Tús Áite

Clár cúrsaí reatha agus nuachta á chur i láthair ag Aonghus Ó Lochlainn. Ar chlár an lae inniu: Polaitíocht an Lae le Cuan Ó Seireadáin, Daltaí ag fáil tairscintí an CAO tráthnóna, Géarchéim soláthar múinteoirí sna Gaelscoileanna, Mír na Leabhar agus Na Cluichí Parailimpeacha

Polaitíocht an Lae le Cuan Ó Seireadáin

Tá ollghanntanas múinteoirí sna Gaelscoileanna ann fud fad na tíre... ach cad chuige a bhfuil sé níos measa anois ná mar a bhí ariamh? Pléann Aonghus seo le Róise Uí Labhraí, Príomhoide Gaelscoil Phádraig, An Baile Breac, Co Bhaile Átha Cliath agus Tim Tuckey, Príomhoide, Gaelscoil an Bhradán Feasa, Droichead Átha, Co Lú

Mír na Leabhar le hÁine Ní Ghlinn

Seolfar na Cluichí Parailimpeacha inniu i bParás, ach céard atá ag teacht aníos agus cé hiad na lúthchleasaithe ar gá súil a choimeád amach dóibh? Pleann Aonghus seo le Daráine Ní Mhaoilmhichíl, Tráchtaire Spórt le RTÉ Spórt

Inniu atá daltaí na tíre ag fáil a dtairiscintí ón CAO. PléannAonghus seo le Breandán Mac Róibín, Múinteoir Gairmthreoireach i gColáiste Eoin, Stigh Lorgáin

Tá nach mór cúig bliana déag ann ó scaradar mar bhanna, ach tá an grúpa Oasis ag teacht le chéile arís le haghaidh roinnt coirmeach an samhradh seo chughainn agus beidh siad le clos i bPairc an Chrócaigh ar an 16 agus 17 Lúnasa. Labhair Richie Ó hEadhra, Ceoltóir agus díograiseoir Oasis linn faoin scéal seo.

An t-Iriseoir Michael McCaughan agus Ronan McCrea Ollamh le Dlí Bunreachtúil in Ollscoil Cathair Londain a bhí linn ar an bPainéal Idirnaisiúnta inniu. Pavel Durov gafa ag póilíní na Fraince; géarú ar an gCogaíocht san Úcráin agus Díospóireacht Trump Harris a bhí i measc na scéalta a bhí á phlé.

D'éiligh Ceannaire Shinn Féin, ar an Taoiseach inniu míniú a thabhairt ar thuairiscí go ndeachaigh eitleáin tríd aerspás na hÉireann agus airm á iompar acu ó na Stáit Aontaithe go dtí Iosrael. É seo agus tuilleadh á phlé ag Cuan Ó Seireadáin ar pholaitíocht an lae inniu.

Tá iarratas Google ar ionad nua sonraí a thógáil i Páirc Gnó Chaisléan na Gráinsí diúltaithe ag Comhairle Contae Bhaile Átha Cliath Theas. Phléamar an scéal seo le Antóin Ó Lachtnáin, Stiúrthóir ar Chearta Digiteach Éireann.