Tús Áite

Dúirt Ard Rúnaí an TUI Michael Gillespie go mbeifear ag éileamh ardú pá do mhúinteoirí atá ar a laghadh chomh hard leis an méadú sa ráta boilscithe ag an Chomhdháil bhliaintúil Aontas Múinteoirí Éireann.

Ar an gclár inniu: Éamon Ó Cuív (TD Fhianna Fáil); Mícheál Ó hUanacháin (Údar agus iar-iriseoir le RTÉ); Ciarán Ó Pronntaigh (Iriseoir & bainisteoir an Áisaonaid); Clíona Kimber (Abhchóide Sinsearach & Cathaoirleach an Chomhlachais Barra Comhshaoil); Cuán Ó Flatharta; Conall Mac Dhonnagáin

Bhí searmanas speisialta ag Stormont inniu chun comóradh a dhéanamh ar cúig bliana fichid ó síníodh Comhaontú Aoine an Chéasta. Is é an Luain seo chughainn cothrom an lae ó síníodh an comhaontú ach dár ndóigh is ar Aoine an Chéasta i 1998 a síníodh é.

Tháinig méadú mór ar an bhforéigean in Iosrael agus sa Phalaistín inniu, nuair a scaoil dhá eitleán Iosraelach roicéid le deisceart na Liobáine agus scaoileadh roicéid chomh maith le Gaza. Bhí Mícheál Ó hUanacháin linn chun phlé a dhéanamh ar seo.

D’aimsigh píolóta nathair nimhe ar a eitleán, Féile Idirnáisiúnta Pan Cheilteach agus scannán Barbie a bhí á phlé ag Conall Mac Dhonnagáin ar Mír na Siamsaíochta inniu.

Bhí Ciarán ó Pronntaigh agus Clíona Kimber linn ar Súil Siar na Seachtaine ag féachaint siar ar na scéalta móra. Comóradh Aoine an Chéasta, Trump os comhair Cúirte, Tionól Saoránach ar Chailleadh na Bithéagsúlachta agus AirBnB ina measc.

Riail nua curtha i bhfeidhm ag an gCumann Lúthchleas Gael go bhfoilseofar painéal na foirne i lár an lae Dé hAoine roimh na cluichí. Cúige Laighean ag tabhairt aghaidh ar Leicester istoíche anocht san Aviva agus tuilleadh á phlé ag Cuán sa Mhír Spórt.

Dúirt oifigeach sinsireach in oifig an Uachtaráin Zelensky go mbeadh an Úcráin oscailte do chainteanna faoi thodhchaí an Chrimé dá n-éireodh le forsaí na hÚcráine dul chomh fada le teorainn an réigiún. An bhfuil gá breathnú arís ag pholasaí neodreachais na hÉirean?

Tá plean ag beirt bhall de na Daonlathaigh Sóisialta ar mac léinn dlí iad i gColáiste na hOllscoile Corcaigh chun dul I ngleic le fadhbanna Airbnb sa stát - go háirithe iad siúd nach bhfuil cead pleanála faighte acu.

Bhí agóídí ar fud na Fraince inniu i gcoinne leasuithe pinsean an rialtais tar éis gur theip ar chainteanna idir an chearcumainn agus an Príomh Aire. Bhí Emmanuel Macron ar cuairt chun na Síne inniu.