លោកយាយ​ រស់ រុំ មានព្រះជន្ម១១៩ឆ្នាំទើបតែទទួលបានវ៉ាក់សាំងបង្ការកូវីដ១៩កាលពីពេលថ្មីៗនេះ។ ១១៩ឆ្នាំជាអាយុមួយរស់បានយូរ បើធៀបនឹងអត្រាស្លាប់នាពេលបច្ចុប្បន្នក្នុងខ្ទង់អាយុចន្លោះពី៤០ទៅ៥០ឆ្នាំ។ អ្នកជំនាញផ្នែកសុខភាពនិយាយថា បច្ចុប្បន្នមនុស្សភាគច្រើនប្រើប្រាស់ទម្លាប់រស់នៅមិនសូវគិតពីសុខភាពទាំងការហូបចុក និងការបណ្ដែតបណ្ដោយឲ្យខ្លួនឯងរស់រងសម្ពាធផ្លូវចិត្តជាដើម​។  ពីរចំណុចនេះមិនបានស្ថិតនៅក្នងទម្លាប់រស់នៅប្រចាំថ្ងៃរបស់លោកយាយ រស់ រុំ  ឡើយ។ ឈរលើហេតុផលបុណ្យបាបលោកយាយ រស់ រុំ អះអាងថា គាត់ជាមនុស្សទៀងត្រង់សច្ចៈ ទើបកុសលផលបុណ្យតាមជួយថែរក្សាលោកយាយ ខណៈចៅស្រីនិយាយថា ជីដូនរបស់ខ្លួនជាមនុស្សរីករាយចូលចិត្តសប្បាយធ្វើឲ្យបញ្ហាផ្លូវចិត្តមិនចុះទ្រុឌទ្រោមនាំជីវិតរស់បានយូរ។