ប្រាសាទអង្គរវត្តមិនត្រឹមតែជាទីកន្លែងទេសចរណ៍ដែលបានទាក់ទាញភ្ញៀវទេសចរជាតិ និងអន្តរជាតិប៉ុណ្ណោះទេ តែរូបភាពថ្ងៃរះនៅពីលើកំពូលប្រាសាទអង្គរវត្តបាន និងកំពុងក្លាយជាព្រឹត្តិការណ៍ទាក់ទាញមួយទៀតដែលភ្ញៀវជាតិ និងអន្តរជាតិបាននាំគ្នាចូលរួមទស្សនាតាំងពីព្រឹកព្រហាម។ សម្រាប់ភ្ញៀវបរទេស ពន្លឺថ្ងៃព្រឹកព្រហាមជាវីតាមីនដែលជួយដល់សម្រស់ និងនាំមកនូវភាពស្រស់ស្រាយសម្រាប់ការចាប់ផ្តើមថ្ងៃថ្មីរបស់ពួកគេ។