លោកវេជ្ជបណ្ឌិត ឡោ គឹមសុង គ្រូពេទ្យ​ខ្មែរ​ម្នាក់​ដែល​ធ្លាប់​ធ្វើការ​នៅបារាំង​បាន​ដឹកនាំ​គ្រូពេទ្យ​បារាំងមក​ព្យាបាល​ជំងឺ​ពលរដ្ឋខ្មែរ​ចំនួន​ពីរ​ថ្ងៃ​នៅ ឃុំពារាម ស្រុកបាទី ខេត្តតាកែវ ចាប់​ពី​ថ្ងៃ​ទី​៩​ដល់​ថ្ងៃ​ទី​១០សីហា​។ មិន​ត្រឹម​តែ​ដឹក​នាំ​ការ​ព្យាបាល​ប៉ុណ្ណោះ​ទេ វេជ្ជបណ្ឌិតរូបនេះ ថែមទាំង​បាន​ដឹកនាំ​រៃ​អង្គាសថវិកា​ពី​ស្រុក​បារាំង​យក​មក​សាងសង់​មណ្ឌល​សុខភាព​មួយ​ទៀត ដែល​នៅ​ជាប់​របង​សាលា​ឃុំ​ពារាម​។ លោក ឡោ  គឹមសុង ប្រាប់ថា មុនមាន​មណ្ឌល​សុភាព​នេះ លោក​បាន​យក​ទីធ្លា​វត្ត​អារ៉ាម​នៃ​ឃុំ​ពារាមព្យាបាល​អ្នកភូមិ។ អ្នកភូមិ​ភាគ​ច្រើន​ជា​មនុស្ស​ចាស់​ចេញ​ចូល​ជាប់​មិន​ដាច់​មក​ពិគ្រោះ​យោបល់​នឹង​គ្រូពេទ្យ​ជា​មួយ​អាការៈ​រោគ​ផ្សេងៗ​គ្នា។