Bainbaud va ses uffizi sco secretari general da la Lia Rumantscha a fin. Urs Cadruvi banduna la Lia Rumantscha suenter 10 onns. In temp betg simpel per la Rumantschia.Durant il temp da Cadruvi era per exempel vegnì introducì en 40 vischnancas il rumantsch grischun en scola. Oz han 24 vischnancas, per decisiun u en connex cun ina fusiun, puspè midà vi sin l'idiom. Quai è be in dals temas fitg emoziunals, nua che Urs Cadruvi ha empruvà da chattar soluziuns. La critica da ses adversaris è per part stada massiva. En «il Profil» vegn el confruntà cun questa critica, però nus emprendain era d'enconuscher la persuna privata Urs Cadruvi.