Catherine Tgetgel-Fischer è gia stada en blers lieus. Evità ha ella da vesair situaziuns da povradad.

Il viadi che ha influenzà il pli ferm la vita da Catherine Tgetgel-Fischer è stà quel dal chantun Argovia en l'Engiadina. Là ha la dunna da 35 onns fatg ragischs fitg foppas.

Cun blera voluntad ed agid dad amis en Engiadina, ha ella emprendì rumantsch. E quai uschè bain ch'ella dat er vinavant la lingua rumantscha a ses figl.

La tgira da Levi è actualmain la pli gronda aventura e na permetta era betg gronds viadis. Dentant è il desideri da puspè viagiar adina preschent. Sper ulteriuras visitas en pajais dal nord, attiran la dunna cun chavels lungs cotschens anc adina numerusas autras terras – per il mument anc estras.