Þjóðmál

By ÞjóðmálSociety & Culture

Favorites
39
Followers
Typical duration
93 min
per episode

Based on Podcast App listening data

Þjóðmál episodes

October 06, 2023 #165 – Haustfundur með Þórði Pálssyni – 15 ár frá hruni – ESG staðlar sem enginn bað um
Þórður Pálsson mætir í Þjóðmálastofuna og fjallar um aðdraganda og eftirmála fjármálahrunsins haustið 2008, þar sem nú eru liðin 15 ár frá þeim tíma. Við fjöllum um það hvort að staða Íslands hafi verið öðruvísi en annarra ríkja, hvort það sé eðli fjármálamarkaða að taka dýfur eða jafnvel hrynja með reglulegu millibili, hvort og þá hvernig hagkerfið hefur breyst síðan þá og margt fleira. Við tökum einnig stöðuna á hagkerfinu nú, horfurnar í efnahagsmálum, of mikil ríkisútgjöld, háa verðbólgu og aðgerðir Seðlabankans. Þá er einnig rætt um ESG staðla og dyggðarskreytingar fyrirtækja yfir eigin verkum í þeim málum og loks tökum við spurningar úr sal í kaffihúsaspjallinu okkar. Stútfullur þáttur fyrir spyrjandi þjóð.
1 hr 10 min
October 05, 2023 #164 – Er fasteignamarkaðurinn kominn út í stýrivaxtahorn? – Upptaka af fundi með FVH
Félag viðskipta- og hagfræðinga, í samstarfi við Þjóðmál, stóð fyrir hádegisfundi þann 4. október sem ber yfirskriftina Er fasteignamarkaðurinn kominn út í stýrivaxtahorn. Á fundingum var rætt um nýja stýrivaxtaákvörðun Seðlabanka Íslands, sem var birt fyrr um morguninn, og hvaða áhrif stefna Seðlabankans hefur á fasteignamarkaðinn og efnahaginn. Gestir fundarins voru þau Rannveig Sigurðardóttir, varaseðlabankastjóri Peningastefnunefndar Seðlabankans, Konráð S. Guðjónsson, aðalhagfræðingur Arion Banka, og Sigríður Margrét Oddsdóttir, framkvæmdastjóri Samtaka Atvinnulífsins. Gísli Freyr Valdórsson, fréttastjóri viðskipta á Morgunblaðinu og stjórnandi Þjóðamála, stýrði umræðum.
1 hr 6 min
September 27, 2023 #163 – Páll Gunnar rennur á bananahýðinu – Fundargerðin sem hvarf – Erfiður hlutabréfamarkaður
Hörður Ægisson og Stefán Einar Stefánsson koma saman á ný. Í þættinum er rætt um smjörklípu verkalýðsforystunnar sem vill allt í einu skipta um gjaldmiðil, stöðuna á eldrauðum hlutabréfamarkaði, stjórnmálamenn sem boða umfangsmiklar aðgerðir við vandamálum sem ekki eru orðin, yfirlætisfulla lækna sem vilja banna alla hluti, vandræðagang Samkeppniseftirlitsins, gula spjaldið sem við gefum Willum Þór og margt annað.
1 hr 19 min
September 21, 2023 #162 – Winter is coming in the pólitík – Brim sigrar SKE – Reykjavík rekin á yfirdrætti og smálánum
Andrés Jónsson og Friðjón Friðjónsson fara yfir sviðið á vettvangi stjórnmála nú þegar þingið er byrjað á ný, hvaða mál verða hitamál í pólitíkinni í vetur, hvaða mál eru ekki rædd, hvaða verkefni hefur ekki tekist að leysa og fleira í þeim dúr. Þá er rætt um stjórnsýsluklúður Samkeppniseftirlitsins og matvælaráðuneytisins, við förum yfir spurningar úr sal, tekin er umræða um yfirvofandi greiðsluþrot Reykjavíkurborgar og flókna stöðu verðandi borgarstjóra, og margt fleira.
1 hr 16 min
September 18, 2023 #161 – Leitað til lögfræðings – Ruglingurinn um fullveldi og sjálfstæði – Dómarar í skjallbandalagi
Bjarni Már Magnússon, prófessor og nýr forseti lagadeildar við Háskólann á Bifröst og hafréttarsérfræðingur, ræðir um hafrétt og það hlutverk sem fagið gegnir í öryggis- og varnarmálum, um muninn á fullveldi og sjálfstæði þjóða, átök um umráðasvæði og nýtingu á Norðurslóðum, það hvort að alþjóðastofnanir séu að taka völd af þjóðríkjum og önnur flókin mál sem krefjast úrlausna. Þá er einnig fjallað um hegðun ríkisvaldsins í heimsfaraldi, um skipan dómara og það hvort að mögulegt sé að hefja alvöru rökræður um lögfræðileg málefni.
1 hr 10 min
September 13, 2023 #160 – Rauður markaður en hagsveifluleiðréttur frumjöfnuður er hugtak dagsins
Hörður Ægisson og Stefán Einar Stefánsson rýna fjárlög næsta árs og hvaða, eða öllu heldur hvort þau feli í sér einhver pólitísk skilaboð. Þá er rætt um horfur á vinnumarkaði, hvort að það séu einhverjar líkur á því að vextir fari lækkandi og margt fleira.
56 min
September 08, 2023 #159 – Helgarvaktin með Hildi Sverrisdóttur
Hildur Sverrisdóttir, þingmaður Sjálfstæðisflokksins, ræðir um það helsta á vettvangi stjórnmálanna, ríkisstjórnarsamstarfið, hvort að pólitískt erindi Sjálfstæðisflokksins felist eingöngu í því að bæta eða breyta vondum málum í þinginu, hvernig pólitísk umræða endar oft út í skurði, hvort það sé rangt fyrir stjórnmálamenn að sækjast eftir völdum, hvaða flokk hún vildi síst vilja hafa á þingi og margt fleira.
1 hr 5 min
September 05, 2023 #158 – Í gullleit á Grænlandi – Hetjusögur úr atvinnulífinu
Hörður Ægisson og Stefán Einar Stefánsson ferðast með hlaðvarpi Þjóðmála til að skoða öfluga starfsemi Amaroq Minerals og þau áhrif sem hún hefur haft á atvinnuuppbyggingu á Suður-Grænlandi. Fjallað er um hetjusögur úr atvinnulífinu, breyting á þinginu, hvalveiðar og kvikmyndageirann, sektarsjóð Samkeppniseftirlitsins, innherjaupplýsingar á gjaldeyrismarkaði og margt annað.
1 hr 13 min
August 31, 2023 #157 – „Maður er ekki ráðherra til að fá útrás fyrir sína villtustu drauma“ – Þriðja vaktin staðin að svörtum bakstri
Þórður Gunnarsson og Örn Arnarson eru menn sem taka þriðju vaktina alvarlega. Þeir mæta í Þjóðmálastofuna og taka umræðu um vottaðar hvalveiðar, leikþáttinn í kringum skýrslu matvælaráðherra um sjávarútveginn, hvort það sé vandamál að bankar séu reknir með hagnaði, horfurnar á gasmarkaði í Evrópu í vetur, svartan bakstur og margt margt fleira.
49 min
August 28, 2023 #156 – Ríkisstjórn í gjörgæslu – Björn Ingi rýnir í stöðuna í pólitíkinni
Björn Ingi Hrafnsson, ritstjóri Viljans, ræðir um stjórnarsamstarfið og samskipti ríkisstjórnarflokkanna, það hvort að flokksráðsfundir Sjálfstæðisflokksins og Vinstri grænna hafi kveikt einhverja neista í ástlausu hjónabandi flokkanna, um helstu áskoranirnar framundan, flókin mál sem stjórnmálamenn forðast að ræða og margt fleira.
50 min