Þjóðmál

By ÞjóðmálSociety & Culture

Favorites
39
Followers
Typical duration
93 min
per episode

Based on Podcast App listening data

Þjóðmál episodes

October 30, 2022 #95 – Formannsslagur í Sjálfstæðisflokknum og umbúðaskipti á Samfylkingu
Andrés Magnússon og Stefán Einar Stefánsson ræða um væntanlegan formannsslag í Sjálfstæðisflokknum, viðhorf flokksmanna gagnvart ríkisstjórnarsamstarfinu, hvað getur haft áhrif á formannskjör, hvaða erindi Guðlaugur Þór Þórðarson eigi í embætti, hvort að Bjarni Benediktsson og stuðningsmenn hans hafi sofið á verðinum og margt fleira. Þá er rætt stuttlega um nýja forystu og nýjar umbúðir Samfylkingarinnar.
1 hr 6 min
October 20, 2022 #94 – Ungliðadeildin rýnir í heitustu málin
Brynjar Níelsson og Óli Björn Kárason ræða um félagafrelsi á vinnumarkaði og mikilvægi þess að fólk geti valið hvort það standi innan eða utan stéttarfélaga og um þá stöðu sem hefur skapast í málefnum útlendingar og hvort – og þá hvernig – stjórnmálin ætla að bregðast við. Þá er rætt um ríkisstjórnarsamstarfið, samskipti þeirra flokka sem eru í meirihluta á þinginu og hvort hægt sé að réttlæta samstarfið með þeim rökum að það sé skásti kosturinn.
1 hr 9 min
October 14, 2022 #93 – Hver vann (skrípa)leikinn á ASÍ þinginu?
Andrés Magnússon og Stefán Einar Stefánsson ræða nýafstaðið ASÍ þing þar sem allt fór í háaloft, verkalýðsbaráttu sem snýst um allt mögulegt nema launþegana sjálfa, hvað má og má ekki segja í þjóðfélagsumræðunni, hvort að ríkisstjórnin hafi burði til að takast á við þau flóknu málefni sem hún stendur frammi fyrir og margt fleira.
1 hr 26 min
October 09, 2022 #92 – Að heyja stríð með úreltum búnaði – Farið yfir stöðuna í Úkraínu
Kristján Johannessen, fréttastjóri á Morgunblaðinu, ræðir um innrás Rússa inn í Úkraínu, hvað veldur því hvernig átökin hafa dregist á langinn, um hernaðartaktík sem ýmist hefur brugðist eða verið illa undirbúin, um strákana frá Síberíu sem fóru á heræfingu en snúa aldrei aftur, hvaða þýðingu það hafði að sökkva flaggskipi Svartahafsflota Rússa, hvernig tækni er notuð til að verjast innrásinni, hvers vænta má á næstu vikum og margt fleira.
56 min
September 30, 2022 #91 – Að kaupa undir vopnaglamri og selja undir lúðrablæstri – Rauðglóandi markaðir en pantanabókin í lagi
Hörður Ægisson og Stefán Einar Stefánsson ræða stöðuna á hlutabréfamarkaði, aukin ríkisútgjöld, það hvort að það sé hollt að upplifa verðbólgu eða ekki, stöðu Marels og traust fjárfesta í garð félagsins, komandi hluthafafund í Sýn, rannsókn á sölu Íslandsbanka, komandi kjaraviðræður, horfurnar í efnahagslífinu og mikilvægi þess að félagsmenn í stéttarfélögunum láti ekki fámenna klíku í forystu félaganna leiða sig út í skurð.
53 min
September 20, 2022 #90 – Peningar og pólitík krúnunnar
Björn Berg Gunnarsson, deildarstjóra Greiningar Íslandsbanka, og Davíð Þorláksson, lögfræðingur og framkvæmdastjóri, fjalla um arfleið Elísabetar II. Bretlandsdrottningar, veraldleg verðmæti krúnunnar, pólitíkina í kringum breska konungsdæmið, framtíð þess og sögulegt samhengi og fleira markvert á þeim merkilegu tímamótum sem nú eiga sér stað í Bretlandi og samveldinu.
50 min
September 16, 2022 #89 – Lífsgæðin í dag fengin að láni – Innantóm umræða um hækkun skatta – Flókin staða lífeyrissjóða
Hörður Ægisson og Stefán Einar Stefánsson ræða um útgjaldaaukningu í fjárlögum og það hvort að ríkisstjórnin hafi misst tökin á fjármálum ríkisins, hvar fjármagni er sóað, hvort að núverandi lífsgæði sé fengin að láni, hvort hægt sé að loka gatinu í hallarrekstri og fleira. Þá er rætt um sölu Símans á Mílu og það tjón sem Samkeppniseftirlitið hefur valdið lífeyrissjóðum sem eru stórir hluthafar Símans, um ákvarðanir lífeyrissjóða við stjórnarkjör í Festi og í Sýn, hvort að tilnefndinganefndir skráðra félaga muni heyra sögunni til og margt fleira.
1 hr 22 min
September 09, 2022 #88 – Fjármál Reykjavíkur í járnum og hagkerfið í línudansi
Guðný Halldórsdóttir, blaðamaður á Viðskiptablaðinu, og Þórður Gunnarsson, hagfræðingur og varaborgarfulltrúi, ræða um fjármál Reykjavíkurborgar, stöðuna í hagkerfinu, það hvernig við nálgumst umræðu um skatta, ofurlaun og margt fleira.
45 min
September 02, 2022 #87 – Það sem ekki má ræða og verkefnin sem stjórnmálin ráða ekki við – Þarf að fara fram covid-uppgjör?
Andrés Magnússon og Sigríður Á. Andersen fara yfir allt það helsta, hvort tilefni sé til að hefja umræðu um svonefnd Evrópumál, hvaða áhrif stríðið í Úkraínu mun hafa hér heima sem erlendis, hvort að viðskiptaþvinganir eigi rétt á sér, um hvaða burði við höfum til að taka á móti flóttamönnum og hvort að stjórnmálamenn ráði við flókin verkefni. Þá er rætt um það hvort að rétt sé að skoða og gera upp aðgerðir stjórnvalda í covid-faraldrinum og hvaða áhrif slíkt uppgjör á að hafa.
1 hr 8 min
August 26, 2022 #86 – Hvað gerir Evrópa þegar henni verður kalt? – Björn Bjarnason fyrir yfir stöðu mála erlendis og hér heima
Björn Bjarnason, fv. ráðherra, ræðir um stöðu mála í Úkraínu, hvaða afleiðingar átökin þar geta haft á stjórnmál í Evrópu og víðar, hvort að ríki vesturlanda séu að standa með úkraínsku þjóðinni í raun og veru, um viðskipti vestrænna ríkja við Rússland og fleira. Þá er rætt um vandræðagang meirihlutans í Reykjavík, skort á erlendum fjárfestingum á Íslandi og tilgangslausar ríkisstofnanir.
1 hr 4 min