បច្ចុប្បន្នសិប្បកម្មតម្បាញសូត្ររបស់ខ្មែរមិនសូវមានច្រើនទេ ខណៈយុវជនជំនាន់ក្រោយខ្លះក៏មិនស្គាល់មុខរបរមួយនេះផង។ តែនៅលើកោះឧកញ៉ាតី ដែលនៅមិនឆ្ងាយប៉ុន្មានពីទីក្រុងភ្នំពេញ សិប្បកម្មតម្បាញសូត្រ កំពុងទទួលបានការគាំទ្រពីភ្ញៀវទេសចរជាតិ និងអន្តរជាតិ។ អ្នកស្រុកបានរៀបចំសិប្បកម្មនេះជាសហគមន៍ ដើម្បីបង្កើតឱកាសរកចំណូលបន្ថែមជួយផ្គត់ផ្គង់ជីវភាពក្រៅពីការងារកសិកម្ម។