálin hafa, hvort öryggi landsins verði meira og margt fleira sem snýr að þessu máli sem nú er orðið eitt helsta stefnumál sitjandi ríkisstjórnar.

Andrés Magnússon og Stefán Einar Stefánsson skipa nýja menningardeild Þjóðmála. Við ræðum um laun rithöfunda, gjaldþrot Play og drauminn um að reka tvö flugfélög, ársfund SA og það skrýtna samband sem nú er á milli atvinnulífsins og ríkisstjórnarinnar, varaformannsslag í Miðflokknum, þingmenn Samfylkingarinnar sem ætla að banka upp á heima hjá þér og margt fleira skemmtilegt.

Við sóttum ársfund Samtaka atvinnulífsins (SA) sem haldinn var í dag og förum yfir allt það helsta í sérstökum aukaþætti Þjóðmála. Rætt er við Jón Ólaf Halldórsson, formann SA, Andrés Magnússon, fulltrúa ritstjóra á Morgunblaðinu, Boga Nils Bogason, forstjóra Icelandair, og Helgu Árnadóttur, framkvæmdastjóra hjá Bláa lóninu.

Viðskiptablaðamennirnir Hörður Ægisson og Örn Arnarson fjalla um fall Play, sem í dag hætti starfsemi og óskaði eftir gjaldþrotaskiptum. Við ræðum upp aðdraganda gjaldþrotsins, brösóttan rekstur þess í þau fjögur ár sem félagði flug, samkeppnina í fluginu, áhrifin á íslenskt efnahagslíf og margt fleira sem snýr að þessu.