Þjóðmál

By ÞjóðmálSociety & Culture

Favorites
39
Followers
Typical duration
93 min
per episode

Based on Podcast App listening data

Þjóðmál episodes

February 13, 2023 #115 – Réttlátt réttarfar – Jón Steinar fer yfir málin
Jón Steinar Gunnlaugsson, lögmaður og fv. hæstaréttardómari, ræðir um þá gagnrýni sem hann hefur lagt fram á íslenska dómskerfið, það hvernig dómarar starfa og hvernig þeir eru skipaðir, hvaða afleiðingar það getur haft að gefa afslátt af grundvallarreglum réttarríkisins, fjallað er um dómara sem dæmdu bankamenn í fangelsi eftir að hafa sjálfir tapað töluverðum upphæðum og margt fleira.
1 hr 4 min
February 08, 2023 #114 – Seðlabankinn í stríði við allt og alla – Efling ógnar allsherjarreglu - Ærfillet og lund
Hörður Ægisson og Stefán Einar Stefánsson ræða um ákvörðun Seðlabankans við hækkun stýrivaxta og harðan tón um það sem koma skal, rætt er um skemmdarverk Eflingar á vinnumarkaði og ógn við allsherjarreglu, fyrirhugaðan samruna Kviku og Íslandsbanka, um bónusa í bankakerfinu og margt fleira.
1 hr 26 min
February 03, 2023 #113 –Djúpgreining SKE á majónesmarkaði – Upplestur
Hlaðvarp Þjóðmála er upplýsandi hlaðvarp. Við fengum því góðan vin þáttarins til að lesa upp hluta af úrskurði Samkeppniseftirlitsins þar sem samruni Kaupfélags Skagfirðinga og Gunnars ehf. var ógildur. Eftir að hafa skoðað málið í heila níu mánuði er það mat Samkeppniseftirlitsins samruninn hefði haft alvarlegar afleiðingar fyrir samkeppni, viðskiptavinum og neytendum til tjóns, eins og það var orðað í tilkynningu á vef eftirlitsins. Hér er majónesmarkaðurinn greindur í þaula og mikilvægt að þjóðin sé vel upplýst um alla anga málsins. Ekki ríkir þó ágreiningur um sinnepsmarkaðinn.
44 min
February 02, 2023 #112 – Hrun Framsóknar í Reykjavík – Hversu lengi skín stjarna Kristrúnar? – Þarf Gísli Marteinn Hummer?
Andrés Jónsson og Friðjón R. Friðjónsson fara yfir það helsta í stjórnmálunum í dag – og það sem er ekki að eiga sér stað sem stundum er ekki síður mikilvægt. Rætt er um fylgisaukningu Samfylkingarinnar, hvernig hún kemur til og hvort hún sé komin til vera, um það hvort forystuskipti verði í íslenskum stjórnmálum á næstu árum, umræðu um málefni útlendinga sem nú fer fram á Alþingi, hvaða áhrif staðan í efnahagsmálum kann að hafa á stjórnmálin, hrun Framsóknar í borginni og margt fleira.
1 hr 5 min
January 30, 2023 #111 – Úkraínumenn fá betri vopn og búnað – Hvað er framundan í stríðinu?
Kristján Johannessen, fréttastjóri á Morgunblaðinu, mætir aftur til að ræða um stöðu mála í Úkraínu, hvernig stríðið hefur breyst úr því að vera varnarstríð yfir í að vera átök um landvinninga, hvort að sá búnaður sem Vesturlönd eru að senda Úkraínumönnum muni gagnast og hvernig, hvað kunni mögulega að vera framundan í átökunum, hvort og þá hvernig átökin geta stigmagnast, hvaða áhrif átökin hafa á umræðu hér á landi um öryggis- og varnarmál, hvort að stríðið sé einnig stríð um upplýsingaflæði og margt fleira.
48 min
January 26, 2023 #110 – Ríkissáttasemjari ýtir á rauða hnappinn – Meðalgóður dansari stígur út á sviðið og skyggir á ballerínuna
Hörður Ægisson og Stefán Einar Stefánsson fjalla um nýjustu vendingar í kjaramálum eftir að ríkissáttasemjari lagði fram miðlunartillögu sem knýr félagsmenn í Eflingu til að kjósa um þann kjarasamning sem lagður hefur verið fram og samþykktur af öðrum félögum. Rætt er um hvort það sé ábyrg ákvörðun eða ótímabær. Þá er rætt um stöðu ÍL sjóðs, hvort að fyrrverandi umboðsmaður Alþingis hafi eitthvað raunverulegt fram að færa um sölu ríkisins í Íslandsbanka, um uppkaup á gjaldeyrismarkaði og hversu spenntir íslenskir fjárfestar eru fyrir Alvotech.
1 hr 1 min
January 20, 2023 #109 – Heiðar Guðjóns fjallar um hringrásarhagkerfi vondra hugmynda frá vinstri
Heiðar Guðjónsson fjárfestir ræðir um hvaða áhrif – og afleiðingar – það hefur þegar ríkisvaldið verður of stórt og ósjálfbært, hvort að Ísland sé að stefna í þá átt, hvernig hagkerfi heimsins koma til með að breytast á næstu áratugum í samanburði við liðin ár, hvernig stjórnmálamenn tala ítrekað um sjálfbærni en reka ósjálfbæran ríkissjóð, fortíðarþrá vinstri manna og hringrásarhagkerfi vondra hugmynda. Þá er rætt um yfirvofandi orkukreppu, ónýtt tækifæri Íslands í notkun orkuauðlinda og þann efnahagslega skaða sem sjónarmið Landverndar hafa verði þau ofan á í umræðunni. Loks ræðir hann um það hvað gerist þegar stjórnmál og viðskipti rugla reitum og fyrirtæki huga meira að pólitískum rétttrúnaði frekar en því að skapa verðmæti. Það er því komið víða við í innihaldríkum þætti.
57 min
January 13, 2023 #108 – Þegar fíflunum fjölgar – starfsmaður á plani í egótrippi – ríkisbankinn sópar upp gjaldeyri
Hörður Ægisson og Stefán Einar Stefánsson ræða um stöðuna á vinnumarkaði og þann skaða sem Efling kann að valda með fyrirhuguðum aðgerðum, lélegt val RÚV á álitsgjöfum um viðskipti og efnahagsmál, hvaða þýðingu það hefur að gera sátt við yfirvöld, um skrýtinn fréttaflutning af mengun í Reykjavík, uppsagnir forstjóra og loks stöðuna á gjaldeyrismarkaði. Það er því komið víða við í þætti dagsins .
1 hr 30 min
January 10, 2023 #107 – Fjárfestingar og fjármálalæsi með Fortuna Invest
Aníta Rut Hilmarsdóttir, viðskiptastjóri í eignastýringu hjá Fossum fjárfestingabanka, og Rósa Kristinsdóttir, sérfræðingur í fjárfestingum hjá sjóðastýringarfélaginu Vex, stofnuðu samstarfsvettvanginn Fortuna Invest ásamt Kristínu Hildi Ragnarsdóttur. Tilgangur Fortuna er að stuðla að auknu fjármálalæsi og auka fjölbreytta þátttöku á fjármálamarkaði. Í þættinum ræða þær Aníta og Rósa um ræða um fjárfestingar, sparnað, fjármálalæsi, kynjahlutföll á markaði og margt annað – auk þess sem þær velta upp spurningunni hvort að fjárfestingar séu fyrir alla.
42 min
January 06, 2023 #106 – Þriðja vaktin með Þórði og Erni
Þórður Gunnarsson frá Innherja og Örn Arnarson frá Viðskiptablaðinu taka þriðju vaktina þessa helgi. Lifandi þáttur þar sem rætt er um mikilvægi styttingu vinnuviku opinberra starfsmanna, hringrásaverðmæti verðmætanna sem meðal annars leggja grunn að ríkisreknum fjölmiðli, það hvort að matvöruverslanir þurfi að gefa eftir af arðsemiskröfu sinni og margt annað skemmtilegt.
53 min