Tús Áite

Tá géarchéim earcaíochta na múinteoirí ag dul in olcas de réir suirbhé atá foilsithe ag Ceardcumann na Méan mhúinteoirí an ASTI.

Dheimhnigh Cumann na Sáirsintí & Cigirí an Gharda Síochána go mbeidh ceithre lá de ghníomhaireacht tionsclaíoch ann lena míshástacht maidir le huan-chláir agus coinníollacha oibre.

Ta Donald Trump le cúisiú i dTeach na Cúirte in Nua Eabhrach ag 7.15 am na hÉireann um tráthnóna. Inniu glacadh leis an bhFionnlainn mar an 31ú ball den comhghuaillíocht cosanta NATO agus tuilleadh á phlé ar an bPainéal Idirnáisiúnta.

Tá dlí nua molta sa Bhreatain chun oideachas Breatnaise a chur ar fáil do gach páiste scoil. Bhí an Dr. Ben Ó Ceallaigh, Léachtóir sa Léann Ceilteach in Ollscoil Aberystwyth linn chun é seo a phlé.

Inniu: Eoin Ó Catháin (Eagraí Polaitíochta Raidió na Gaeltachta); Tony Ó Murchú (Príomhoide Ghaelcholáiste na Mara); Breandán Ó Dúfaigh (Príomhoide Choláiste Oiriall); Dr.Ben Ó Ceallaigh (Saoiraistritheoir & Iar-Léachtóir); Karl Birthistle (Víreolaí agus oibrí san earnáil leigheas); Alan Titley (Colúnaí leis an Irish Times)

Tá tvuít a chuir Eoin Ó Broin urlabharaí tithíochta ar na meáin shóisialta cáinte go láidir ag polaiteoirí rialtais agus Cumann Sáirsintí agus Cigirí an Gharda Síochána ar an mbonn go bhfuil sé maslach do na nGardaí.

Tá cúpla scéal faoi chúrsaí tithíochta sna meáin inniu. Scéal faoi Thiarna Talún ag fógair árasáin ar Airbnb tar éis dó na tionóntaí a dhíshealbhú ar an mbonn go raibh sé ag díol an fhoirgnimh san áireamh. Phléadh seo ar an bpainéal.

Tá éilimh ag dul i méid le déanaí chun Comhaontú Aoine an Chéasta a leasú ionas nach bhféadfadh aon pháirtí amháin an feidhmeannas agus an comhthionól a tharraingt anuas.

Inniu: Liam Mac an Mhaoir (Iriseoir Spórt); Charmane Caldwell (Iníon léinn san Eolaíocht Talmhaíochta & Reachtaire an Chumainn Ghaelaigh UCD); Déaglán De Bréadúín (Iriseoir, Údar & Colúnaí leis an Irish News); Norita Ní Chartúr (Léachtóir sa Chraoltóireacht Raidió Ollscoil na Gaillimhe)

Tuigtear go bhfuil iar-uachtarán Mheiriceá Donald Trump le taisteal ó Florida go cathair Nua Eabhrach inniu áit a bhfuil sé le cúisiú amárach i dtaca le hairgead ciúnais a íocadh le réalta pórnagrafaíochta roimh olltoghchán 2016.