មានបទពិសោធន៍លើការងារជាជាងទងជិត១០ឆ្នាំ លោក ភី ធារិទ្ធិបានឱ្យដឹងថា ការចាប់អាជីពជាជាងទងនេះ មិនមែនជារឿងចៃដន្យឡើយ។ ប៉ុន្តែនេះសុទ្ធសឹងតែកើតចេញពីចំណូលចំណូលចិត្ត និងចិត្តចង់ចូលរួមអភិរក្សកេរ្តិ៍មរតកដូនតា។ សព្វថ្ងៃនេះ ការងាររបស់លោកមានការចាប់អារម្មណ៍ពីអតិថិជនមិនសូវច្រើនប៉ុន្មានទេ។ ទីតាំងសិប្បកម្មរបស់លោក គឺធ្វើគ្រឿងការដែលផលិតចេញពីស្ពាន់ ប្រាក់ និងវត្ថុធាតុដើមជាច្រើនផ្សេង។ បើតាមលោក ធារិទ្ធ លោកមិនអាចបោះបង់អាជីពនេះបានឡើយ បើទោះបីបច្ចុប្បន្នទីផ្សារសម្រាប់ជាងទងហាក់មិនសូវទំលំទូលាយ។ ផ្ទុយមកវិញ លោកនឹងបន្តបណ្តុះបណ្តាលក្មេងៗជំនាន់ក្រោយឱ្យបន្តអាជីពនេះ។