Tús Áite

Tá taraifí gearrtha ag an tSín ar earraí ó na Stáit Aontaithe mar bhuille ar an mbuille tar éis d'Uachtarán na Stát Aontaithe Donald Trump taraifí breise de 10% a ghearradh ar earraí ón tSín. Phléamar an scéala seo le Conall Ó Móráin, Saineolaí airgeadais agus láithreoir an phodchraoaldh That Great Business Show.

Una Ní Bhroiméil, Údar, Staraí agus Saineolaí ar Stair Mheiriceá agus Peadar De Blúit, Cúntóir Teanga i gComhairle an Aontas Eorpaigh a bhí linn ar an bPainéal Idirnáisúnta inniu. Trump agus na tarifí, Netanya ar cuairt chuig na Stáit Aontaithe inniu a bhí i measc na scéalta a bhí á phlé.

Rónán Ó Muirthile a bhí linn leis na scéalta ar mhír na meán áitiúil inniu.

Níor tháinig éinne slán ón tionóisc inár bhuail eitlean agus héiliceaptar isteach ina chéile ós cionn abhainn an Potomac in Washington DC. Phléamar an scéal seo le Domhnall Ó Catháin, Abhcóide i New Jersey agus Eoghan Corry, Iriseoir Taistil.

Na scéalta móra i bpolaitíocht an lae ag Cuan Ó Seireadáin, Eagraí Polaitíochta Raidió na Gaeltachta.

Déanadh aslonnú ar gach éinne as bunscoil agus meánscoil agus as scata gnó i mBaile Clár na Gaillimhe san iarnóin inniu mar gheall ar eachtra ag monarchan caidhairí. Labhair Bláithín Ní Bhriain, Stiúrthóir Naíonra i mBaile Chlár na Gaillimhe linn faoin méid ar tharla.

Toghadh Ronan Mullen, ina sheanadóir neamhspléach ar phainéal Ollscoil na hÉireann arís inniu.

Tháinig torthaí scrúdaithe do mhac léinn a maraíodh i mbuamáil na hÓmaí ar lá a sochraide. B’shin a dúradh ag an bhfiosrúchán maidir leis an mbuamáil inniu. Labhair Antóin Mac Cába linn faoin scéal seo.

Cuan Ó Seireadáin (Eagraí Polaitíochta Raidió na Gaeltachta); Eoghan Corry (Iriseoir Taistil); Domhnall Ó Catháin (Abhcóide i New Jersey); Bláithín Ní Bhriain (Stiúrthóir Naíonra i mBaile Chlár na Gaillimhe); Antóin Mac Cába (Iriseoir); Ronan Mullen (Seanadóir Neamhspléach); Rob Ó Conchúir.

Labhair Mícheál Ó Cinnéide, iar-stiúirthóir an An Ghníomhaireacht um Chaomhnú Comhshaoil linn faoi Stoirm Éowyn agus an nasc atá ag athrú aeráide le stoirmeacha.